O fa’afitauli o le olaga

Tusia Fetalai Tuilulu’u ,

90 Hits

Mona Filipo o Leauva’a.

Mona Filipo o Leauva’a.

E fetaia’i loa tatou ma fa’afitauli ona faigata lava lea ona toe atia’e. 

Mo Mona Filipo o Leauva’a, na ma’i loa le tamā mou atoa le fa’amoemoe o sona aiga. 

“Mo le silafia, o le tama sa gafa lava ma le tausiga o aiga, ae  peitai ua ma’i loa nofo loa ma lana galuega. 

“O lea foi le faigata o le olaga ua iai nei ma ua leai lava se tasi e fa’amoemoe iai. 

“O maua nei ma si o’u to’alua e to’atasi lava si a ma tama. 

“Ma e aoga foi, o le taimi nei ia o a’u le tina o lo’o tu’u mai ai le fa’amoemoe e tausi ai aiga. 

“Ia pei ona maua mai e le lua ofisa o lo’u o’u galuega atu nei le fa’amamaina o le fanau nei ma o i foi ou te faigaluega ai. 

“O le fa’amoemoe lava o se seleni aua lava le atalii le aoga aemaise o si o’u to’alua. 

“Ou te iloa lava e le aoga foi ona fa’avaivai ai nei tulaga aua foi o le olaga lenei e alulau i luma, a fai lava o le tulaga le aua iai le tama le aiga o le tulaga lava lea. 

O le tina ia Mona e tolu galuega e galue ai mo se alagatupe mo le aiga. 

“Ia o a’u o la’u galuega lona lua lea i le aso ae tolu lava a’u galuega. 

“Ou te faigaluega se tasi o aiga foi i Leava’a ae a ta le 12 ua ou sau i nei e tapena le fanua lea aua lava se tupe fa’asili. 

“A o’o foi na ou manava atu le afiafi e taumafai lava e tae ifo nai popo e fa’atau i luma o le fale. 

O le nei vaitau ua faigata lava le soifuaga. 

“Ou te ta’utino atu o lo’o taumafai lava lo’u aiga le mea e gata ai le mafai aua lava le lumana’i manuia. 

“O le faigata le olaga ae matua ova lava le faigata. 

“O le tele o taimi e leai ai se meaai aua e leai lava se tupe. 

“Pau lava le naunautaiga o le atalii ina ia alu le aoga ma le tama le aiga i ana fuala’au lava ma totoe.

E ui i nei fa’afitauli e iai lava le naunau o Mona i ana galuega fai ma ona tiute. 

“Tusa lava po le a le tele o fa’afitauli ae pau lava le tulaga ina ia aua nei ave ma tulaga e to’ilalo ai le naunau i tiute fai ma tulaga fai i aiga.  

“E le na’o le tupe foi e mativa ai si o matou aiga e leai foi so matou eletise peitai e leai se me ao iai, o lo’o mumu lava i le moli karasini. 

© Samoa Observer 2016

Developed by Samoa Observer in Apia