Fia maua se galuega

By Deidre Tautua-Fanene 26 February 2018, 12:00AM

“Ua atoa le tausaga nei le tausaga talu ona tau sa’ilia se galuega talu mai lava le vā ea ai o le au faigaluega,” o lana tala lea i le vaega o le Fofoga o Samoa.

“E pei ona ta’ua i le tusi o le tamā o le ulu lea o le aiga, o lo’u tiute o le tali atu lea i manaoga o le aiga, ae peita’i o  le itu lea o lea out e to’ilalo ai ona o le leai o se galuega“Afai o iai se kamupani po’o nisi lava o lo’o tau sa’ilia se kamuta fa’amaoni ma le galue punoua’i o lea ou te iai.

“Ua ova ma le 10 tausaga talu ona ou kamuta.”

Sa ta’ua e Selefuti o lona to’alua e faigaluega, ae peita’i e le gafatia e le totogi o le tagata  e to’atasi ona tausi le aiga aemaise lava o le fa’atupeina o mea fa’alelotu, ma mea fai a le nuu.

Sa ia ta’ua fo’i o lana galuega o lo’o fai i le taimi nei o le galue lea i lana fa’atoaga ma fa’atalitali ai se tasi e maua mai ai sana galuega.

“O se avega mamafa tele ia te a’u le le mafai ona fesoasoani i lo’u aiga i le itu tau seleni.

“O lenei lava e tatalo i asouma ina ia fesootai mai se tasi mo se galuega mo a’u.

“E to’alua le fanau o lo’o mana’omia le fesoasoani i le itu tau i le aoga ae le mafai ona ou fesoasoani mo laua ona o le leai o se galuega.

“Fa’amolemole afai o iai se tasi o lo’o mana’omia se kamuta fa’afeso’otai mai le numera o le 775-7775.”

By Deidre Tautua-Fanene 26 February 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>