To’a’aga e galulue

Tusia Ilia L Likou ,

56 Hits

Tamaleaoa Talanoa Lilo.

Tamaleaoa Talanoa Lilo.

O le maua ai o le fa’atalatalanoaga ma Tamaleaoa Talanoa Lilo o Pata Falelatai i le vaiaso na se’i mavae atu nei.

Na ia fa’ailoa o lo latou aiga e to’atasi le tagata faigaluegfa.

“E pei o lea lava le tulaga o lo’o ua i ai nei, ua o tatou iloa uma lava le taugata o le tau o le soifuaga o lo’o ua tatou ola ma soifua ai.

‘O le itu mautinoa a le gaioi ia e leiloa po o le a le mea a fai, ma leiloa po o le a se itu e mafai ona o tatou fa’atino e tausi ai aiga.

Na maua le avanoa e fa’atalatalanoa a’o agai atu i le aiga mai lana ma’umaga.

“Ia o lea lava le tulaga o lo’o ua i ai nei, e taumafai lava ina ia tausi lelei aiga aua le aga’i atu ai le lumanai.

“O  lenei lava olaga, ia e pei ona ou fa’ailoa atu ua le toe faigofie vaega uma o lo’o o tatou taumafai ai nei.

“Ia e leai lava se isi tala o le taumafai lava o aiga i le mea e gata ai le taumafai.

“O le itu mautinoa a le mafai ona faigaluega e leiloa le ituaiga gaioiga e fai e tali atu ai le tele o le mau fa’afitauli o lo’o ua tula’i mai/

 “Ia o lea lava le masani i aso uma , e usu mai lava le fa’atoaga e tulituli mai le la, ia na taumafai ai foi lea e tope feau o le aso.

“Aua e pei o lea  lava le itu e faigata ai le galuega a le fai fa’ato’aga pe a maua e le la i le taeao.

‘Ae o lea lava le gasologa o feau ma tiute i lenei itu, e taumafai lava i le mafai ma le malosi e gata ai.

Na ia ta’ua o lea lava lona sao i lona aiga.

“Ia e pei o la’u faatoaga ia e tele lava le sao mo le tausia ai o le aiga mai lea aso i lea aso.

“O le itu mautinoa a fa’atuai ona o tatou galulue ia e maua tatou i puapuaga ma o se itu lelei tele le taumafai ai pea o aiga.

“Ia o le a lava vaega e mafai ona maua mai le fa’ato’aga e ave lava le fa’amuamua i le tausiga o lo’o aiga.

O le taimi lenei o lo’o sauni o ia e tuua le atunuu mo tauga apu i atunu’u i fafo.

“Ia e pei o le isi lea fesoasoani sili pe a taunu’u.

© Samoa Observer 2016

Developed by Samoa Observer in Apia