Ua maua e se tama’ita’i Samoa se galuega maualuga

717 Hits

Mat Fisher, C.E.O. A.N.Z. Samoa,ma Joanne Rasmussen C.E.O. A.N.Z. American Samoa.

Mat Fisher, C.E.O. A.N.Z. Samoa,ma Joanne Rasmussen C.E.O. A.N.Z. American Samoa.

O se tama’ita’i sa aoaoina muamua i le Kolisi o Sagata Maria mai Sa’asa’ai, Gataivai Palauli ma Faleata- o le a vave ona avea ma faauluuluga o le Faletupe ANZ i Amerika Samoa. 

O lea tulaga na soso’o ai ma se faalauiloa e le Faletupe ANZ ananafi e faapea ua na tofia Joanne Rasmussen  e avea ma Pule o le Atunuu i Amerika Samoa, e lipoti atu i le Ofisa Sili o Pulega o Teritori o Amerika, o John Wade. O le a se’e atu Ms. Rasmussen I Pago Pago na te tauaveina lea galuega mo le isi masina mai lana galuega o loo faatino i le taimi o le Ofisa Pule Sili o le ANZ Samoa e faamautu i Apia. O Matthew Fisher, le Ofisa Sili o Pulega mo le ANZ Samoa, fai mai ua faate’ia o ia i le vaai atu i se tagata Samoa ua tofia i se galuega sinia tau le taitaiga i le Pasefika.

 “O Joanne sa galue i Samoa mo le 11 tausaga ma sa avea ma polokalame tau teleni ma sa galue i le tele o vaega eseese o le Faletupe,” o lana faaaliga lea.

 “E naunau tele le ANZ i le siitia o a matou taleni faale-atunuu ma i le taimi nei-e toatele tagata Samoa o loo galulue i tulaga sinia tau le taitaiga i le salafa o le Pasefika.”

O Joanne o le afafine o Max ma Lofi Rasmussen. Ua faaipoipo o ia ia Darren McNeely ma e to’atolu le la fanau teine; o Luafalealii, Sinalei ma Leehana. 

O lea tamaita’i e mai nuu o Sa’asa’ai, Gataivai Palauli ma Faleata ma na mae’a lana a’oga maulalo ma le a’oga maualuga i le A’oga a Sagata Malia i Savalalo ma Vaimoso. Sa faaauau pea ina ia uma lana a’oga e ulufale ai i a’oga i Niu Sila ma Ausetalia.

© Samoa Observer 2016

Developed by Samoa Observer in Apia