Mana’omia se galuega

Tusia Aruna Lolani ma Ilia L. Likou ,

76 Hits

Le tamā i a Jerry Ma’umaga o Siumu ma Mulifanua.

Le tamā i a Jerry Ma’umaga o Siumu ma Mulifanua.

O tupe o le  fa’afitauli tele lea o lo’o feagai ma nai o tatou tagata.

O lea le finagalo o le tamā i a Jerry Ma’umaga o Siumu ma Mulifanua i le Fofoga o Samoa i le aso ananafi.

Na maua lenei fa’atalatalanoaga o lo’o aga’i atu o ia  e saili galuega i se tasi o pitonu’u o lo’o latou nu’u.

 “Ia e tau mai nei, o lea lava e fealua’i e saili sina galuega i tua nei, aua le tausia ai o aiga aemaise lava si a’u fanau i le aoga.

 “Ia e tau mai nei, o lea lava e fealua’i e saili talu mai le tolu vaiaso talu ai.

O Jerry e to’atolu lana fanau ma le tinā o le aiga ma o lo’o  i le aoga Tulaga Luau ma.

 “Ia sa o matou nonofo muamua lava i Mulifanua ma lo’u to’alua ma le fanau, ae ona o nisi o tulaga ia e pei o lea le tulaga ua matou o’o mai ai tua nei i  Siumu i le aiga o lo’u to’alua.

 “Ia e tau sa’o atu lava le faigata o le tausailia ai o se galuega, aua lava le aiga ma le fanau e pei ona fa’ailoa muamua atu fo’i.

 “Ou te le mana’o fua ou te fa’alagolago i isi tagata e tausia lo ma aiga, aemaise o le fanau i aoga, ou te mana’o lava a’u ia e fai lava e a’u mea uma.

Na galue muamua o ia i le galuega fa’akamuta i se tasi o ana uo ae le’i nonofo i Siumu.

 “Ia ma te nonofo ma lo’u to’alua ae o lo’o faia lava galuega fa’akamuta, ia ma o se tasi o uo na maua mai ai le galuega.

 “Ia tausu’e se galuega mo le fanau aemaise o le aiga, e leai  se isi o le aiga e faigaluega.

 “Ia o le o so’o se galuega lava e maua, po o Apia fo’i ae o le mea sili ua maua sina galuega.

O lona talitonuga o fanau o lumana’i manuia ia o aiga.

 “Ia o si o matou aiga e lima vaivai lava ae o fanau, a lelei ona fa’afailele lelei ma ave i le galuega e le taumateina le i’u lelei o latou olaga.

 “E pei o le mafua’aga tele lea o le fa’amafamafa lava i le taimi lenei, ia taumafai lava ia una’i fanau i le aoga.

 “O le olaga e le aoga le mana’o e manuia fanau, ae nofonofo e tatau lava ona fai se galuega e fesoasoasni ai fanau aua le aga’i atu ai le lumana’i.

 “O le taimi lenei o le taumafai lava e una’i fanau mo le lelei o aiga, ma le atunu’u.

“Ae o le olaga lava ia i Samoa, ia o lo’o lelei lava, fa’afetai e le totogia ni fale e nonofo ai.

“O lo’o i ai mea’ai ma mea uma ae pei o le tupe lava o lo’o avea ma fa’afitauli lenei vaitau ma o le mafua’aga lea o le tausailia o se galuega.

E mafai ona fa’afeso’ota’i Jerry i le 77-22078.

© Samoa Observer 2016

Developed by Samoa Observer in Apia