E mana’omia lava tupe
O le fa’amuamua ai o aiga o se itu taua tele lea i le finagalo fa’aalia o le tinā i a Alio Talia i le Fofoga o Samoa i le aso ananafi.
“Ia e pei o lea lava le tulaga lelei mai ai o vaega nei mo le aga’i i luma o le soifuaga, o a’u o lo’u nu’u moni lava o Iva i Savai’i.
“Ia ae o gasologa lava o le olaga , e pei o lea le tulaga ua o’o mai ai fo’i iinei.
“O lo’o ua tatou tau fai molimau uma lava le taugata o le soifuaga o lo’o ua tatou i ai nei, aua ua le toe taugofie lava ni mea o i ai.
“I a te a’u ia o lo’o malamalama lelei lava , ia o aiga lava o lo’o fa’alagolago tele i a’i ma’ua ma le tamā o le aiga.
Na ia ta’ua e pei o le tupe lava fa’afitauli tele o lo’o feagai ai nei.
‘Ia e tele lava le ese’esega pe a va’ava’ai atu i aso ua alu ma nei aso.” O lana tala mai lea.
“Ia o la aso e pei sa faigofie lava mea ae o nei aso ia ua leai lava se vaega o toe faigofie.
“E pei o tupe lava mea uma ae o le taumafai lava e atia’e lelei aiga, aua le aga’i ai le lumana’i.
“Ia aua e fai tamaiti i le aoga, ia ae o le taumafai ai fo’i ina ia fesoasoani tele i le mau fa’alavelave mai lea aso i lea aso.
“Ia e fa’aamuia lava i le tele o aiga, o lo’o o latou fa’aaogaina lelei nei tupe i taimi uma.
Na ia ta’ua o lona to’alua o lo’o fesoasoani tele i tupe o lona aiga.
“Ia e pei o lea lava le soifuaga o lo’o ua i ai le taimi lenei, o le taumafai lava o le tagata e atia’e lona aiga aua le lelei alu i luma o le soifuaga.
“O lea lava fo’i le fa’anaunauta’iga aua le aga’i ai luma o le olaga o lo’o ua tatou i ai nei.