TA’UTINOGA A SAGATO AOKUSITINO-OLA FAATA’ITA’I IA Keriso

Tusia Fuimaono Na’oia Faasavalu Touli F. Tupua ,

223 Hits

 E UIGA I LE FIA MAUALUGA MA LE FIA ALOA’IA

E le mafai ona tatou tuuina atu se loto talitonu itiiti- i totonu ia i tatou lava-talu ai-tatou te le o maua le malamalama i taimi uma.

E itiiti se malamalama o loo ia i tatou-ma poo le a lava le malamalama o loo ia i tatou-e vave ona tatou le maua- talu ai lo tatou faatalale. O le tele o taimi tatou te le iloa ai- pe o le a le tele o le tauaso ma le pogisa- o i totonu ia i tatou.

E masani ona tatou fai mea leaga- ma faamagalo i tatou lava- i se tulaga e sili ona leaga. O nisi taimi –e una’ia i tatou e le mana’o ma tatou faapea ai -o se mea e lelei lea, tatou te tuua’i le leaga o mea iti i isi ae faagalo le mata’utia o mea leaga na tatou faia.

E vave ona tatou lagona le faamalieina- ona o mea mai lima o isi tagata-ae tatou te le o manatunatu- i le tele o mea o loo a’oa’oina e isi tagata mai ia i tatou. O lē na te fuafua lelei ma faatino ma le sa’o atoatoa mea na te faia-o ia lea na te le faia ma le saua- le faamasinoga o le isi tagata!

© Samoa Observer 2016

Developed by Samoa Observer in Apia