Manatu O Le Fa’atonu - O sina faapalepale itiiti

Tusia Mata'afa Keni Lesa ma Faaliliu e Seagaitumua Tupuola ,

99 Hits

O taunuuga leaga o lona uiga e itiiti le fiafia e maua ai, e faapena lona faigofie. Ma afai e te manatunau pe aisea ua leai ai soo se mea uiga ese ma le lelei e uiga i le taaloga faitauina a le Manu Samoa ma Tonga i le asŏ i totonu o lenei atunuu e ma’i valea i le lakapi, ‘aua e tau silasila mamao. 

O se tutusa ma se to’ilalo ia latou taaloga faitauina muamua e lua i lenei tausaga ua tosotoso ai lava tiga mo e faatuatua i le Manu Samoa faatasi ai ma i latou uma ua tuuina atu o latou faamoemoe i le taunuuga o le taaloga masani a tagata Polenesia uma i le Apia Park. Ua uma le taimi o le tautala. Ua lava mea ua matou faalogo ai mai faia’oga ma tama taalo.. Ona pau o le mea matou te manana’o i ai i le taimi nei o se taunuuga i le manumalo. Mo le lakapi i totonu o Samoa, o se manumalo o se mea lea e tatau ona maua. E le afaina pe faapea ona ‘ausia lea tulaga. 

O le malaia o le Manu Samoa ua le mafai ona fesoasoani i ai le Manu Samoa Ta’ito’afitu ina ia agavaa mo le Olimepeka-i lenei la aso, e leai se tasi o toe mana’o e talanoa i le lakapi. A fua i mea ua uma ona faailoa mai, matou te malamalama ua matua faanoanoa lava le vaega o faia’oga ma tama ta’a’alo. Matou te malamalama foi e faapea o Sepania ma isi atunuu uma lava ua loa ona latou pamu atu le anoano o tupe i totonu o polokalame o taaloga a le Ta’ito’afitu ma e leai se eseesega e pogai mai ai. 

Ae peitai- e le o se mea lelei lena e ‘alo i ai? Afai o tupe o le mea lea e fai ai le filifiliga, na faapefea la ona tatou manumalo i le Ta’ito’afitu i Pale, ma faato’ilaloina ia atunuu tetele uma? Na faapefea ona tatou faagasolo mai le manumalo ia Niu Sila, Aferika i Saute ma Fiti-ae faia’ina ia Aialani e maulalo lona tulaga? E fea e aumai ai lena mea? E le o se mea lea e talafeagai ma le mafaufau, a ‘ea? 

Ia ‘aua nei outou ave-seseina i matou. Matou te alolofa uma lav aia tatou ‘au-lakapi uma i le avea ma le isi tagata Samoa. Ma-ioe-e tatau ona tatou talia e faapea o loo ni vaega e le ‘ausia e la tatou pule-e pei o fupe ma alamanuia faale-tagata-ia e tuuina atu i isi ‘au le avanoa. Ae peitai-e tatau ona tatou avea lenei ma faailoilo e faapea ai ua o’o i le taimi e saili ai se taaloga fou talu ai tatou te le mafaia lava ona tauva ma ia tulaga i totonu o le lakapi?.O fesili nei e tatau ona tatou fesiligia ai  i tatou lava. Ma e leai-matou te le fautuaina e faapea ia faate’a le vaega o faia’oga. E tele taimi ua fai ai e le lakapi a Samoa lena tulaga ae o taunuuga lava ia. E to’afia ni faia’oga na tatau ona tatou suia ina ia tapena ai tatou mo le Olimepeka ae o lea lava tatou te le o mafai?  .O lona uiga la-o le faafitauli e sili atu ona tele i lo le mea lea ua mafai ona tatou vaaia i luga o le malae. Ma o iina tonu e tatau ona ave i ai le vaaiga tausili. 

O lea foi uiga e tatau ona aloa’ia pe a pa’ia le Manu Samoa 15. Ina ia mafai ona fai le amiotonu, o se ala lea ua vave tele i totonu o le vaega  e amata faamasinoina ai lenei vaega fou o tama taalo ma le vaega o faia’oga. O se tutusa ma se faia’ina e le mafai ona faailoa mai ai se faaaletonu ae faamata e le o se mea lelei le manumalo mo se suiga, aemaise ai lava i le Apia Park. 

Ma o le itu i se tulaga i totonu o le Ipu o le Lakapi a le Lalolagi e soso’o ai, ua o’o i le taimi mo le Manu Samoa e faamaopoopo lelei ai ana fuafuaga. I le taaloga ma Georgia, sa sili ona lelei le tatou taalo i le ‘afa lona lua ina ua mavae le ‘afa muamua mataga. O le vaiaso talu i le taaloga ma Fiti saosaoa, na tatou amata lava i se tulaga lelei ae o’o ane i le faaiuga ua masofasofa. O lena tulaga ua ta’u mai ai ia i tatou le moni o le tele o le tulaga lelei o loo i totonu o lenei ‘au ma o le mea moni la latou te manaomia-o le taalo lea mo le valusefulu atoa ma e tatau ona latou maua le taunuuga o loo mana’omia. Ua tatou iloa o le lakapi o se taaloga e lua ona ‘afa-ae tatou te manaomia lenei Manu Samoa ina ia taalo i ‘afau e lua i le asŏ. 

O Tonga o le fili e matua faigata lava e tusa ai ma lona tulaga. E le afaina poo le fea tama taalo e tuu atu e Tonga i totonu o le malae, e mafai ona tatou mautinoa lelei-o le a latou matua tulai mai mo lenei taaloga. 

Ia manatua foi, o mataupu a Samoa ma Tonga e le o ni taua laiti, o matua taua tetele lava. Ma latou te le o mai i se malosi e sili atu i lo lena. I le Apia Park i lenei aoauli, ua ia i tatou se faatulagaga e sa’o atoatoa mo se taaloga faitauina  e sili ona pisa. Ua ia i tatou ni ‘au se lua e leai ni manumalo o loo taumafai e fai se suiga. A faaopoopo i ai ma le tala faasolopito o fetauaiga faale-aganuu i lea paluga, o lona uiga ua tatou auai mo se tulaga lelei..I le faagasologa o ni nai vaiaso ua mavae atu, e tusa ai ma le lakapi, tatou te talia e faapea o taunuuga sa sili ona le manuia. Ua tatou iloa ua matua faatiga ia i tatou. Ae peitai-ia ‘aua nei o tatou tuueseina la tatou Manu Samoa. O loo avea pea i latou ma tatou ‘au, manumalo poo le faia’ina.

O le mea matou te fia faailoa atu e faapea o le manumalo i le lakapi e sili atu i lo na o se vaega o tama taalo ma nisi o faia’oga tulaga maualuga. O taunuuga i luga o le malae e masani ona fuafua e faaiuga e fai i totonu o potu ae peitai-o loo i ai le tala fiafia. Ua uma ona tatou vaaia nisi o suiga autu i totonu o ia tulaga o le komiti ma talosia a maua sina taimi itiiti, o le a tatou mafai ona tatou toe tofo tasi i le suamalie o le manumalo 

Ae peitai-o le a sili ona manaia pe afai e amata taeao i le taaloga ma Tonga. O le mea lea-ia tatou lagolago tasi i le tatou Manu Samoa i le Apia Paark. Aumai a outou pepa ona tatou feiloa’i ai lea iina. 

Alu i ai Manu Samoa! 

© Samoa Observer 2016

Developed by Samoa Observer in Apia