Faaulu le Tagi a le Ekalesia i le Faamasinoga

426 Hits

Pai Mulitalo Ale 

Faaliliu e Seagaitumua Tupuola

 Ua faaulu e le Komiti Faatonu a le Ekalesia Faapotopotoga Kerisiano i Samoa se tagi e $300,000 i le Famasinoga Sili.

O lea tagi e faasino i le Nusipepa a le Samoa Today ona o se tala na ia lomia faasalalau i le tolu masina talu ai, e uiga i se tuuaiga e faasaga i le Failautusi Aoao a le Ekalesia Faapotopotoga Kerisiano i Samo o Reverend Dr. Afereti Uili.

O igoa o le alii faipisinisi o Patrick Boon ma le Ptrick Boon Holdings Company Ltd-o itu tete’e ia. O is itu tete’e o le tusitala o tala fou o Kirstin Toaimoana Ofisa ma le Faatonu, o Manū Asafo Maugatai.

Ua fai e le Komiti Faatonu se tagi faale-tulafono e faasaga i itu tete’e ua ta’ua igoa mo le faaleagaina o le Ekalesia.O Semi Leung Wai o loo tulai e fai ma sui o le Ekalesia Faapotopotoga Kerisiano i Samoa.

O Alalatoa Rosella Papalii o loo fai ma sui o itu tete’e e lua, o Kirstin Ofisa ma Manū Asafo Maugatai, ae o Patrick Boon o loo i fafo i le taimi nei. O lea mataupu sa fofogaina i luma o le Faamasino Sili, Lana Afioga Patu Tiava’asu’e Falefatu Sapolu ananafi.

Ua toe tolopo lea mataupu se’ia aulia le aso 18 o Ianuari 2016.E talitonu le Samoa Observer o loo i ai se isi tagi e ese ai e $100,000 a le Failautusi Aoao o Reverend Afereti Uili e faasaga i le tusitala o tala fou lea na faia lea tusitusiga. O se tamaitai talavou na faia ia tuuaiga i totonu o lea tala o loo molia foi.

© Samoa Observer 2016

Developed by Samoa Observer in Apia