Tupulaga manuia!

Tusia Ilia L. Likou ,

41 Hits

Alauni Savea.

Alauni Savea.

Tupulaga o le lumana’i manuia o aiga ma le atina’e.

O lea fuaitau masani na ioeina e le ali’i talavou i a Alauni Savea i le fa’atalatalanoaga ma le Fofoga o Samoa.

O le taimi lenei o lo’o ia faia le faiva o le tausi aiga.

“Ia e pei o lea lava le tulaga  o lo’o ua i ai nei, e o uma lava le faigaluega ae pei o matou nei e gafa ma le tausia o aiga ma le tele o le mau feau mai lea aso i lea aso.

“O lo’u ola ane ai i totonu o lo’u aiga, ia o se itu lelei tele lea mo a’u lava ia i lo’u iloa i ai, o se itu e ao ona silasila lelei i ai.

“Aua le aga’i atu ai le lumana’i.

Na ia taua o le tele o suiga ua i ai nei.

“Ia e i ai lava le ese’esega o e  o lo’o i totonu i faiganu’u ma e o lo’o i nu’u e pei la ona i ai Vaitele-Fou ma isi vaega o le atunu’u.

“O nu’u ia i faiganu’u a matai ia e leai se sa’olotoga e faia ai , o le uiga o la’u tala e leai se isi e alu alu leotele i luga sona leo.

“E malu ma puipuia tagata uma i faiganu’u a matai.

“Aepeita’i o totonu o nu’u le mavae e pei ona iloa i ai e pei e pule lava le tupulaga ia ma tagata i lana gaioiga  e fai ai.

Na ia fa’afetaia ai ekalesia ta’itasi lea o lo’o mafai ai ona fa’atino galuega uma aua le aga’i atu ai le lumana’i.

“E pei o lea lava le tulaga e tatau ona i ai, o le taumafai lava ina ia mafai ona fa’atino o so’o se uiga aua le aga’i atu ai le lumana’i.

© Samoa Observer 2016

Developed by Samoa Observer in Apia