Faigata le soifuaga

Tusia Ilia L Likou ,

59 Hits

Tiula Leituala o Samatau.

Tiula Leituala o Samatau.

O le taugata ai o le tau o le soifuaga o lo’o ua i ai nei o se fa’afitauli tele lea mo Tiula Leituala o Samatau.

Na ia fa’ailoa o i laua ma lona to’alua o le aiga e faigaluega ma e le mafai ona fa’atino uma vaega o lo’o silasila ai mo le lelei o le aiga i le totogi o lo’o mafai ona o la maua.

“Ia o le itu mautinoa lava lea , o le a lo ma’ua faigaluega uma e le mafai ai lava ona a’ua’u le fa’asoa,” Tiula i lana saunoaga i le Fofoga o Samoa.

“O le taimi lenei o lo’o mana’omia lava e si o matou aiga le eletise, ia olo’o ola mai se tasi o matou aiga si o matou nei fale.

Na ia fa’ailoa o le tanevai o lo’o ua fesoasoani tele mo le aoina o se suavai maua mo si o latou aiga.

“Ia ma o lea lava le tulaga  o lo’o ua i ai nei, ma o se itu lelei lea aua e pei o lea lava le vaega o lo’o ua mana’omia lenei vaitau.

“O le taumafai lava lea e atia’e aiga i le mea e gata ai ia ma le fesoasoani a nisi o nai o tatou aiga o lo’o ua tau fai ma faigofie ai le avega.

Na ia fa’ailoa o le fa’amoemoega tele lava ia manuia aiga.

‘O lea lava le taumafaiga o lo’o ua i ai nei aua e mautinoa lava o lea lava le tele o aiga olo’o i Samoa.

‘O le itu lelei ma taua o le taumafai lava e tautua aiga ma le fa’amaoni.

‘Ia ma fa’amoemoe lava i le Atua e fesoasoani mai, ae o lo’u ia lea iloa i ai le taimi lenei ua taugata lava le soifuaga.

“O le taumafai lava e fuafua vaega uma mai lea aso i lea aso o le a faigofie ai le tele o vaega.

© Samoa Observer 2016

Developed by Samoa Observer in Apia