Fa’atauina keke pua’a mo se seleni

By Aruna Lolani 24 July 2017, 12:00AM

E sili atu ai le fa'aogaina o le taleni e su’e ai sau seleni nai loo le faigaluega mo isi tagata. 

O le manatua faalia lea a Amosa Moe mai Laulii ina ua faatalatalanoa e le Fofoga o Samoa.

E 36 le matua o lona soifua ma sa faatau keke puaa o ia i le malae taalo a Samoa i Apia.

O se nofoaga lelei lava ananafi mo le fa'atauina atu o keke pua'a aua sa toatele tagata na agai atu e maimoa ile taaloga lakapi.

“E selau kekepuaa ia sa ou sau ma au ma o lea la e faatau atu mo tagata ile $1.00 i le kekepuaa e tasi,” o lana tala lea i le Fofoga o Samoa.

Sa taua foi e Amosa o ia e faatau atu ana apa inu i isi taimi ae o le tele lava o taimi, o kekepuaa a e faasavali solo.

O le auala lea mo ia aua foi se sueina o se seleni mo le tina o le aiga ma le fanau e toatolu ma sa ia faia mai lava lea pisinisi ile 2002.

“E le faigaluega le tina o le aiga aua o ia lea e vaaia le fanau ae o au ia lea ou te galue mo lou aiga.”

O le seleni maua e fa'aaoga mo le fanau aemaise foi le tausiga o lona aiga.

Sa taua e Amosa o le tupe lelei lava keke puaa ma o le tele lava o taimi e taulia uma, aemaise lava pea ae aoga. 

“E fa'asavali a la i tai le maketi ma isi nofoaga i aso o le vaiaso."

“I lo’u au a ia manatu, e leai a se mea e le mafai ona faia e soo se tagata aua lona ia lelei, e tofu a le tagata ia ma lana ia taleni.”

By Aruna Lolani 24 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>