Ia fa’agaioi le tino

Tusia Ilia L. Likou ,

80 Hits

Tia Patu, 73 le matua o le soifua o le afioaga o Vaiala.

Tia Patu, 73 le matua o le soifua o le afioaga o Vaiala.

O le toaga ai pea e fa’agaioi le tino ina ia malosi o se itu lelei tele lea.

O le finagalo lea o le tamā i a Tia Patu, 73 le matua o le soifua o le afioaga o Vaiala i le fa’atalatalanoaga ma le Fofoga o Samoa i le aso ananafui.

“Ia e pei ona outou tau mai o lea la’u ia masani i taeao uma ia o le taumafai lea ina ia mafai ona maua le malosi i le fa’atinoina ai o feau i luma iinei.

“O se itu e ao ona silafia lelei e nai o tatou tagata aemaise le au matutua ia o nai feau nei epei o le taeina o le otaota, o le sasaina o nai pa la’au , o le vao ia e matua’i maua ai lava le malosi le tino.

“O lona uiga o la’u tala ia e fua lava si au minoi i le matua o le soifua.

E afea le Fofoga o Samoa Tia o lo’o teuina le togala’au i lumafale o lo latou aiga.

 “Ia o la’u ia lea masani i aso uma lava, ma o le uiga o la’u tala afai lava e va’ava’ai mai fanau o lo’o toaga atu le fa’atinoina o feau ia e fa’apena fo’i ona fa’ata’ita’i mai i ai.

“O lona uiga , afai e va’ai mai e ta te malosi lava e fa’amalositino ma fa’atino feau ia o le a o’o mai ma fa’ata’ita’i ia ona fa’apena ai lava lea ona ave ave ai lava i o latou fanau.

 “Ia o le olaga lava lenei sa i ai a’o talavou fo’i ua laki nei aso ua tele mea faigaluega ia o la aso , ia o lima lava na tele na fa’atino ai.

 “Ia e pei o lea le olaga sa i ai i la aso, ia ae na faigofie lava mea ae e pei ona na maua ai le malosi atoatoa.

 “O lo’u ia talitonuga ia o tama lava ia o i latou o ulu o aiga , afai lava e lelei i latou ma ata latou te aumai i aiga ia o le a ola fiafia ma fealofani le aiga aemaise lava fanau.

“Ia o la’u ia fautuaga i le au matutua ia aua le nofoa’i ae toaga e fa’amalositino, e maua ai le malosi.

“Ia tatau fo’i lava ina fa’amalositino ia ma va’ai lelei mea taumafa i lea aso ma lea aso ina ia maua ai pea le soifua maloloina o le tele o nai o tatou tagata

“Ia aua e le aoga fo’i le fa’amalositino ia ma tele le taumafa i aso uma.

© Samoa Observer 2016

Developed by Samoa Observer in Apia