Leai seisi nofoaga sili nai lo le Aiga

By Seia Soloi 26 April 2017, 12:00AM

Po o fea o lenei lalolagi e agai iai le tagata soifua ma ii ana galuega o lo’oo fai ma o lo’o saili manuia ai e leai lava seisi nofoaga e sili ai nai lo le aiga moni lava.

Aua o le aiga na fofoa a’e ai olaga uma o so’o se tagata.

O le mau a le tama ia Tepa Misi, 45-tausaga le matua mai le afioaga o Falelauniu.

O ia o se teufanua ma o lana galuega ma lana tupe maua e faamuamua lava lea mo lana galuega aemaise ai mea fai a lona aiga.

“O a’u e leai so’u aiga ma sa’u fanau”“Ma o la’u galuega i le taimi lenei o le tautuaina lea o lo’u aiga aemaise ai mea fai i totonu o le aiga ma le nuu aua o lenei vaitau ua le toe taugofie le soifuaga” o lana tala lea i le Fofoga o Samoa.

I lana tupe maua ma ii lana galuega o lo’o lelei atoatoa e tusa ai ma le faigata o lana galuega lea o lo’o faia i aso uma.

“Ua maitauina le tele o suiga o le olaga pe a faatusa iai i aso ua mavae sa lelei ma maua gofie mea uma”

“Ae o lenei olaga ua tatou iai a le galue lava le tagata ia mo lona aiga e le maua se mea aua o tupe uma mea uma latou ia.“Fa’i o totonu o aiga ae o mea fai a le nuu ma le ekalesia e epi o i e tele ai tupe e alu iai, ae e fai lava aua ua masani ai  lava o tatou tagata.

I le mau a le tama tele i latou ua faatalale i le tausiga o aiga ae o lana mau o aiga lava e pito sili ona maua ai faamanuiaga.

“E leai lava seisi manuia e sili atu nai lo le aiga moni.‘Pe e tele lava mea e fai ae e faatino lava aua o mea ua masani ai o tatou tagata i aso anamua.

Na ia faaailoa foi e sili le Aiga e maua ai le fiafia ma le faamalieina atoa o le loto leai se vevesi.

“Sili lava le aiga maua mea uma ma le ola saoloto e te galue foi oe lava ia ma ii mea e maua e lou malosi aua le tausiaina o le aiga.

O lana faamuamua i lenei tausaga atoa e mo lona aiga lea, aua e leai se aiga o le tama ia Tepa ma lana fanau, ma o lo’o faamamafa lava le tausiga o lona aiga.

“Atonu lava e iai se taimi.

“Ae pau le tulaga ua iai nei o le galue malosi lava ina ia lava le seleni aua le tausiga o aiga manu o maua le malosi.

By Seia Soloi 26 April 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>