Fa’amauina le tamā le mativa i Samoa

By Aruna Lolani 27 May 2017, 12:00AM

O le maua ai o le fa’atalatalanoaga le Fofoga o Samoa ma Simati Tia’i o Malua ma Vailele sa ia fa’ailoa ai le mativa ma le lē tagolima o si ona aiga. 

Sa maua le fa’atalatalanoaga a’o malolo mai le fa’atauina o la atigifanu taula i se tasi o faleoloa. 

“Ia o lea ma te malolo ma si o’u atali’i i i toa ma foi mai na ma o ave ma atigifanu taula aua sina seleni,” o lana lea tala i le Fofoga o Samoa. 

“E na’o le $7 le tupe na maua mai ia e lua falaoa lea ua fa’atau ma le suka $3 uma ai foi lea. 

“O maua ma si o’u to’alua ma te galulue le tapenaina o se tasi fanua i nei Vaitele ma o lo’o matou nonofo ai ma si a’u fanau. 

“O le matou totogi e maua e $50 i le vaiaso o nisi o vaiaso e $35 le tupe maua. 

“Ia e le taitai ona lava ai se fa’asoa o lea e mana’omia ai lava se fesoasoani. 

“Ia o le galuega la o lo’o fai nei e maua ai sina seleni fa’asili o le fa’aputu mai o atigifanu a lava ua ave le faleoloa e fa’atau ai. 

Sa taua e le tamā le mativa lava ma e mana’omia lava se fesoasoani. 

“E le gata i le leai se tupe ae o si o’u to’alua foi e iai ona manaona fa’apitoa. 

“Na afua mai ina ua pauu mai luga le koko ma tau fa’aletonu ai lona mafaufau. 

“O lea foi o lo’o mana’omia ai lava se seleni ae le gata i ana fualaa’u ma ana siaki.

“O le itu pitosili ona faigata o le leai se tasi le fanau to’a fa e aoga. .

“E le’o gafatia e maua nei na ave le fanau le aoga ma e leiloa po’o afea a o’o ai le fanau le aoga.  

“O le onosai lava se maua sa’u galuega lelei totogi e sefe ai se tupe e ave ai le aoga. 

“O le ala foi le ao le mana’omia o se fesoasoani. 

“Tele lava na ou fa’alogo o le maumaga lava e ola ai nisi o tagata, aua foi e sili atu na lelei le totogi o le maumaga nai lo totogi o tagata faigaluega. 

“Ia ae pei na fai atu le taimi ua sola, e leai se matou fanua, o le fanua o lo’o matou vaai ma tu’umasina ai pei o le ala faigata lena. 

Sa taua foi e le tamā e tele o mitamitaga o tagata e fa’alia i mea ua latou maua ae o ia o lana lava miti ia mafai ona foia se fa’afitauli se tasi mai le tele o fa’afitauli. 

“Ou te leiloa fa’atusa le olaga o le fanau e maua i le olaga o lo’o matou feola ai nei. 

“Ou te leiloa po le a se latou lumana’i manuia e maua  mai lenei olaga? 

“O lea e talosagaina ai lava se tasi e fesoasoani mai. 

Sa tutulu foi le tamā ma aunagi mo se fesoasoani. 

“Pau lava lea le tulaga o lo’o talosagaina ai se fesoasoani. 

“Ou te le popole le nofo mativama se isi lava tulaga ae pau lava le vaega taua ia te a’u ia ave le fanau le aoga ma ia maua so latou lumana’i manuia. 

“Ou te le ioeina o latou olaga falolo ma olaga matitiva pe a le aunoa ma le aoga. 

By Aruna Lolani 27 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>