Tupulaga talavou o le manuia mo a taeao

By Seia Soloi 24 February 2017, 12:00AM

O le mau lea a le alii talavou ia Lu.Lu, 27-tausaga mai le afioaga o Vaitele-Uta. O lo’o faigaluega nei i Tuanaimato, i le vaega egafa ma le vaaia o fale ta’alo a le Malo o lo’o iai nei.

Ua ia maitauina le toatele o tupulaga ua iu mai aoga, ae ua augata e sue ni galuega mo le tausiaina o aiga ma matua, ma lo latou foi ia lumanai manuia.

“Ua augata e sue le galuega ma ua fa’apalapala ai lava, ae ia manatua lelei e le tupulaga talavou o ia le faamoemoega a ona matua ma lona aiga” o lana tala lea I le Fofoga o Samoa ananafi

O Lu o lo’o nonofo nei ma ona matua ma lona aiga atoa i Vaitele, ma o lana galuega lea o lo’o faalagolago iai lona aiga i nisi o mea e fai.

“O tupe mo se meaai a le aiga i aso uma ma mea e moomia ai e matua le tupe ae le gata i lea o mea fai a le Nuu ma le Ekalesia.

O lona manatu, o mea pito sili ia ona taugata i lenei vaitau, ua fa’aalu ai le tele o tupe a aiga.

“Ae tatou te le ‘aloese mai ai, aua ua masani ai lava o tatou aiga ma matua i tausaga ua mavae’

E ui i le taugata o le soifuaga, ae na te talitonu o le taimi lelei lava lenei mo tupulaga e tulai mai ai, e sue galuega aua o latou aiga mo aso a sau.

“Taugata le soifuaga, a alu a i luma le soifuaga e alu ai foi i luga ma le tau o le soifuaga, ua taugata ai lava.

Ua ia vaaia foi ma le faanoanoa le tele o tupulaga ua avea ma faasalaga i totonu o aiga ma matua, ae tatau ona faaaoga iai le mafaufau o tupulaga aua e le nonofo ai pea ma matua i aso uma o lenei olaga.

“A tele le faatamala o tupulaga i lenei vaitau, ua tele lona aafiaga i le lumanai.

O lana feau foi lea mo isi tupulaga o lo’o augata e galue mo lona aiga-

“Ia manatua lelei tatou te le nonofo ai pea lava ma o tatou matua i lenei olaga,  aeia uma atu matua ae o lo’o lelei le olaga ma ia iaia mea e tua iai, e taua ai lava lou galue ma faaaoga tatau lou taimi o lou talavou.

By Seia Soloi 24 February 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>