Agalelei Asosi Fa’afafine i Mapuifagalele
E $3,000 le tinoitupe na agalelei atu ai le Asosi o Fa’afafine i Samoa nei mo Mapuifagalele i le aso ananafi.
O Asia Alosio Stanley na fai mai sui o le Asosi e taua’a’o lea meaalofa taua.
“E mo le silafia ai e tele lava le lavasiga o lenei tausaga na feagai ma le asosi ma o se meaalofa fa’atauva’a lenei ua o matou saunoa mo outou.
O lea tupe tele na mafai ona tu’ufa’atasia i se fa’aaliga a fa’afafine na o latou fa’atinoina i le tausaga lenei.
Na ta’ua e Asia e tele le taimi na o latou tu’ufa’atasia ai le fa’amoemoe.
“Ia ua o tatou iloa uma le faigata o lo’o ua i ai nei ma o se faaliga e le’i faigofie ae na mafai lava mea uma ona ole fesoasoani ai o le Alii.
“O lenei ua i’u ma le manuia lenei tausaga i feau ma tiute ia o le viiga e fo’i i le Alii aua na o lo tatou fuafua ae na te fa’ataunu’uina uma.
“Ia e le fa’agaloina le alolofa mai o le tele o pa’aga e pei ona i ai le Taumeasina, o le lagolago mai fo’i o si o matou Peresetene ia Sooalo ae sili ai le lagolago malosi mai a le kamupani a le S.S.A.B.
“E talitonu ua mafaia mea uma ona o le fesoasoani mai aemaise o lo outou silasila i vaega uma aua le aga’i atu ai le lumanai.