Alofa fa’atinā

By Ilia L Likou 25 October 2017, 12:00AM

O le alofa o le tinā e sili lea.

O lea le finagalo o Masina Siala i le Fofoga o Samoa i le aso ananafi.

I lea fa’atalatalanoaga na ia ta’ua ai le tulaga lelei tele o le tumau ai pea o tinā i la latou matafaioi o lo’o i ai le taimi lenei.

“Ia e tele lava fa’afitauli i le avea ai ma tinā i lo’u iloa i ai le taimi lenei, ma e ao lava ona silasila lelei ai, aua e le fa’apea o aso uma o le a sologa lelei ai."

“O se itu e ao ona silasila i ai aua le aga’i atu ai le lumana’i aemaise o galuega  fa’atino e pei ona ua masani ai le tele o nai o tatou tagata."

“I a te a’u lava ia na’o a’u e ao lava i a’i matou ona fa’atauaina lo matou vala’auina, o i matou e i ai o matou fa’alupega i totonu o aiga e pei ona masani a’i."

“O lea fo’i la le tulaga e pei ona ua i ai le asō, i lo outou tau mai aia o tatou o lea lava e feoa’i luma o le auala e o atu e fafaga tamaiti."

Na ia fa’ailoa e i ai fa’afitauli i le olaga fa’atinā.

“Ae peitai a va’ai lava i tamaiti ia e pei e fofo’e ese atu nei vaega uma, ma o se itu lelei tele lea i le va’ai atu ai."

“O lo’u iloa i ai, ia o a faigata ma fa’afitauli e pei e uma le lalolagi i le va’ai atgu i vaega e mafai ona fa’atinoina ai so’o se taumafaiga."

“O le uiga o la’u tala, o lea lava le tulaga lelei o so’o se vaega lava, aemaise lava i fanau ia o le ave lava i ai o le fa’amuamua, ia e sologa lelei ai lava mea uma o lenei olaga, aemaise ai lava le olaga o i matou nei ua ta’ua o tinā."

Na ia fa’ailoa e ao lava i matua ona ave le fa’amuamua i le tausiga o fanau.

“Ia o lea lava le tulaga, o le aoga a’oa’oga fa’aneionapo  e una’i ai pea i latou aua o lo latou manuia lea."

“I le aga’i atu ai le lumana’i.

By Ilia L Likou 25 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>