TA’UTINOGA A SAGATO AOKUSITINO - OLA FAATA’ITA’I IA KERRISO

205 Hits

- Confessions of St. Augustine-Immitation of Christ. Tapena ma Tuufaatasi e Fuimaono Na’oia Faasavalu Touli F. Tupua mo le Samoa Observer. Aso Sa 24 Ianuari 2016. 

 

E LEAI SOU MALU MAI FAAOSOOSOGA O LE OLAGA NEI

“Lo’u atali’i e- e te le malu i le olaga nei-ae o le talita o lou agaga e te mana’omia pea mo oe i taimi uma e te ola ai.O loo e lotolotoi i ou fili ma osofa’ia oe mai soo se itu. Afai la e te le o malu i itu uma o le talita o le onosa’i-e le umi se taimi e te nofo ai e aunoa ma ni ou manu’a.

Ae o le mea sili-afai e te le tu’u maia lou loto atoa ia te A’u ma le faamoemoe e te tauaveina mea uma ona o A’u, o le a e le mafaia ona tali atu i le mata’utia o le osofaiga, pe e te maua le manumalo o i latou ua faamanuiaina.

O le mea lea-e tatau ‘ea ia te oe ona e tauivi i lou olaga atoa ma tuuina atu lou lou malosi e tete’e atu ai i ia mea o loo tete’e mai ia te oe.? Aua o lē e manumalo ai-ua tuuina atu i ai le mana lilo, ae o puapuaga e tele- o le tofi lea o le tagata faapalapala. 

“Afai e te saili se malologa i lenei olaga-e faapefea ona e ‘ausia le malologa tele e faavavau? Aua e te saili mo oe se malologa tele-ae saili le onosa’i e matua tele. Ia e saili i le filemu moni lea e le maua i le lalolagi nei -a’o le Lagi- e te le maua foi mai se tagata pe o soo se mea na faia-vagana ai le Atua.

Aua o le alofa o le Atua-e tatau ona e uia ai mea uma-pe o galuega mamafa poo faanoanoaga, tofotofoga, mea tau faasese-moomooga fai vavale, ma mea faatiga. 

O nei mea uma -e iloa ai le tagata na a’oa’oina e Keriso, o mea nei e fau ai le palealii o le Lagi. Ou te tuuina atu ia te oe le taui e faavavau mo se galuega itiiti-ma le faaeaina mai le faalumaina. 

© Samoa Observer 2016

Developed by Samoa Observer in Apia