Mana’omia maketi i atunu’u mamao

Tusia Ilia L. Likou ma Aruna Lolani ,

66 Hits

Paepae Seumanutafa o Tiapapata ma Falealupo Savaii.

Paepae Seumanutafa o Tiapapata ma Falealupo Savaii.

O le tele o avanoa o lo’o ua mana’omia i le taimi lenei i le au faifa’ato’aga o le manaoga lea mo le tu’uina atu o fua fa’aele’eleaga i maketi i fafo ina ia aua lava ne’i i ai se isi tulaga e toe fa’alavelavea ai.

O lea le finagalo fa’aalia o Paepae Seumanutafa i le Fofoga o Samoa i le aso ananafi,  ona o le va’ai alofa i le lava lea o maketi e fa’atau atu ai le tele o  fua o le ‘ele’ele o lo’o mafai ona maua i le taimi lenei.

 “Ia ua tele lava polokalame ua molimauina i le taimi lenei aua lava le lelei alu i luma o si o tatou atunu’u ae o le tulaga o lo’o va’ava’ai atu ai o le fa’amautuina lelei o nai maketi i atunu’u i fafo e la’u atu ai le mau vaega o lo’o ua i ai nei i si o tatou atunu’u.

 “O le va’ava’ai lea ua i ai nei o le tele o polokalame o lo’o mafai ona tatou matamata atu ai e mo le atina’eina o nai faifa’ato’aga, ia ae o le fa’alavelave ua matua’i pala solo mea’ai ae ua leai se isi fa’amoemoe o ni vaega fo’i lea e avatu ai.

O ia o se tamā ua 67 le matua o le soifua ma o le manaoga lava lea i a te ia, ona o ia fo’i o se faifa’ato’aga.

 “Ia e pei o lea lava le manaoga i le taimi lenei, o le taumafai lava ina ia i ai nisi maketi mo Niu Sila, Ausetalia ma isi atunu’u.

 “Ia ma fuafua atu ai le tulaga lea i le tu’uina atu sa’o o vaega e mana’omia e maketi i fafo, ina ia tele se taimi e fa’asaoina e le au fai fa’atoaga i Samoa nei.

 “Ia e pei o le fa’ata’ita’iga, o le tu’uina sa’o mai lea e le malo e tupe i a’i matou nai le tau tu’uina atu sa’o le maketi e fa’atau.

“E pei o lo’u iloa i ai, e faigofie ai lea i a te a’u lava ia.

Na fa’ailoa e le tamā o le o’o mai iinei, ona o aoga a le fanau ia ma tulaga  tau fa’ato’aga.

 “Ia o a’u e to’afa la’u fanau ma o lo’o galulue uma le taimi lenei.

 “Ia o le olaga masani lava o si o matou motu i Savai’i, sologa lelei lava, aua o lea le vaega na ola mai ai.

© Samoa Observer 2016

Developed by Samoa Observer in Apia