“Inā fai ia, “ua manumalo se tama’ita’i i le taamilosaga muamua ma le Fofoga Fetalai

26 February 2016, 12:00AM

Pai Mulitalo Ale 

Faaliliu e Seagaitumua Tupuola

 

O se tagi na faaulu e le Fofoga Fetalai o le Palemene ma le Sui Usufono  o le Itumalo o Gagaifomauga Nu. 3, o Laauli Leuatea Polataivao, e faasaga i lona fili e toatatasi mo le Faiga-Palota Lautele, o Fa’aulusau Rosa Duffy Stowers, ua faaleaogaina. O lea faaiuga na tuuina mai e le Faamasino Sili-Lana Afioga Patu Tiava’asue Falefatu Sapolu ma le Alii Faamasino o  Lesatele Rapi Vaai ananafi.

Sa fesiligia e le Fofoga Fetalai o La’auli le tulaga agavaa o Fa’aulusau e tusa ai ma lana monotaga i totonu o Aopo, Savai’i. Fai mai La’auli e le’i faamalieina e lea tamaitai lenei vaega o le tulafono ina ia mafai ai e ia ona avea ma sui faatu.  

Ae peitai-na teena e le sui faatu tamaitai lea mau na tuuina atu le anoano o faamatalaga molimau i le faagasologa o le faamasinoga ina ia faa-talitonuina ai le Faamasinoga. 

O Ananafi na avea ai Faaulusau ma tamaitai ua faamafanafanaina. “Ua tuua’ina sese lo’u nu’u i lenei mataupu,” o lana faaaliga lea.  

 “Ae ui o lea, ua ‘ou iloa e tumau lava le mea moni. Ua ‘ou matua fiafia lava ona ua aveese lenei mea mai le ala ina ia mafai ai ona tu’utasi o matou mafaufau i le faiga-palota.”

Ae mo lona fili, e i ai upu a Faaulusau e fia tuuina atu mo ia. “Fai loa le palota,” o lana faaaliga lea. 

A manumalo o ia, fai mai lea sui faatu o le a na una’ia le malo ina ia toe Iloilo le Tulafono o Faiga-Palota i le itu i le mataupu tau monotaga.

“Ou te lagona e tatau i le malo ona toe asia le Tulafono ma silasila i ni auala e una’ia ai tamaitai mai le fiapule i ai e tusa ai ma itu faapenei i le lumana’i,” o le faaaliga lea a Fa’aulusau. O le fofogaina o lenei mataupu na amata i le Aso Gafua.

Na molimau La’auli e faapea e le’i tuuina atu e  Faaulusau se  monotaga i lona nuu o Aopo. O Alalatoa Rosella Papali’i sa fai ma sui o le Fofoga Fetalai ae sa fai ma sui o Fa’aulusau le loia, o Salma  Hazelman.

26 February 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>