E afua galuega lelei i le alofa

By Fetalai Tuilulu’u 24 February 2017, 12:00AM

O le manatu fa’aalia lea o Lafaele Toa, 25 tausaga le matua mai le afio’aga o Vaitele.

I le la fa’atalatalanoaga ma le Fofoga o Samoa na ta’ua ai e Lafaele o le olaga lenei ua tatou iai o se olaga faigata, ‘ae ā le aunoa ma le galuega e leai se mea lelei tau te maua. 

“O le mea foi le iai a le galuega le tagata e le ‘ai. 

“A le aunoa fo’i ma le filifili tatau i ‘auala e tausi ai le aiga e leiloa pe fa’afefea ona tausi aiga. 

“Ua matua’i taugata lava le soifuaga ae le fa’apea la’a tatou nofonofo ma fa’amoemoe lava i lea taugatā.

“I totonu o si o matou aiga na’o le tinā lava e faigaluega ma le ma’umaga o lo’o fa’amoemoe i ai mo le alagatupe. 

“Ou te galuea lava i la’u fa’atoaga ma ave e fa’atau e maua mai ai le seleni e fesoasoani malosi i le tinā le aiga. 

“Po le a foi le mativa ma le lē  tagolima o se aiga ae ā maua le faifia o le itu pito sili lea ona tāua. 

Sa tāua foi e Lafaele e lē nao tupe e maua e ola ai se tagata, tele lava na maitau a leai se tupe e maua pei e sili ia le oti ae aunoa lava ma le mafaufau loloto o le tupe o le fa’atosina a palalagi. 

“Pua le itu lea ou te fa’afetai ai lava a’u ia ona o le malosi ua aumai le Ali’i ou te galuega ai i lo’u maumaga. 

“O taro ma fa’i e tele lava na ave le maketi pe fa’atau savali foi aua lava s e tupe mo mea fai a le aiga.

Sa taua foi e Lafaele ua laki foi le fesoasoani malosi o si ona tinā i le fatu aiag tausi o lo’o faigofie ai mea uma. 

“E va’aia  ma le fa’anoanoa le tina o lo’o sa’i lava e faigaluega ae o lo’u iloa foi ua le toe tutusa le malosi. 

“Ae ui i lea e sili lava i le tinā le alofa ma le ola fesoasoani i le fatu aiga tausi.

E mitamita ai foi Lafaele ona tusa lava po le a le taugata le soifuaga e fa’afetai le Alii ona e le pei i tatou o tagata o isi atunu’u o lo’o fia a’ai  ma leai ni fale e nonofo ai.

“Ae o tatou o lo’o maua le fale e nofo ai ma maua mea’ai e aai ai i lea aso ma lea aso, tusa lava pe mativa i tupe e fa’asoa mai lava le Ali’i le tama o aiga.

“O le fatu aiga tausi lava o se galuega faigata ae ui ui i lea e leai se tatou mea e mafai ae pau lava o le ola  naunau ma onosai. 

By Fetalai Tuilulu’u 24 February 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>