O le tele o fa’afitauli o Samoa i le atina’eina o aiga e le’o se tulaga fou ae o le manatu o Alofagia Afiafi o luga lava o le lē lelei ona fai le fa’atatau ma le saili ia lava le seleni aua lava aiga ma fanau. 

O le tinā e 45 tausaga le matua le soifua mai le afioaga o Siusega ma o ia foi lea e lavea i le to’atele o le mamalu le atunu’u na aveese mai le maketi i Vaitele i fafo e fa’atau ai foi o fa’atoaga. 

“O o maua nei ma si o’u to’alua e leai se se tasi e faigaluega,ae o lo’o iai le ma tama’i makeki i gatai Vaitele e la’u iai fua o si o ma fa’atoaga e fa’atau ai. 

“O le vaega lea ua sifi ai nei e matua laititi ai lava le tupe maua, e mo’i lava ae le tutusa ma le vaega sa iai muamua. 

“O le isi foi tulaga, a leaga le tau, ia e sili ai ona o e nonofo fafo le timu ma fa’atau fua o fa’atoaga. 

“Ou te fa’afetai ona o le nofoaga ua aumai e fa’atau ai matou fua o fa’atoaga ae o le tulaga sa’o lava ia o le maketi lava o le nofoaga lelei ma talafeagai.

“E lelei e sefe ma e tele foi e fola ai meamata. 

Sa taua e Alofagia ana leai ia miliona e tele e leai se mea la’a o ai fua ia fafo. 

“O lagona lava le fa’anoanoa ma le ita ina ua maua le tala ua fa’atau le maketi. 

“Aua ou te iloa lelei le mea e tupu ma lea ua i’u lava na tupu. 

“Pau lava le tulaga ia o le onosai lava aua e leai se isi mea e mafai. 

“Pau lava le tatalo ina ia alu aoga nei miliona tala mai ia se ai mo Samoa. 

“Sa taua foi e Alofagia o se tasi tulaga le tele o mativa i Samoa ua ala ai le le tagolima o nisi o le atunu’u 

“E ui i nei manatu ae a le tausi aiga ma le naunua le tausiga o fanau e ala le galue i eleele e leai se mea lelei e  maua. 

“Ia faia lenei tulaga uma ma vaaiga ina ia taula’i ai le mamalu le atun’u ina ia faia le mea tonu ma le mea sa’o aua o nei so le atunu’u o ala ia o manuia.