Tunaimati’a Kosema and Ruta Mikaele Tevaga, the parents of Sonny Mikaele, are extremely grateful.

Their son suffers from chronic septic arthritis. They have just recently returned from Hawai’i where they sought medical treatment. Prior to their departure, his father, Kosema Mikaele, went public, through the Samoa Observer, with his plea for help.

“We sought assistance from Orthopedist, Dr. Talalelei, who is in partnership with Shriners Hospital for Children in Honolulu, Hawai’i,” he said at the time.

 “The hospital has offered to pay for his airfare, however in terms of accommodations, we will have to cover that on our own, hence the plea for help.”

The story was published and shared online where the family were able to get the help they needed. In a letter written in the Samoan language, the parents heartily acknowledge everyone who assisted. The letter is published below:

Fa’afetai i Samalia agalelei

Ua liligo le vaito’a, ua taia faatolu le palealugana e pei o le faiva o tapalega, ua ite le malama i saua ina ua gafoa ata o le taeao fou!

E muamua ao ona ou siitia le atu i le aleaga i sa tatou faapolo ma le faasagi o le faafetai le ma le viiga i lo tatou tapaau i le lagi, ona o lona alofa, ua outou maleifua mai ai i tofaga malu ma alata’i mai i faguga lelei ua tatou fesilafa’i ai i le lagi e mama ma le soifua maua.

Malo a fua taeao ua maua le alofa ma le agalelei o le Atua ma nuunuu i sasaga faatini o tausala ou paia ma ou faiga, i lou itupa-sa o loo tauaaoina le vai ole olataga i afioga ma alalafaga.

Ae o la tatou aga i fanua ma le taaalii soifua o Samoa, o le a vilitonu ai le ifi o maina ma ou toliulu i fuata o amiotonu, tau ina ou uia ala o le atu ma ou fa’amaalo i’u ofe i sau faitau.

I le taele o maua agaga e momoli atu ai le agaga faafetai i Samaria agalelei  sa agalelei mai i le maua aiga aua le ma siigama’i, i le auina atu o si ou atalii Sonny Mikaele mo Hawaii.

O le a ua toe taliu mai i o tataou laueleele ona o le alofa aemaise ai o a outou tatalo ma ua iu ma le manuia togafitiga. ma e ui e lei atoatoa ma e lei maea ona toe auina si ou atalii ia Ianuari 2019 mo le faamae’aina o ana siakiina, ae le fa’aitiitia ai le agaga faafetai faapitoa le fa’afetai i lau afioga Gatoa’itele Savea Sano Malifa ma le faletua ia Muliaga Jean Ash Malifa ma le aufaigaluega ale Samoa Observer ona lo outou agalelei ua mafua ai ona silafia e nisi o Samaria agalelei le maua faigamalaga, faamanuia le atua.

Suafa Samaria agalelei i Samoa:

1. Afioga Toleafoa (Kamupani Aute gas)

2. Le uso lau susuga Loia Shane Wulf

3. Afioga Patele Petelo Pa’u (Ituaiga Salesio)

4. Afioga Patele Mikaele Tuimavave

5. Si au vaega e pele i loto T.O.D (Tactical Operation Dection)

6. Tuafafine Naomi (NZ)

Samaria agalelei i Hawai’i

1. Lau susuga Maposua Siaosi Tolai ma paia Ekalesia aso fitu Samoa kapolei

2. Mati Sapolu

3. Pandora and Dennis

4. Le uso Tevaga Leu ma tausi Siloomatua

5. Aivale ma le toalua

E le faaitiitia le agaga faafetai i fetalaiga Sauvao Tui ma le tausi ia Sose le uso Talitonu & Lotu. Talaiga i lo oulua agalelei i aso uma sa makua aumau ai Hawaii. E le galo le alofa. Ae ua na’o le Atua e silafia mea uma ia saga faamanuia atu. Fai pea e le Atua se isi aso tatou te toe feiloa’i a’i.

Alofagia e le Atua, ia iai pea i mauga o ao, a’e le o mauga o liulaumea. Ia folau ai pea i le lagi mama, ma le soifua maua o tupu ma e’e o Samoa e faapea auauna a le Atua. Aua nei lafo le fue pe tulolo le tootoo i le mamalu o Faleupolu. Ae ola le auauna ile alofa ma le agalelei o le Atua.

Soifua ma ia manuia,

Tunaimati’a Kosema and Ruta Mikaele Tevaga ma le fanau