Faamata ua tapena Parker mo Joshua?

Tusia Mata'afa Keni Lesa ma Faaliliu Seagaitumua Tupuola ,

191 Hits

E matua leai lava se masalo i lea tulaga. O Lupesoli’ai Joseph Parker o se tama fusu lelei lea ma na manumalo o ia i se fusu’aga tonu ma le amiotonu i le Horncastle Arena i Karaiesetete. 

O le mea lea, o Fesili e uiga i le tulaga talafeagai o lea manumalo-e aofia ai se tete’e aloa’ia na faaulu e le vaega a Solomon Haumono e faasaga i le laufali-e le talafeagai ai.  (silasila i le tala o Taaloga).

Atonu o se vaega atoa lava lea o le faaaliga, o ai na te iloa?  Atonu o se vaega atoa lava lea o le faaaliga, o ai na te iloa? Ona pau le fesili e tatau ona tatou fesili ai i le asŏ pe faamata ua sauni Lupesoli’ai mo le siamupini o le lalolagi o Anthony Joshua.

O se fesili lea e faigata ona tali mai e le toatele o ni tagata latou te tuuina mai se tali-ioe ma le mautinoa tusa lava pe ua mavae le po o le Aso Tofi na oti ai i le taamiloga 4.  E ui lava ina faapea o se tu’i-oti, ae le o se mea lea e sili ona lelei o loo ia Parker.

Ina ia fai la le amiotonu, o Kevin Barry ma tama o le Duco o loo i totonu o se sootagata ma e manaomia lo latou faaaogaina sa’o o a latou pepa. E ui ina latou manaomia Parker ina ina ia fusu pea se’ia o’o ina telefoni mai i latou e pulea Joshua i Lonetona mo lea paga o le lalolagi mo le fusi o loo faananau i ai tagata, ae tatau foi ona latou matua faaeteete i le faiga e faafoe ai Parker i le taimi nei ma le lumana’i. O le fusuaga o le Aso Tofi o se avanoa saogalemu lea mo se mafuaga tatau. Ua faasa’o ai pusa uma lava.

Sa ia Parker se tapenaga lelei. ma lagona e tagata o Karaiesetete ua faaaloalogia i latou e Kevin Barry ma lonaaiga ma o le isi lea fusuaga ua faaopoopo atu i faamaumauga lelei o le le faia’ina o lea alii fusu..Ae peitai, sa toetoe lava ona foliga i se mea na pa’ū mai e faalelei ai. Ma le faaaloalo e tatau ai i le alii finau o Haumono, a ua 40 tausaga o lona soifua, o lea alii fusu lauiloa o le a na le mafai lava ona ona avea o ia ma faalavelave i lona fili e 25 tausaga le matua.  

O le mea moni sa i ai lava se tu’i malosi na tau ia Parker ae peitai-o aga lava o le fusuaga e pei ona outou silafia. A e la’a loa i totonu o lea ofisa faatafa-fa, ona e iloa lea o le a tau se tu’i ia te oe.  .

O ia tala e tele e uiga i le maoa’e o le malosi uiga ese o Haumono ma faamaumauga o lana tu’i oti, ae na ia tuuina atu ni nai mea faate’i ia sa mafai e Parker ma faigofie ona tali.  E mana’omia ona lagona e Parker ia tu’i ma faamasani i ai. A’o faagasolo o ia i luga o le apefa’i. o le a faasolo ina faigata ia mea ma sili atu ona malosi.

 I le taimi nei, e tatau ona pulea lelei o ia –ina ia aulia ane le taimi e maua ai lona avanoa i le siamupini o le lalolagi, e le o afaina tele ai o ia ma ia tasi lava le tu’i fuafuaina lelei e ave ai o ia i fafo.

O le tilotilo i le lumana’i, o Parker lava ia ua tapena atoatoa. “Ua ‘ou maua le manumalo, o lea tulaga o le a faaalia ai lava lea fusuaga,” o lana faaaliga lea. Ina ua fesiligia pe ua na auina atu se fe’au i ana paaga tau fusuaga o le vaega i luga, sa tali Parker: “Ou te manatu ua matou auina atu se fe’au lea matou te iloa (e tatau ona auina atu) inaia faaleleia pea ma tausi ia sili ona lelei.” 

O lona fuafuaina o le faatinoina o lana fusuaga ua aumai ai ia i matou le manatu e faapea-na te manaomia se isi taimi.

 “O o’u lima o loo fai lava sina tuai; ae o la’u gaoioiga sa sili ona lelei. Na ‘ou amata i le tau’ai atu o le tele o so’a i le taamilosaga lona 4 ma ina ua amata ona tau lelei so’a, sa lavea ai ona foliga ma faatulaga ai loa mo se upakaki i le taumatau, na te le iloa le alu atu.” Mo Barry, o le fuafuaga o le taaloga mo le po o le Aso Tofi sa fuafua lelei lava mo Haumono. 

“Sa matou vaaia Solomon ua fai ona” blinkers, na tuu atu ona lima i luga iina i le faagasologa o le koleniga  ma sa matou galulue i apakaki i itu uma e lua –o le itu tau agavale ma le itu taumatau. “Ua na o se mea lea mo Joe e pulea ai o ia e ala i le so’a ona sui ai lea o lana gaoioiga i le tau’ai atu o apakaki.”

Ae mo le lumana’i, sa faaaliga e Barry: “Ou te fia vaai ia Joe o tatu’i le tino i taamilosaa muamua e lua. Ae ina ua aulia le taamilosaga lona tolu-o iina na amata ai loa oina ia matua tatipi o ia e ala i tu’i i le tino. O le taimi lava na tupu ai lea tulaga-o le taimi foi lea na sui ai le faagasologa o le fusuaga.” 

A toe foi atu la i le fesili, pe ua tapena Parker mo Anthony Joshua? E tofu i tatou uma ma tali eseese. Ae afai e fesiligia so matou manatu, matou te fai atu ua toe itiiti lava-lava tapenaga a Parker. Matou te talitonu o loo tumau pea ona tele ana galuega e tatau ona galue ai ma o nai masina o i luma o lona atiina a’e-o le a matua taua tele lea.

O loo faateleina pea le fiafia ma e leai se masalo o loo tatou naunau uma lava ina ia savalia e ia lea ala atoa ma ia ‘ausia le mea e le’i ausia e se isi tagata o le Pasefika e tusa ai ma le tala faasolopito o Fusuaga.

E toalua tagata Samoa ua le mafai ona faataunuuina a la taumafaiga mo le faailoga pa’ia tau fusuaga, faamata e mafai ona avea lea ma mataupu o le faamanuiaina lona tolu mo Lupesoliai? Faafogafoga mai pea! Mo le taimi nei, ia outou maua se faaiuga matagofie o le vaiaso Samoa ma ia faamanuia atu le Atua!

© Samoa Observer 2016

Developed by Samoa Observer in Apia