Fa’ailo mai fa’aletonu o le tamaoaiga

132 Hits

Faaliliu: Ilia L. Likou

 

O lo’o ua i ai nei le tamaoaiga o le atunu’u i se tulaga e ono o’o atu ai i se matuā fa’aletonu lava.

O lea le fa’amatalaga na saunoa ai se tasi o sui fai pisinisi i le Sunday Samoa ma o lo’o taofia lona suafa sa’o ona o nisi o tulaga o lo’o i ai le popolega. O lea  ua fa’aigoa ai nei o ia i a Sione.

 “O le popolega afai ae fa’aauau lea tulaga (tupe-nono) o le a avea lea ma vaega e afaina tele ai le tamaoaiga o le atunu’u.” o lana tala mai.

“O le a leai lava se tasi e tu ma tete’e atu pe afai ae toe fo’i mai i luga o tatou uma e aunoa ma se fa’amatalaga ma o le a fa’amalosia tagata uma (mo le toe totogiina).

O le popolega o lo’o i ai Sione o le itu tau aitalafu lea ua i ai nei le atunu’u ae le gata i lea o ripoti e fa’apea o lo’o ua aofia nei Samoa i atunu’u e 10 o lo’o ua ‘a’afia tele le tulaga tau tupe.

Fai mai lona tulaga o le vaega o IMF po o fa’aunegatupe o le Lalolagi e le taitai ona talafeagai ma le atunu’u.

 “O lo’u iloa afai e fa’aauau pea tulaga tau nonogatupe nei o le a le pine ona toe foi mai vaega tetele nei lea e tele ona o tatou maua mai ai fesoasoani ma fosi atu i tatou e toe totogi atu i latou ma e ono toe fo’i atu ai le atunu’u i le 1960,” o lana tala mai lea.

 “O le mea tonu lava lena o le a tula’i mai i lo tatou tamaoaiga.”

“O le taimi lenei e leai ni fa’alapotopotoga latou te mata’ituona lelei nei vaega.”

O se lomiga na lomia e le Island Business Magazine o lo’o o manino ai le tele o vaega e pei ona atugalu ai Sione.

Fai mai lona taofi e tele ni vaega o lo’o le manino mai le malo e fa’atatau i vaega nei.

“O le taimi lenei o lo’o matua gugu lava le malo ma o se mea e ao ona mata’ituina lelei e le Kovana o Faletupe Tutotonu o le atunu’u pe sa’o fa’amaumauga nei.

O lona popolega tele o le toe fo’i mai ai lea o vaega nei ma ona leiloa atu ai ma ana tupe mai ana pisinisi ona o tulaga nei.

 “Ou te le mana’o e aumai tupe iinei i Samoa ae uma ane ua le mafai ona toe tu’uina i tua.” 

 “O lona uiga afai e toe fo’i le atunu’u lenei  i le 1960, ina ua toe tuitui mai atunu’u nei o le a le toe i ai ni fesoasoani e auina mai totonu o Samoa, a ou toe mana’o e toe aumai a’u tupe o le a fa’apea mai le malo e leai, o lo’u mana’o ia malu puipuia a’u tupe.

© Samoa Observer 2016

Developed by Samoa Observer in Apia