Tatala aloa’ia le poloketi e 68.8 miliona tala a le Malo

Tusia Sarafina Sanerivi ma Faaliliu e Maiava ,

169 Hits

Maeva Betham Vaai o le Faletupe o le Lalolagi, le Minisita o Galuega, Fela’ua’iga ma Galuega Tetele a le Malo, le Susuga a Papali’itele Niko Lee Hang ma le Minisita mai Ausetalia o  ConcettaFierravanti-Wells i le tatalaina o le ‘auala i Vaitele ananafi.

Maeva Betham Vaai o le Faletupe o le Lalolagi, le Minisita o Galuega, Fela’ua’iga ma Galuega Tetele a le Malo, le Susuga a Papali’itele Niko Lee Hang ma le Minisita mai Ausetalia o ConcettaFierravanti-Wells i le tatalaina o le ‘auala i Vaitele ananafi.

O ananafi na aloa’ia ma molimauina ai se tasi o la’asaga ogaoga mo le atunu’u aoao.

O le tatalaina aloa’ia lea o le poloketi o le fa’alauteleina o le ‘auala i Vaitele, lea e tusa lona tau ma le 68.8 miliona tala Samoa ($68.8 miliona).

TAMALI’I SA I LE FOE, E ULI MA SAO LEA GALUEGA TELE: Seimaleula Sinapati Ulberg (Inisinia fa’apitoa a le kamupani), Mapusua Leali’ie’é R. Ott ma Taua’aletoa R. Ott e pulea le kamupani

TAMALI’I SA I LE FOE, E ULI MA SAO LEA GALUEGA TELE: Seimaleula Sinapati Ulberg (Inisinia fa’apitoa a le kamupani), Mapusua Leali’ie’é R. Ott ma Taua’aletoa R. Ott e pulea le kamupani

O le ‘auala e 7.2 kilomita le umi ma ofi ai ta’avale e fa, mai lava i Malifa e o’o i Saina, sa fausia e le kamupani fai-‘auala a le Ott Construction ma le BECA, fa’atasi ma fesoasoani mai isi konekarate laiti. 

Na vi’ia e le Ali’i Palemia, Tuila’epa Sa’ilele Malielegaoi le tatalaina o lea ‘auala, o se tasi o tulaga iloga o le tala-fa’asolopito mo Samoa. Na saunoa, o se “’auala e tautuaina ai le mamalu o le atunu’u ma saofaga ai fo’i le tautuaina o vaega ‘ese’ese uma.” 

’AUALA MO LE MAMALU LAUTELE O LE ATUNU’U.

’AUALA MO LE MAMALU LAUTELE O LE ATUNU’U.

E lalata i le selau le mamalu o le atunu’u sa molimauina le tatalaina o lea galuega tele. Sa ‘auai ai fo’i le Minisita mo Atina’e Fa’ava-o-malo ma le Pasefika a ‘Ausetalia, o Concetta Fierravanti-Wells. 

O le Ofisa Sili o Fela’ua’iga i le ‘Ele’ele, o Leasi Vainalepa Galuvao sa fai ma fofoga o lea sauniga ma fa’afeiloa’ia le mamalu o le ‘au-vala’aulia ma le atunu’u sa ‘auai.

Na saunoa fo’i le sui o le Faletupe a le Lalolagi, o Maeva Betham-Va’ai e fa’afetaia le malo o Samoa mo le galuega tele ua ‘ausia. O le poloketi lea na fa’atupeina e le malo o Samoa, le Faletupe o le Lalolagi ma le malo o ‘Ausetalia, i lalo o le Poloketi mo le Toe Fa’aleleia o ‘Auala mo Femalagaa’iga.

“E 20 miliona tala ($20 miliona) le tupe na fa’amatu’u mai e le Faletupe o le Lalolagi mo lenei galuega,” o lana fa’aaliga lea.

“O le toe soso’oina o le ‘auala mai Vailoa e o’o i Saina, o se fa’aopoopoga  lea o le ‘Auala lea na uluai fa’atinoina mai Malifa e o’o mai i Lepea. 

’AUALA MO LE MAMALU LAUTELE O LE ATUNU’U.
’AUALA MO LE MAMALU LAUTELE O LE ATUNU’U.
TAMALI’I SA I LE FOE, E ULI MA SAO LEA GALUEGA TELE: Seimaleula Sinapati Ulberg (Inisinia fa’apitoa a le kamupani), Mapusua Leali’ie’é R. Ott ma Taua’aletoa R. Ott e pulea le kamupani
TAMALI’I SA I LE FOE, E ULI MA SAO LEA GALUEGA TELE: Seimaleula Sinapati Ulberg (Inisinia fa’apitoa a le kamupani), Mapusua Leali’ie’é R. Ott ma Taua’aletoa R. Ott e pulea le kamupani

“O le fa’alelei la o lenei ‘auala e o’o mai i le taimi nei, o se vaega taua tele lea o galuega a le Pulega mo Fela’ua’iga i le ‘Ele’ele talu ai, ua feso’ota’i ai ‘auala uma, mai le Uafu i Matautu, o le Taulaga i Apia e o’o mai i le nofoaga lenei mo fale-faigaluega i Vaitele ma fa’asolo atu ai i le malae-va’alele o Faleolo ma le uafu i Mulifanua.”   

Na saunoa fo’i e fa’afetaia le malo, ona o le naunau e fa’aleleia atili ‘auala mo femalagaa’iga ma fa’aleleia fo’i nisi vaega taua e fa’afetauia ai a’afiaga ona o fesuia’iga o le tau, e pei o ‘auala-sima ma nisi fa’atinoga i nisi vaega fa’apitoa i ‘auala mo le atunu’u aoao. 

Na fa’aopopo mai fo’i, o le mae’a ai o lenei poloketi, ua ‘ausia ai fo’i le fa’amoemoe ‘autu sa iai i le amataga, o le tu’u-itiitia lea o le fe’omia’i o ta’avale-feoa’i i taimi o femalagaa’iga ma mafai ai fo’i ona te’ena nisi o vaega fita e afua ona o suiga o le tau.

“Lea ua ‘ausia le fa’amoemoe sa fuafuaina e ala i le fa’alauteteleina o ‘auala ia ofi ai ta’avale e fa, ae maise le fa’alelei o le fetafea’i o le suavai pe a o’o ina timuga aso. O lo’o aofia ai i lenei galuega, le fausia o ‘auala-savali mo tagata-feoa’i, o moli o le ‘auala ma isi vaega e pei ona va’aia nei.

“Matou te talitonu, o le fa’aleleia o lenei  ‘auala, o le a fa’amautuina ai le saogalemu o afioa’ga ma alalafaga ma le atunu’u o lo’o fa’aaogaina lenei ‘auala, e vavave ai fo’i femalagaa’iga mo a’oga a fanau, o le falema’i, o maketi ma faleoloa i le taulaga, ma e fa’afetaia ai le malo mo le silasila mamao mo se manuia o tagata-nu’u o Samoa ae maise le aga’i i luma o le soifuaga.” 

E fa’apea fo’i le fa’afetai a le Minisita ‘Ausetalia, mo le malo o Samoa ona o le maua ai o le avanoa o le malo o Ausetalia e fai ai sona sao mo le atina’eina o Samoa i tulaga tau-‘auala e femalagaa’i ai.

“’Ou te fiafia e momoli atu le fa’amalo i le malo o Samoa mo le galuega ua mae’a nei i le toe-fa’alelei o le ‘auala, e le gata i le taimi tonu na fuafuaina ae maise fo’i o le seleni sa fuafua mo lea fa’amoemoe,” o lana fa’afetai lea. 

 “Ua fiafia lava Ausetalia ona ua mafai o sana fesoasoani i lenei atina’e. O le tasi o a matou poloketi ‘autu e galulue fa’atasi ai ma le malo o Samoa, o le fa’afaigofieina lea o feoa’iga ma pisinisi a tagata Samoa fa’apea tagata asiasi mai, ma maua ai se fiafia sili mo Samoa uma. 

“O le fa’afaigofieina ma fa’atelea’i feoa’iga aga’i i le malae-va’alele ma le taulaga, fa’apea feso’ota’iga ma uafu o va’a ae maise le tele o isi galuega. E aupito taua ai, le saogalemu mo tagata uma.” 

O le fesoasoani a ‘Ausetalia i lenei poloketi, o se vaega lea o a latou ta’utinoga e fesoasoani ai i le atina’eina o Samoa.  

 “I le tausaga e 2013, na fa’amatu’u mai ai e le malo o Ausetalia le 20 miliona tala ($20 miliona) mo galuega tetele a Samoa. E aofia ai le 13 miliona tala ($13 miliona) e lagolagoina ai atina’e e fa’afetauia ai suiga o le tau ma ‘auala tetele i Samoa. Ma o se fiafia tele lea, le molimauina o le taunu’uga lelei o ia galuega i lenei aso.” 

Na fa’afetaia fo’i e Tuila’epa le mamalu lautele o le atunu’u, ona o le lagolago i so’o se ‘auala mo le fa’amae’aia o lea galuega tele.

“O se galuega matagofie lenei galuega ua mae’a,” o lana saunoaga lea. “Sa fa’amanuiaina lo tatou atunu’u nei i seleni mai le Faletupe o le Lalolagi fa’apea le malo o ‘Ausetalia, e fa’atino ai lenei poloketi mo ‘auala.” 

 “O le sao o lenei poloketi, o le a manuia ai le atunu’ua aoao. E le gata ua fa’aleleia ai le feoa’i o ta’avale, ua fa’aitiitia ai le taimi o feoa’iga, fa’atasi ma moli fa’asinoala mai lava i le taulaga e o’o mai i Vaitele nei, a o le a sologa lelei ai fo’i feoa’iga i luga o ‘auala i Samoa. 

I ana saunoaga mulimuli, na fa’ailoa ai e Tuila’epa fuafuaga a le malo mo le si’itia o le soifuaga i so’o se ‘auala, e le fa’apito ai manu i nisi to’aitiiti ae mo le fia afe o tagata Samoa o lo’o soifua i totonu o le atunu’u. 

“O le fa’amoemoe lava lea o le malo, ina ia fa’aauau pea le atina’eina o le atunu’u ma le tatalo fa’anaunau, ina ia fa’apea lava ona fa’aleleia o ‘auala i Samoa atoa, e pei ona iai nei ‘auala i Vaitele. 

 “E momoli atu ai la’u fa’afetai tele ia latou uma sa fai lo latou sao aoga i le fa’atinoina o lenei poloketi, lea ua o’o ai i se taunu’uga lelei ma manuia, e ao ona tatou mitamita uma ai.” 

© Samoa Observer 2016

Developed by Samoa Observer in Apia