O le a asiasi mai le savali tau le soifua maloloina a le Iunaite Setete

108 Hits

O le mea moni ua mautinoa e faapea o le Itulagi o le Pasefika ua sili atu lea i le lalolagi e tusa ai ma le tele o maliu –e mafua mai gasegase e le Pipisi. 

E avea ma molimau o le mana’oga faanatinati mo le matua tineia o gasegase e le pipisi (N.C.Ds) lea ua avea ma faafitauli i totonu o le Pasefila, o lea na auina mai ai e le Iunaite Setete ni tagata lauga maoa’e se to’alua i le fono amata a le Pacific N.C.D. i Tonga.  

Ua mae’a lea fono tele i le taimi nei, ae o le a asia e le savali a le Iunaite Setete nisi o Atumotu i totonu o le Pasefika, e pei o Fiti, Samoa ma Niu Sila-ina ia talanoa ma alii ofisa o le Malo, faalapotopotoga tua, Faalapotopotoga tau Taaloga ma tupulaga talavou e uiga i le puipuia o Faama’i e le Pipisi i totonu o nuu ma le itulagi atoa.

I lea Fono Tele, sa faalauiloa e Dr, Novotny e faapea o le a lagolagoina e le malo o le Iunaite Setete se polokalae lautele a le Pasefika e faatūtū i le tino puta, taumafa, ma Faama’i e le Pipisi, i se taimi o i luma.

O lea talanoaga o se vaega lea o le Polokalame a le U.S. State Department International Visitor Leadership Program (I.V.L.P), ma o le a auina atu ai tagata e auai i se asiasiga e 10 aso i le Iunaite Setete ina ia aoaoina faiga lelei tau le una’ia o le taofia o faama’i le pipisi mai tupulaga talavou.

O lenei taumafaiga fou ua aloa’ia ai le taunuuga taua o loo fai e le N.C.D. i mea e lua o tamaoaiga ma faiga tau le tausiga o le soifua maloloina a le Pasefika ma le faaiua a le S.P.C. ina ia faamuamua lenei mataupu mo le itulagi. 

O le Failautusi Fesoasoani mo le Soifua Maloloina i le Matagaluea o le Soifua Maloloina ma Auaunaga faale-tagata ma sa avea muamua ma Pisikoa a le Iunaite Setete i Samoa i taimi faai’u o le 1960, o Dr. Thomas Novotny-o le Ta’ita’i lea o le Savali a le Iunaite Setete o le a malaga mai i Samoa. 

O Dr, Novotny o loo malaga faatasi mai  ma Ebony Andrews, o le Faatonu o Taumafaiga Tau Taaloga ma Fesootaiga vavave mo le Fono a Peresetene Obama tau le Malosi i Taaloga ma Taumafa. 

O ia Alii o le a saunoga o le a eseese a la polokalame ia e aofia ai fonotaga ma le malo o Samoa ma ofisa o Malo Aufaatasi, se asiasiga i se Aoga Maulalo, mafutaga tau aoaoga ma faalapotopotoga a le atunuu faatasi ai ma se talanoaga ma le Asosi o Taaloga a Samoa ma se Komisi a le Olimepeka (S.A.S.N.O.C).

© Samoa Observer 2016

Developed by Samoa Observer in Apia