Fia maua se fesoasoani

Tusia Ulimasao Fata ,

69 Hits

Fa’aoloaga ma lona aiga i Faleasi’u Uta

Fa’aoloaga ma lona aiga i Faleasi’u Uta

O le maua ia o le fa’atalatalanoaga ma le tamā i a Fa’aoloaga Satuala na ia fa’ailoa le fia maua ai o lona aiga i se fesoasoani mo lona aiga i le itu tau fale.

“E lei leva ona omai i uta nei, ia ma o le itu mautinoa lava e le omai loa amata loa uma loa, e leai e tele lava vaega na omai tau fa’ato’a i uta nei.

I le fa’atalatalanoaga na ia fa’ailoa ai le tulaga o lo’o ua taumafai ai nei i le una’ia lea o vaega uma aua lava le aga’i ai le lumana’i.

“Ia e pei o le tou tau mai ,ia e le’i leva na ola le paipa ma sa tele se taimi na tau fa’aputu ai le tupe ma e tusa ma le $1,000.

“O lenei vaega tupe ia na tagi lava i lima ma o lea lava  ua i ai le taimi lenei.

O le olaga lenei e pei o lea lava le tulaga o lo’o ua i ai nei.

“Ae pei o lea lava le tulaga o lo’o ua mana’omia ai lava se fesoasoani le taimi lenei o si o matou fale, ia e le’o tele ni tupe i lenei taimi.

Fa’aoloaga ma lona aiga i Faleasi’u Uta
Fa’aoloaga ma lona aiga i Faleasi’u Uta

“Ae o le itu faigata lava lea, o le utiuti o le fa’asoa ae o le a se taimi e ono maua ai se fesoasoani po o se tupe fo’i e fa’aputu mo si o’u aiga ia o lea lava o le a vave fa’atino ai le fausiaina o le fale.

Na ia fa’ailoa o le taimi lenei e to’atolu lana fanau ma le tinā o le aiga.

“Ia e pei o lea lava le tulaga faigata lava le fa’asoaina o tupe maua,  ma ua matua’i faigata lava.

“O se itu e ao lava ona fai fuafua ai fo’i le ola i le taimi lenei, aemaise o le fuafua lelei o tupe maua aua le tausiga o le aiga.

“O le taimi lenei o tupe maua lava a lo matou aiga e tusa lea ma le $80 ma e tele lava se mana’omia o se fesoasoani aua e tatou te iloa uma lava le taugata ua i ai nei le soifuaga.

‘O se itu e ao lava ona silasila totoa’ i ai.

© Samoa Observer 2016

Developed by Samoa Observer in Apia