Fesoasoani ua lavea’ina ai le Ola

Tusia Sarafina Sanerivi ma Faaliliu e Seagaitumua Tupuola ,

127 Hits

O Losivale ma Leo’o Atonio mai Mutiatele Aleipata o matua fiafia ia o le asŏ.

Ua la maua le ‘Samoa Observer’s Save the Child’s Fund ma Samaria Agalelei mai le atunuu-e tatau ona faafetaia mo le fesoasoani i si o la atalii e malaga atu ai i Niu Sila mo se togafitiga faa-foma’i, lea e ono lavea’ina ai lona ola. Ua leva ona ta’oto Taulave Atoniu mo le sili atu i se tausaga ona o se gasegase 

“E sili atu i le faatolu ona tuuina atu o ia i le  falema’i i lenei tausaga,” o le faaaliga lea a Losivale i le Samoa Observer. 

 “Na faailoa mai e lana foma’i ia i matou e faapea o le mea e sili ona lelei mo ia o le ave lea o ia i Niu Sila e togafiti ai. Sa matou popole ina ua matou maua lea tala mai le foma’i-talu ai matou te iloa-e matua tele lona tau i le itu tau tupe.  “Ae ui o lea, ua faailoa mai ia i matou e faapea e pau lava le mea matou te faia o le saili lea o se tupe mo pasese ma pepa malaga,”

Fai mai Losivale na latou o ia Dr. Satupa’itea Viali mo se fesoasoani. Na ia faailoa ia i latou e faapea o le a taumafai i le mea sili na te mafaia e saili se fesoasoani.  

O le Aso Faraile talu ai na latou maua ai se valaau a Dr. Viali fai mai e i ai se tasi ua ioe e fesoasoani ia i latou. “Sa ‘ou faafetai i le Alii mo le tali mai ia matou tatalo,” o le faaaliga lea a Losivale, ma na toe ta’ua ai e faapea o lea valaau ua avatu atu ai ia i latou le faamoemoe. 

O le Faaputugatupe o le  ‘Save the Child’ na amata e le Samoa Observer faatasi ai ma se foa’i alofa mai tagata o le atunuu e fesoasoani i aiga matitiva –e auina atu ai a latou fanau i atunuu mamao mo togafitiga faafoma’i. O loo filo i e na tuuina mai saofaga i le Faaputugatupe, lea ua mafai ai ona faatino le malaga a Taulave, o Aokuso ma Margean Fe’esagao, Beatrice Ott, Nigel ma Tilo Fepulea’i.

Na tuua e Taulave le atunuu ananafi mo Niu Sila. O loo malaga faatasi o ia ma lona tuafafine matua, o Imeleta Tualima. O le a i ai o ia i Niu Sila mo le tolu masina. Na muta le alu o Taulave i le a’oga i le 2012 ina ua amata ona ma’i o ia, Sa mana’o o ia e avea ma kamuta-ae o lana miti ua masofa ina ua matua ma’i lava o ia ma ua le toe a’oga ai.Ae peitai-o loo tumau pea lona faamoemoe ina ia ‘ausia lana miti pe a uma ona ta’otoga. “Ou te mana’o lava e fai mea e pei o isi tamaiti,” o le upu lea a Taulave. “Tus lava pe ua ‘ou le toe alu i le a’oga, e le taofia lo’u alu i le lotu, A’oga Aso Sa ma taaalo ma a’u uo.

“Ma ‘ou te faafetaia le Samaria Agalelei lea na ofo mai na te totogiina lo’u pasese. Ou te iloa o se tupe tele ma e le mafai ona ‘ou toe totogiina. Ae peitai, ou te fia faailoa atu ia i latou ua ‘ou fiafia ma faafetai atu mo le tuuina mai ia te a’u o le faamoemoe.” Sa mana’o foi le tina o Taulave e faailoa atu lana faafetai i le Faatonu Aoao o le Samoa Observer, o Gato’aitele Savea Sano ma le Pule o Lomiga, o Muliagatele Jean Malifa mo lo latou agalelei.

“Ou te iloa e le lava upu e toe totogi atu ai lou outou agalelei ae na o le Atua na te mafai ona toe faatutumu mea uma ua faaaogaina e fesoasoani ai ia i latou e manaomia se fesoasoani,” o le faaaliga lea a le tamaitai. O lenei mea e matua tele lona uia ia e a’u ma lo’u aiga atoa. O le mea lea-faafetai tele lava mo le tuuina mai ia i matou o le faamoeoe.” O Taulave o le tama lona 11 lea o le fanau e 13  a Losivale ma Leoo. Ua 21 tausaga lona matua ma sa aoga i le Kolisi o Aleipata.

© Samoa Observer 2016

Developed by Samoa Observer in Apia