Manatu O Le Fa’atonu - A o fea ua latou tanu ai le upu o le Mea Moni?

Tusia Gatoaitele Savea Sano Malifa ma Faaliliu e Seagaitumua Tupuola ,

141 Hits

E le o se mea amiotonu lenei. O Reverend Dr. Afereto Uioli, le Failautusi Aoao muamua a le Ekalesia Faapotopotoga Kerisiano i Samoa (C.C.C.S), e aunoa ma se masalo-o se alii lea o loo soifua i luga o le ‘augutu o le matua faalumaina i aso nei. Ua asoa o tuua’ina o ia i le fai aiga ma se “tamaitai e le o ta’ua lona igoa”, ma i le avea ma taunuuga o lana auaunaga i le ekalesia-na faamutaina. E tusa ai la ma le asŏ, o lona igoa ta’uleleia ua matua malepelepe, ua matua aveeseina o ia mai ala e maua ai se soifuaga alelei mo ia lava ma lona aiga, ae paga lea-o le tamaitai lea e faapea sa la faia se feusuaiga-ua le iloa poof ea a maua ai.

I se tasi faaupuga e aliali mai e faapea e leai se tama’ita’i faapea. I taimi amata o Me i le tausaga nei lea na tulai mai ai lea tuuaiga tau feusuaiga, sa faafuas’i lava ona maua e Dr. Afereti Uili –ua matua taavilivili o ia i totonu o se faiga tau faasese mataga na te le’i mafaufauina. E ui lava ina faafitia e ia lea tuuaiga ma fai mai e leai se moni o i ai-ae o le faauiga e aveese ona tofi ma ona tiute tauave mai ia te ia-sa faatino lava.  

.O lea faaiuga na fai le ‘Au-Toeaina a le Ekalesia, na faamaonia e Reverend Elder, Kerisiano Soti, ma lomia faasalalau i totonu o le Samoa Observer i le aso 13 o Me 2016. Ina ua talosagaina mo sona finagalo faaalia i lena taimi, fai mai a ia:”O lea faaiuga e leai sona faavae. Sa tatau ona latou taumafai e fuafua pe o i ai soo se mea moni i le tuuaiga muamua, ae le’i faia le latou faaiuga. O se tulaga mamafatū lea ia te a’u ma lo’u aiga.” 

Ae poo le a lava, o le faaiuga a le ‘Au-Toeaina sa faatino i lea lava taimi, ma o lea na faamalolo le tumau ai Dr Uili mai ona tiute mo le lima tausaga.

Sa faaalia e Elder Soti i lena taimi e faapea na aami e le ‘Au-Toeaina i la’ua e to’alua o Rev. Uili ma le tamaitai na aafia ai-ina ia faailoa atu a la vaega o le tala, ona faaauau ai lava lea ma faapea mai: E ui lava ina teena e Afereti le tuuaiga, ae na ta’u mai ia i matou e le tamaitai na aafia ai se tala e ese ai. O lea na matou tilotilo i le ata tele ma maua le faaiuga e faapea e leai se tamaitai Samoa na te faia se mea faapea e aunoa ma se mafuaga.”

 “E ui lava ina teena e ia le tuuaiga, o le faaiuga ua uma ona fai e le ‘Au-Toeaina e tusa ai ma o latou lagona e uiga i lea tulaga.

Ma o le iloa e faapea o lea tuuaiga ua avea ma mataupu  e fofogaina e le Faamasinoga, fai mai Rev. Elder Soti: “Ua uma ona tuuina atu mo feutanaiga ma lea feutanaiga e le’i talosagaina e le itu a le teine ae o le itu a Afereti.”

Sa fai mai foi o ia: “O lona uiga o le a avea ma taualumaga faaumiumi ma o lea na lagona ai loa e le ‘Au Toeaina –ua tatau loa ona fai se matou faaiuga i le taimi nei.” Ina ua talosagaina sona manatu faaalia “O la’u finauga faapenei, “Ou te mamā lava a’u. E leai se mea sese e tasi na ‘ou faia. E matua leai se faamaoniga o nei tuuaiga..”Ina ua fesiligia sona manatu i lea taimi, fai mai Rev Uili ua uma ona faailoa atu ia te ia le faaiuga, fai mai: Sa faaauau lana faamatalaga ma fai mai: “Ou te le’i faitau lava i se faaiuga a le fono poo a mafuaga….ae ou   te masalo o se mea lea e faasino i le tuuaiga e faasaga ia te a’u-lea e aafia ai se teine.  “O le faaiuga na latou faia o loo faavae i luga o lo latou manatu e faapea ua ‘ou agasala ae ou te teena malosi lea tuuaiga. E le gata ina ‘ou teena le tuuaiga, ae tusa ai ma a’u lava la, e leai se mea ua faamaonia.” 

Fai mai Dr. Uili o le taimi na fai ai lea tuuaiga-sa ‘ou talosagaina le Komiti a le ‘Au-Toeanina ina ia iloiloa ma le faaetete ia mea aemaise ai lava ona e leai se mea e tasi o ia mea e moni. “Ou te matua teena malosi ia mea ae foliga mai ua uma ona fai le latou faaiuga e faavae i luga o lo latou talitonua e faapea e sa’o le tuua’iga ae sese a’u.” Ae mo le mataupu lea o loo talitali le fofogaina e le faamsioga, fai mai Dr. Uili e tatau ona fai loa lava se faaiuga. “O loo matou faatali pea,” o lana faaaliga lea. “E le’i ta’u maia lava ia i matou se taimi mo lea mataupu. Na tolopo mai ia Fepuari ma o lea ua aulia Me-ae leai lava se mea o faia.” 

Na ia toe ta’ua : “Out e manatu ua fai e le Komiti a le ‘Au-Toeaina le faaiuga e faavae i luga o le latou matafaioi i le avea vaega e mata’ituina amio a tagata faigaluega, ma ua manino mai o le latou lagona ua leaga la’u amio, ua ‘ou agasala ma ua talafeagai ona aveese a’u matafaioi ma tiute faatino-na tuuina mai ia te a’u. 

 “E leai so’u manatu e faaalia pe o ai e tatau ona faia ma o le a le taimi. O lea faaiuga o le matafaioi lea a le ‘Au-Toeaina.  Ua latou aveeseina a’u mai o’u tiute faa-faife’au faapea foi la’u matafaioi o le Failautusi a le Ekalesia.” Ae ui o lea, fai mai a ia e leai ni ona lagona leaga i le Ekalesia ma le Komiti a le Au-Toeaina, fai mai: “E ui lava ina ua aveeseina a’u mai le Ekalesia, e le faapea ai ua ‘ou inoino i le ekalesia. “Leai, o le Ekalesia o le Ekalesia a Iesu Keriso lea e galue ai le Atua ina ia ‘ausia tagata.”Ae poo le a lava, e tumau pea lona lona manatu e faapea “o lea faaiuga e leai sona faavae.” Ma ioe, “ e le’i o’o i le taimi. Sa tatau ona latou taumafai e fuafua lelei pe o i ai soo se mea moni i lea tuuaiga –muamua lava-a’o lei tuuina mai le latou faaiuga.”

Ma-ona ia toe ta’ua ai foi lea: “Ua matua tele le afaina o lenei mataupu ia te au ma lo’u aiga.” O la’u peti e moni lea tulaga. O le tulaga afaina e masani lava ona maoa’e i mataupu faapenei i soo se itu. Ae poo le a lava, o le masina lena o Me. O Ananafi, i le itulau i luma o le Samoa Observer, o le ulutala e faitauina faapenei: “E faaeteete le Faamasinoga i le maliega o le talanoaga e uiga i se tuuaiga tau feusuaiga. O lalo ifo o le ulutala se tala o talanoaga tau feutanaiga ia na fai e faasino i le mataupu tau feusuaiga lea na tuua’ia e faapea na tupu i le va o Dr. Uili ma se tamaitai lea e fai mai e “leai sona suafa.” O lea mataupu sa fofogaina i totonu o le Faamasinoga Sili e Lana Afioga i le Faamasino Sili o Patu Tiava’asu’e Falefatu Sapolu, lea sa taiulu ai.

I lenei la taimi, sa le ta’ua ai se “tamaitai e leai sona suafa”  i le faagasologa o talanoaga se’ia vagana ai le itu tete’e o lona igoa o Angeline Lesa. Sa fai ma sui o lea Tamaitai le loia faufautua o Alalatoa Rosella Papalii, lea na talosagaina le faamasinoga ina ia aveeseina o ia mai lea faamasinoga, ma na faamalamalamaina ai e faapea e tele taimi sa taumafai ai e faafesoota’i lana paaga, ae le’i faamanuiaina ana taumafaiga. 

E tusa ai ma Dr. Uili, na ia faaulu se tagi o le tau faaleaga e faasaga ia Angeline Lesa-i le taimi na aveese ai ona tofi mai le ekalesia, ma o lea mataupu sa tuuina atu mo se faa-talanoaga. 

Ma e ui lava ina ua uma ona faia se maliega i lea nofoaga, ae talitonu o auiliiliga o ia mea o le a tumau pea ona le faalaua’iteleina.

Aisea? Fai mai le Faamasino Sili o Patu o lona manatu e auai le itu tete’e  i totonu o le faamasinoga ananafi, ae le’i alu ane foi. O lana faaiuga: “E le mafai ona ‘ou faia se faaiuga tau maliega e aunoa ma le auai o le itu tete’e e faailoa mai i le faamasinoga ua uma ona ia tuuina atu lona maliega. Na ia faaalia foi: “O la tatou mataupu o se maliega tau feutanaiga, ae o le tulaga lelei o le faia o sea mataupu tau maliega o se faaiuga tau maliega, o iina tou te maua ai pule a le Faamasinoga e tusa ai ma le faamalosia o le maliega tau feutanaiga, ona ua avea i le taimi nei ma faaiuga.” 

Ua manaia tele.

Ae peitai, o fea o iina o le a tu’u ai Dr. Afereti Uili, i le taimi nei o lana tagi o le tau-faaleaga-sa faamoemoe o le a faamamā lona igoa-e ala i le faamaonia o lona teena e faapea na te le’i faia se feusuaiga ma le itu tete’e-ua matua togi i fafo o le faamalaga?  

O i ai ‘ea se tasi o toe kea pe popona i le mea moni? Faailoa atu i isi tagata sou manatu!

© Samoa Observer 2016

Developed by Samoa Observer in Apia