E fa’apefea ona tatou maua uma!

129 Hits

Mafaufau tasi lava…Sa i ai se mauoa e suafa i a Fitzgerald ma e tasi lava lona atali’i, fai mai a’o itiiti ai lenei tamaititi sa fa’apea ona maliu lona tinā. Na avea lea ma mafua’aga na matua vavalalata ai le mafutaga a le mauoa lenei ma lona atali’i. Sa tele ni mea lelei na fa’atinoina e lea tamā , ma olo’o ta’ua na tele ni tupe sa i a te ia ona o lona fa’atauina atu lea oni ata vali i ni tupe se tele.

O le mavae ai o le lua tausaga talu ona maliu lona to’alua, na ma’i la la’ua tama ma i’u ina oti  ai o ia. Ae le’i maliu ai la le mauoa lenei i a Fitzgerald na ia faia ai se tusi i e ‘e uili ai le oa o lo’o i a te ia, ma na ia ta’ua ai lona mana’o ina ia faia se tauofoga mo oloa uma nei lea e ono atu i le miliona ma miliona o tala lo latou tau.

Sa to’atele i latou na auai i lea tauofoga tele. I le tele o le mau ata na fa’atau atu sa filo ai ma se ata  o lona atali’i , e le lelei lona valiina ma e fa’apea fa’amatalaga o le ata o lona atali’i na taumafai se tagata vali ata e tusi. 

O lana fa’atonuga la ae le’i maliu ia muamua ona fa’atau le ata lea ae le’i faitauina le tele o ata. Ae ona o le mataga o le valiina o lea ata na mafua ai ona leai ma se tasi na ia mana’o e fa’atau ma i’u ai lava ina fa’atau e se tasi o auauna a le mauoa lenei o Fitzgerald lenei ata i na’o ni nai tala, ona o lona alofa i le atali’i o Fitzgerald.

Ae le’i amataina le fa’atau atu o nei mea taugata uma, na fa’afuase’i ona tula’i i luga le loia ma ia faitauina ma le manino le uili o lo’o ta’ua e Fitz e tatau ona tu’uina atu ai nei oloa uma ‘ O ai lava le tagata e na te fa’atauina le ata o lo’u atali’i o ia lena e na te aveina mea uma sa i a te a’u…ua tapunia nei le tauofoga.”

 O le auauna lenei na alofa i le atali’i o Fitz  lea na ia fa’atauina le ata o le atali’i o le mauoa na ia avea uma le oa sa i lenei mauoa.

         Manatua na fetalai le Atua, afai tatou e alolofa ma ola i a Iesu Keriso, ona avea ai lea o i tatou ma fanau o le Atua. O le mea lea e ao ai ona o tatou filifili fa’atasi e faia lona finagalo ae le’o o tatou lava loto. O le a la le mea e le avea ai i tatou ma fanau o le Atua. Tatou vala’au atu i le Atua ina ia avatu tatou i le Malu o Ona Apa’au Alofa ina ia mafai ona o tatou mau fa’atasi ma ia…Mafaufau tasi lava 

(Fa’aliliuina: Iliā L Likou)

© Samoa Observer 2016

Developed by Samoa Observer in Apia