Fa’aleleia nofoaga mo fanau aoga

Tusia Deidre Fanene ,

49 Hits

O le fale tuai lenei, lea ua mae’a fo’i ona fa’aleleia atoa.

O le fale tuai lenei, lea ua mae’a fo’i ona fa’aleleia atoa.

O le fanau aoga olo’o a’otauina i le vaega laiti ma le au matutua ale aoga ale Ekalesia Asofitu i Lalovaea sa latou fa’afetaia ma le agaga fiafia se galuega lelei mai nisi o latou pa’aga.

I le Aso Lulu o le vaiaso na sei mavae atu nei, sa faatautaia ai i le hall a le aoga se fa’apotopotoga fa’apitoa e fa’afetaia ai le lima foa’i o nisi i le toe fa’aleleia o fale le ta’ua a le aoga auā le fa’aaogaina e le fanau aoga.

O fale fou ia o le a fa’aaogaina e le vaega laiti, a’o fale tuai ia ua mae’a ona toe fa’afouina lea o le a fa’aaoga e le vasega ale au matutua 12 ma le 13.

E tusa ai ma le imeli mai ia Su’a Hellene Wallwork – Lamb o le talosaga sa aumai mai le Matagaluega o le Soifua Maloloina i le tausaga na te’a nei lea ua ala ai ona fai lenei galuega.

 “O le asiasiga ale Matagaluega o le Soifua Maloloina na omai i le aoga ma latou talosagaina ai le aoga e mana’omia nisi fale fa’aopoopo ona ua fai si to’atele o le aoga.

“I le taimi lea e 12 fale le ta’ua o lo’o iai, o lea ua toe fa’aaopoopo iai ma le isi 12 e fa’aaogaina e le fanau laity.

“O le fa’amatalaga mai le matagaluega afai ae le utagia mai lenei talosaga o le a tapunia loa le aoga.

Ma o le tau aofa’i o lenei poloketi e tusa lea ma le $33,000.” 

O le ali’i loia ia Travis Lamb sa ia saunoa fa’afetai i la’ua pa’aga sa fesoasoani mai i le fausiaina o lenei poloketi.

 “Fa’afetai atu ile Taitaifono ma le Peresetene o le Misiona Samoa ma Tokelau Kenneth Fuliese, ona o lau taitaiga lelei e le gata i le ekalesia ae fa’apea fo’i ma le atina’eina o le aoga.

“Fiafia lava le loto ona o fa’aiuga o suega a le fanau i le tausaga ua mavae atu nei. 

“O lea sa iai se tamaititi sa au lava i le 100 ona togi e pasi ai ma o se tulaga lea e faafetai ai le agaga i le a’oa’oina o le fanau aoga.

“E fa’amalo atu ai fo’i i le pule aoga ona o lana taitaiga lelei mo le fanau a le aoga.

Sa ia fa’ailoa lo laua agaga fiafia ma lona to’alua e fesoasoani i lenei poloketi.

 “Ae iai ma’ua pa’aga sa mafai ona fesoasoani mai i le fausiaina o lenei poloketi.

“E ai le fesoasoani mai le Ray White Remuera Real Estate i Aukilani Niu Sila, Megan Jaffe, Ryan Dixon ma Steen Neilson. 

“O Megan Jaffe o ia lea e onaina le Ray White Remuera Real ma o lona to’alua o se foma’i e faia taotoga o fatu lea e masani lava  ona malaga mai iinei e fai taotoga faapitoa i Samoa.

“Fa’afetai atu fo’i i le uso i Aukilani, Paul Lamb, i le fesoasoani mai i nisi o le fa’atupeina o lenei poloketi.

  “Fa’afetai fo’i i le kamuta ia Taua Tautasi Neueli ma lana au tau lea sa latou fausiaina lenei poloketi. 

Sa fa’afetaia e le alii pule ia Eteuati Koria le lagolagosua mai o nei pa’aga.

© Samoa Observer 2016

Developed by Samoa Observer in Apia