Tala faasolopito o samoa mai le amataga

193 Hits

Tapena ma Tuufaatasi e Fuimaono Na’oia Fasavalu Touli F. Tupua mo le Samoa Observer. 

 

O le lotoā o le fuāva’a ma le Ofisa o Galuega o Commandant C.B.T. Moore; Commander o le USN; Kapeteni o le Lotoa o Lutena W.H.Standley, U.S.N.; Ofisa Faa-foma’i o A.M.Fauntleroy, P.A.Surgeon, U.S.N; Pule o le Faleoloa ma le Teutupe o le Malo, Fesoasoani i le Faiga o Totogi o T.J.Bright o le USN Station Paymaster J.C.Hilton, USN; Faife’au o le Fua-Vaa o J.B. Frazier,USN, Vaai Fetu o Benjamin Bose; Failautusi a le Pule o le Vaega-‘au o E.J.Mooklar; Failautusi a le Pule o le Faleoloa ma le Teutupe a le Atunuu o Mr. M.P. Coombe o le USN; Failautusi a le Fai Totogi o le Nofoaga o Frank E. Schute o le USN; Faia’oga o le Fitafita, Satini o Mea Tau Auupega o Satini J.F.Fox o le USMC ; Fomeni o le Lotoa o R.M.Walker; Pule o Leoleo o George Scanlan; Fesoasoani i le Vaai Fetu o Gustave Harrison; O le Lomitusi o Paul Schwenke, o le Ovasia o Afoa Lagolago. Falemai o le Foma’i Tipitipi Fesoasoani ua faamaonia  o A.M.Fauntleroy o le USN e pule-o le Fomai Tipitipi Fesoasoani o Milton E. Lando o le USN, o le situie o le Falemai o A.L.Bradford o le USN; O le Fesoasoani o M.E. Reed. Ofisa o le Lotoa o le USS “Adams”o C.B.T.Moore,Ta’ita’i’au o le USN o W.H.Stanley o le Lutene o le USN; W.G.Briggs Lutena o le USN P.B.Dungan Lutena o le USN, JB.Frazier, o le Faife’au o le USN o Milton E. Lando, Fomai Tipitipi Fesoasoani o le USN; J.C.Hilton o le Fai Totogi Fesoasoani o le USN, James Wilkson o le Fai Totogi o le USN, William J.Trevorrow mo masini o tusi saisai o le USN.

 

O A’OGA A LE MALO

Sa i Motootua i Apia se a’oga lelei ma le manaia a le Malo. E o’o mai i le 1903, ua itiiti se vaega o lea a’oga na fesoasoani i ai le malo ma o le tausaga lava lea na avea ai loa atoatoa e fai ma a’oga a le Malo. O HerrOtto Damm le pule a’oga na tofia mo lea a’oga.

O le 1905 na amata ai loa ona fau ia falea’oga tetele, ae faaulufale aloa’ia i le aso 6 o Me 1906 e le Sui Kovana o Dr. Schultz poo Kovana Sulusi, ao auai Konesula ma sui o malo mai fafo faatasi ai ma se vaega tele o tagata o le atunuu sa auai.E lua fale a’oga autu, e tofu ia fale ma potu a’oga ta’ilua faaopoopo i ai ma ni potu tusi lelei. Sa i ai se potu faapito sa teu ai vaega taitasi o le tala faasolopito o le nature o mea e pei o le pulu e gaosi ai le pa’u taavale, le koko ma isi lava mea, ia sa faaaoga uma lava i su’esu’ega tau a’oa’oga.O le faiga lata mai nei e avatu ai le iloa i le fanau a’oga o le faaaogaina faamuamua ai le aoaoina o le fanau. O le itu lea sa feagai ma isi a’oga i totonu o Samoa sa aoaoina ai tamaiti papalagi ma afakasi.

O le numera, keometeli, tala faasolopito, tala o le lalolagi, tala faasolopito o le natura ma fisiki, pesega, tusigā-ata, tusitusi ma le a’oa’oina o faatele, sa aofia uma lava i mataupu faataoto mo a’oga. Sa fesoasoani ia Mr.Damm se tasi alii faia’oga ma ni tamaitai faia’oga se to’alua ia sa a’oa’oina uma i le gagana Siamani, o le vaega toatele o i latou sa a’oa’oina i gagana i Siamani, Egelani ma Farane. O le aofai o tamaiti a’oga o le A’oga a le Malo e 98- e 74 Siamani, 8 Peretania, 2 Amerika, 3 Noue, 3 Suiti, 2 Suiselani ma le Samoa e to’atasi. O le itu i tapua’iga-pe tusa ma le ‘afa taseni o tamaiti a’oga o Katoliko Roma, ae o le vaega o totoe ai o lotu Porotesano.

© Samoa Observer 2016

Developed by Samoa Observer in Apia