Fiafia e fesoasoani

Tusia Vatapuia Maiava ma Ilia L Likou ,

108 Hits

O le masani a Moto’otua Iosefo i vaiaso uma o le usu lea i aoga.

Aepeita’i e le’i usu i le aoga i le aso ananafi na malolo ona o lo’o fa’agasolo suega a nisi o vasega.

O le tausaga nei o lo’o i le Vasega 9 a le Aoga Maualuga a Vaisuli i Aleipata.

“Ia ou te le’i alu i le aoga, ae na ou usupo mai i uta nei e fa’atau ia tau i’a nei e pei ona outou silasila mai ai.

“E tolu tau i’a o lenei taeao mai  fagotaga a o’u uso anapo ia lea na tuli mai ai a’u ananei e fa’atau lea ua ou toe fo’i i tai na o le tasi na taulia ma e $30 le tau i’a.

“O le taimi lenei na o le tasi lava le tau i’a na fa’atau ia lea o le a ave e fa’aaoga  mo le mea’ai le aiga nanei tau i’a ua totoe.

O a mai totonu o si o’u aiga?

“Ia o le taimi lenei e leai se isi o faigaluega ae pei o le sami ma le fa’ato’aga o lo’o tua ai si o matou aiga i aso uma.

“O lea fo’i le agaga i a te a’u ia mafai lea ona ou fesoasoani i so’o se itu mo nai o’u matua e pei la o lo’u usu mai ou te alu i uta e ave tau i’a nei e fa’atau.

“E mo le silafia ai o a’u e lona fa o le fanau e to’avalu a o’u matua.

“O a’u e ala ona ou fiafia e fa’ataunu’u vaega nei i le taimi lenei, aua o lea fo’i ua uma suega o le tausaga.

“O se taimi lelei lea mo a’u e fesoasoani ai i matua aemaise lava o le aiga, ia o nisi o taimi ou te alu ai fo’i i le ma’umaga.

“Ou te alu fo’i e fa’atau talo , ae e ta’u sa’o atu lava e ese ma lo’u fiafia i galuega nei, aua ou te iloa lelei , e ala mai ai o’u manuia i le lumana’i.

“Aua o le tausi lelei o matua ma fai fe’au ia e le taumate le i’u lelei o aoga olo’o feagai nei ma a’u.

“Ua ou iloa fo’i lava fua le taimi ou te toe fo’i ai tai i le ‘a’ai pe a uma a’u galuega, ou te va’ai atu loa ua susulu mai le la, ia ua fo’i loa i lo matou aiga pe a ou sau e fa’atau i’a.

“O a’u ou te mana’o e avea a’u ma foma’i pe a ou matua.

© Samoa Observer 2016

Developed by Samoa Observer in Apia