E taua Pulega fa’a-matai
O le filemu o se atunu’u o lo’o i pulega a ali’i ma faipule.
O lea le finagalo o Tusitala To’alua i le Fofoga o Samoa i le aso ananafi.
E to’atolu le la fanau ma le tinā o le aiga ma na ia fa’ailoa o ia o lona olaga na soifua ane ai o Faleasi’u.
“Ia ua o’o mai lenei vaega o le atunu’u ona o nisi lava o vaega taua, ae e ta’u mama atu lava le tulaga e pei ona ua i ai nei nofoaga."
“E pule lava le tagata ia i lana mea e fai, o le uiga o la’u tala ia ona e leai ni faiganu’u o i ai le taimi lenei e pei o lea lava lona fa’afaigata."
Na ia ta’ua o le tulaga lava lea o lo’o silasila i ai le taimi lenei.
“E pei o le tele lava o fa’alavelave ia o leoleo lava o lo’o fa’alagolago matou i tua nei, e leai se tulaga fo’i lea e fa’apea e faigata ona faia i ai se isi vaega."
“O le ola lava lea e tatau ona i ai, ia o le toe va’ava’ai atu i nai tua’a ua mavae na tauasa mai le vao sa i ai."
“O lea lava le tulaga o lo’o taumafai i ai le taimi lenei, ia fa’apena ona fa’amuamua mea uma, ia e alofa mai ai fo’i le Atua i lo tatou ola."
O lona finagalo ia toe fa’aolaola tu ma aga i aso ua mavae.
“O lea lava le tulaga ua i ai le taimi lenei, ia taumafai ai pea ma ia maua ai pea le nofo lelei o tagata uma aemaise o nai o tatou fanau."
“I a te a’u lava ia o se itu lelei tele lea mo le aga’i atu ai le lumana’i aemaise o le tele o vaega e ao ona silasila lelei i ai."
“Ia o tatou faia mea uma, ae laualuga lava i le alofa mo i tatou aemaise o fanau a taeao, ia toe maua le nofo lelei umao tagat aua le aga’i atu ai le lumana’i."
“O se itu sili lea ona taua i a te a’u lava ia."