Ua matua’i mana’omia se suāvai

Tusia Seia Soloi ,

53 Hits

Pasi Titania.

Pasi Titania.

O lea le manaoga o Pasi Titania o se tinā mai le afio’aga o Le’auva’a i le Fofoga o Samoa i le aso ananafi.

Ua 49 le matua o lona soifua ma e maua le avanoa mo le  fa’atalatalanoaga ma le Fofoga o Samoa o lo’o fa’apea ona auai atu le tamā  ma nisi o le fanau i galuega.

Na ia fa’ailoa i le Fofoga o Samoa o le taimi lenei o lo’o ua leai se suavai maua ona e le’i totogiina le pili o lo latou paipa.

 “Ia e pei o lea le tulaga o lo’o i ai letaimi lenei si o matou aiga aemaise ai lava le mafatiaga o lo’o ua i ai nei, ae o lo’o taumafai lava si o’u to’alua e fai se auala  e totogiina ai le pili o le paipa.

 “O lo’o ua tatou iloa uma lava le taua ai o le suavai i le olaga o le tagata ma e leai se mea e mafai ona o tatou faia ai le taimi lenei pe a aunoa ma le suavai.

O lona naunauta’iga o le mafai ai lea ona maua sana galuega e mafai ai ona ia fesoasoani le tamā o le aiga.

 “O le taimi lenei e pei o tupe lava mea uma i le soifuaga o lo’o ua tatou i ai nei.

 “O le tele o le mau mea o lo’o fai nei ia o se tulaga lea o lo’o tele na alu ai le tele o tupe.

“E le gata i lea itu ae ua o tatou molimauina fo’i  le taugata o le tau o le soifuaga o lo’o ua i ai nei si o tatou atunu’u.

 “Ua tauagata lava ma ua tele ina le gafatia e le to’atele ma ua o tatou iloa uma lava lea tulaga.

 “Ia o le alu o le soifuaga o lo’o ua tatou i ai nei ua matua’i saosaoaia lava.

 “Ua tele lava le mau mea o lo’o ua tatou tau fai molimauina i lenei aso.

“Ae pei o lea lava le tulaga ua matuai mana’omia lava i le taimi lenei o le suavai e pei ona outou tau mai.

“Ia o lo’o taumafai lava e tau saili se suavai i nai isi aiga tu tuaoi.

© Samoa Observer 2016

Developed by Samoa Observer in Apia