Mana’o se Sui o le Palemene, ia toe tatala le sa

By Fa’aliliu e Maiava 24 June 2016, 12:00AM

Saunoa se tasi o Sui fou o le Palemene, o le Minisita Lagolago fo’i mo le Matagaluega o Pisinisi, Alamanuia ma Leipa ma le Pulega mo Tagata Tafafao mai Fafo, ina ia toe fa’ataga le fa’aaogaina o fa’asalaga mamafa i totonu o a’oga.

Na fa’ailoa i le Palemene e Tuifa’asisina Risati Leleisi’uao, o le mafuaga lea o le tutupu so’o o misa ma vesiga a a’oga, ona ua iloa lelei e tamaiti-a’oga, e le o toe fa’atagaina ituaiga fa’asalaga ia i nei aso.

Na ta’ua fo’i, o le fana’e mai o mau suiga mai fafo, ua atili faigata ai ona a’oa’i ma fa’atonu lelei fanau a Samoa i lenei talu-talu-fou.

Saunoa le Faipule mai Palauli, o le ivasefulu-pasene (90 %) o le atunu’u aoao, o lo’o fa’aaogaina pea faiga ma ‘auala ua masani ai le atunu’u, e fa’atonu ai ma a’oa’i ai amioga a fanau. 

O le amataga o le tausaga nei, toetoe a atoa le lua vaiaso na tapunia ai le Kolisi o Avele, ona o le tele o misa ma vevesi fai-fai-pea ma le isi a’oga, le Kolisi o Maluafou. 

By Fa’aliliu e Maiava 24 June 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>