Maliu le Ofisa Sili o Pulega o Fa’ailoga Taualoa a Samoa
Ua fa’amaonia le maliu ai o le sa avea ma Ofisa Sili o le Pulega o Fa’ailoga Taualoa i totonu o le atunu’u i a Fepule’ai Sinapi Moli.
Sa fa’ailoa mai lea tulaga e se tasi o ona auaiga lea e le’o mana’o e fa’ailoa lona suafa e fa’apea o le po o le Aso Tofi na se’i mavae atu nei na fa’amavaina ai e le Atua galueaga a Lana auauana.
“Sa feagai o ia ma ona ta’otoga i le tausaga ua mavae ma e le mafai ona ou tu’uina atu se isi fa’amatalaga ona o lo’o fa’atali se fa’atalanoaga fa’aleaiga i le taimi lenei,” o lana tala mai lea.
O Fepulea’i o ia o le Ofisa Sili muamua o le Pulega o Fa’ailoga Taualoa i Samoa talu ona fa’avaeina mai le 2006.
I luga o upega tafailagi o lo’o fa’apea ona molimoli ai alofa’aga ma fa’amaisega o uo ma e masani aemaise o le Hai Komisi o Samoa i Ausetalia, le afioga i a Hinauri Petana, lea o lo’o ia ta’ua le tele o se taimi na mafuta fiafia ai ma Sinapi a’o galulue ai i tiute tauave i totonu o le atunu’u.
“O se agaga fiafia le galulue fa’atasi ai lea ma le uso mai le 2012-2015, ma e tele nisi o tulaga lelei sa ia ausia aemaise ai lona agaga e una’ia lenei fa’alapotopotoga.”
“O ia o se tina e tautua ma le fa’amaoni i lona atunu’u aemaise o tiute ma galulue o lo’o ia galue ai – o se tagata e una’ia mea lelei ma fa’ataitaiga atoatoa mo lana aufaigaluega.
O se auauna e mata’u i le Atua ma e fa’afetai a i lona ola tautua.
E maliu Fepulea’i e tasi lo la’ua alo ma le tamā i a Sala Felise Moli.