Sili lava Samoa nai lo isi atunuu

By Aruna Lolani 26 May 2017, 12:00AM

O le lumanai manuia o aiga o se tasi lea o mea pito sili ona taua i le olenei olaga

Ae o le fesili la, e faapefea ona faamuamua le lumanai pe a fai e le lava avanoa faigaluega i Samoa?

O le manatu taula’i lena o le taule’ale’a ia Konelio Togia, 46-tausaga le matua mai Falefa ma Afega i le Fofoga o Samoa.

“Pau le faigata o lo’o iai ne ii Samoa o le lelava lea o avanoa lea mo tagata ina ia maua mai ai faamanuiaga mo le tausiga o aiga” o lana tala mai lea ile Fofoga o Samoa

“Ou te leiloa iai ae o la’u tali atu iai e tele mea tatou te galulue a ii lo tatou siosiomaga i laufanua ae o galuega ma pisinisi e lelava lea

“I nei aso ua faalagolago le toatele o tagata i seleni aua mea fai o le olaga e pei o faalavelave faale-aiga o mea fai a le nuu ma le ekalesia ma le faaaao’ogaina o a tatou fanau ma isi lava mea

“E moni lava o lo’o iai faatoaga e faamoemoe iai mo meaai i aso uma ae o leitu tau seleni e moomia lava le faigaluega ina ia maua sina tupe aua mea fai

O lana mau e maua lava avanoa ae ua foai e tatou lava tagata i a i latou o lo’o i fafo atu o Samoa

“O le faamaoniga o la’u tala lea a silasila i le taulaga i Apia tele le mau faleoloa ua tele ina tatou faamoemoe i faleoloa mai Saina ma isi pisinis mai fafo e fai le galuega

“E le tatau i o tatou tagata ona faia lea tulaga aua e tutusa uma lava i tatou pau le eseesega o latou e omai mai fafo

“O le uiga moni lava lena o la’u tala e lelava avanoa faigaluega i totonu o Samoa.

I le manatu o le alii o Konelio o se feau aoga lenei mo le Malo aemaise i latou o lo’o faia a latou pisinisi

“O lea le mea e maua ma ii tagata o lo’o avea faa-faigaluegaina? E maua foi avanoa faigaluega aua e tutusa uma tatou

“O i tatou na fananau ma feola a’e i Samoa ma e tatau foi ona iloa lelei e o tatou tagata le mea e tatau ona fai

“A mafaufau a tatou ia e tatou te le mafaia ni galuega e sese la e iloa foi e tatou galulue.

“Ua tatou masani lava i mea o le tatou atunuu ma o lo’o atia’e foi e o tatou lava o tatou aiga

Ae o le mau a le alii o Konelio o lona manatu lea mo lona aiga e alofa ma fiafia iai

“Out e fiafia lava a’u ia i Samoa ma e maua mea uma mo le tausiga o le soifua o tagata uma

“Ae e faigata tele pea vaavaai iai i le omai o isi tagata ma ii fafo galulue ma maua galuega i totonu o Samoa nai lo tatou lava tagata galulue

“O lo’o i fafo lo’u atalii matua ina ia maua sana galuega aemaise o sona ia lumanai manuia mo le tausiga o aiga

“Ma out e faaseseina le mau lea e mativa Samoa.

“O lea e maua lava mea i o tatou lima mo le galueaina ma le tausiga o aiga ma fanau

“O le faanaunauga foi lena ia tei maua matua ina ia ave fanau i fafo aua so latou lumanai manuia mo nei ma a taeao

By Aruna Lolani 26 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>