Faau’u tamaiti a’oga faavae a le Aoga o Gagana

23 December 2015, 12:00AM

Sarafina Sanerivi

Faaliliu e Seagaitumua Tupuola

 “O le aoaoina o se oloa lea o le a mulimuli i lē pule ia te ia i soo se nofoaga.” O le fe’au lea sa molimoli atu e le Palemia o Samoa, o Tuilaepa Sa’ilele Malielegaoi, i le ‘au-faau’u muamua o le Aoga o Gagana a Samoa ananafi. O lea faauuga faapitoa na amata i se sauniga itiiti na ta’ita’ia e Reverend Taumafai Komiti-lea na ia faamanatu atu  i tagata uma lava le taua o le tautala ma malamalama i gagana eseese. 

O le Palemia na faia le lauga i le ‘auvalaaulia ma faafetaia faia’oga ma le ‘au-faau’u mo le galuega faigata i lenei tausaga. Na faaalia lana faafetai mo taumafaiga uma na tuuina atu i le faagasologa atoa o le 2015, ia na totogi uma ananafi.

O le gagana a Saina sa avea ma vaaiga autu o lenei tausaga. Sa faafetaia e le Palemia le lagolago a ni faia’oga se toatolu mai Saina ia na ofo atu lo latou taimi e a’oa’o ai tamaiti a’oga. “Na faamanuiaina lea a’oga e ala i le lagolago a ni faia’oga Saina se to’atolu e le totogiina, o Yanhong Huang, Lu Chen ma Xiaoli Wang, ma ou te fia faao’o atu ia te outou le faafetai a lo matou malo ma o matou tagata mo la outou lagolago ma le agalelei.”

Na ia faafetaia tamaiti a’oga ma saga una’ia i latou e faaauau pea ma ia ‘aua nei fiu gofie. Sa vaevaeina tamaiti a’oga i ni vasega se tolu, i lalo o le vaaiga a ni faia’oga se to’atolu.Na tuuina atu ia i latou uma tusi pasi o tulaga ua ‘ausia.

Sa filo i e na faau’u Rev. Opapo Oeti, o ia lea na faafetaia le malo o Samoa mo lea taumafaiga, lea ua tuuina atu ai ia i latou le avanoa e aoaoina ai se isi gagana. Na saunoa Rev, Oeti e fai ma sui o ana paaga faau’u, fai mai sa latou manana’o e aoaoina nisi mea se tele i le Samoa School of Language.

Na ia una’ia le malo ma le Matagaluega o A’oga ina ia faaauau pea le latou galuega tau le lagolagoina o lea a’oga, ma na tapā ai nisi gagana ina ia avanoa mo suesuega. 

Sa auai faatasi le Amapasa o Saina i Samoa o Wang Xuefeng ma Sui Usufono o le Palemene, le aufaigaluega a le Matagaluega o A’oga, Taaloga ma Aganuu-faapea foi ma aiga ma uo a le ‘au-faau’u i le faamanatuina o lea sauniga faapitoa. 

Sa faafiafiaina foi e le ‘au-faau’u le ‘au-vala’aulia, e ala i pese ma siva i pese a Saina.

23 December 2015, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>