O LE MAU A PULE-THE MAU MOVEMENT

176 Hits

Tapena ma Tuufaatasi e Fuimaono Na’oia Faasavalu Touli F. Tupua mo le Samoa Observer. 

 

E manino mai sa faatumulia i latou i le fefe a’o latou tu’i le nofoaga o Leoleo, ma sa i ai foi se vaega o fitafita sa i lea nofoaga e puipui le Alii o loo pulea Samoa-ma sa tau alaga atu i latou i alii leoleo ina ia ina ia faaaoga a latou fana ma ‘auupega.

Ua matua faatumulia tagata Samoa i le ita ona o le tuumalo o se tasi sa latou faaigoaina o le Tupu e alolofa i ai- o Tamasese lea, ma o se mea uiga ese le mafai e le Mau ona taofi lo latou loto e fia taui atu. 

O le leoleo e tasi na oti i le Aso To’ana’i pogisa o Abraham; sa na o ia lava ma sa le iloa e isi alii Leoleo i lea taimi, na maliu lava o ia i le auala va-iti na tuua ai o ia e ana paaga. O Hickey lea sa tilotilo atu mai le Ala i luga o le Sami –o fasi mai o ia i lea ala va-iti, fai mai- e to’aono alii sa latou fekiki ia te ia.

Ona alu atu lea o se tagata talavou laititi ia Abraham, o ia lea atonu ua matua matapogia lava i lena taimi ona o le sasaina o ia i laau a’o kolosi ane i luga o le ala i luga o le sami, ma na faailoa atu i isi o le a na fasiotia o ia. “Sa to’atuli lea tagata Samoa i tala ane o le alii leoleo,” o le faaaliga lea a Hickey.

“Na ‘ou vaai atu o ona ta le ulu o le leoleo…ma ou te le’i iloa pe o ola poo ua oti le leoleo.

Na puna mai le toto i lona ulu e pei o le pa mai o se vai pe a togi i ai se maa.” E sefulu-tolu tausaga o Peter Fabricius sa i totonu o le umukuka o lo latou aiga, a’o le faamalama e faasaga tonu lava i le ala vaapiapi lea na vaai atu ai i se alii leoleo o tamo’e ese mai le timu ma’a a le Mau. Na te le’i iloa atu Abraham talu ai sa ta’oto o ia i lalo tonu lava o le faamalama, na ia faalogoina se tasi o tagata Samoa ua alu ane i sia tagata papalagi mafatia.

O Downes lea ua na tuua Abraham tusa lava pe o le a le mea e o’o ia te ia-na toe taliu ane ma na maua le pulou o le alii leoleo -ua matua tumu lava i le toto ma o lana fana puupuu ua aveese mai lona faamoega.

O Hutson lea na ia su’esu’eina le tino o Abraham mulimuli ane- fai mai o le manu’a tugā -o le ta lea i lona ua-a’o ona sopo’ia le Ala i luga o le sami. O se turisi  o Mr. J.D. Durksen o San Jose, Kalefonia-sa matamata i tauga-fana i ana mea vaai mai le Casino Hotele i Sogi. “ina ua uma lea tauga-fana, sa ‘ou su’esu’eina le tulaga na o’o i ai-ma ‘ou matua tilotilo lelei i ai a’o le’i maua so’u manatu.

O le faaiuga na ‘ou maua e faapea o lea faaaogaina o fana- o se mea lea sa fuafua lelei e le pulega ma sa faatinoina e tusa ai ma le fuafuaga. Fai mai a ia o le faaaogaina o ia fana –o se mea lea sa le tatau ona faatinoina. O le lua itula mulimuli ane ina ua uma le tauga-fana-o le taimi lea na ‘ou lagona ai ua saoalemu ona ‘ou alu ese-sa ‘ou alu atu i le nofoaga sa fai ai le taua. 

Sa tafe le toto e pei o ni vaivai-vaega ua tafetotoi o lea nofoaga ma se vaega tele o lea nofoaga ua pisipisia i le toto e pei o le itu i matu sasa’e.O le masaloga e faapea o le vaega tele o ia tauga-fana sa faaaoga ai fana uumi. O tagata o le atunuu sa tafana e tagata fana poto- o le Faamasinoga lea sa faatali mai ai ia tagata fana poto. 

E aliali mai o loo taumafai Leoleo e faapea mai -sa le’i nofo sauni i latou mo le tafanaina o ia tagata-ae peitai –e tusa ai ma lo’u mafaufau- e leai se mea faapena. E mamao i tua le nofoaga na fetaia’i ai Leoleo ma le Solo-ae sa latou le taumafai e saisai i latou,ona o le tagata sa latou mana’omia sa i luma tonu lava o le Fale Faamasino.

O le faamatalaga a le Satini e faapea-na te le’i iloa lea alii ae na faatoa latou iloa ina ua o’o atu le Solo i luma o le Fale Faamasino. O se tuuaiga lenei e faigata tele ona fai-ae lei maua i ai sou manatu. 

O se mea uiga ese lava lea. Sa mafai lava e Leoleo ona saisai le tagata latou te manaomia i soo se taimi. Na taunuu Westbrook i totonu o le Fale Faamasino ina ua o ese le Mau ma na maua ai Aleni o puipui e ni leoleo se to’alua sa tutu i fafo. Na alu atu Westbrook ia te ia  ma ta’u atu ia te ia- o mea na tutupu i lea aso o le “matua faasaua lava” O lea na saisai ai e Aleni Westbrook mo ni itula se tele.

© Samoa Observer 2016

Developed by Samoa Observer in Apia