Faamata’u e se pagota na te fasiotia!

By Pai Mulitalo Ale 23 July 2016, 12:00AM

O se pagota lea na fasia se alii a’o taofia i le falepuipui e faatali ai le aso o lona Faamasinoga, sa na faamata’uina na te fasiotia o ia, na ioe i lona nofosala i le fasi tagata..

O Daniel Vailopa lea o loo tuli lona faasalaga i le Falepuipui i Tafaigata, na ia fasi Nu’uuli Aokusitino, o Fale’ula-uta, a’o auai alii Leoleo i le faagasologa o se osofaiga faigata i le aso 3 o Me 2016. 

O le vaiaso nei la na tulai ai Vailop i luma o le Alii Faamasino o le Faamasinoga Faa-Itulao o Vaepule Vaemoa Vaai-lea na ia ioeina ai lona nofosala i le faasaua. 

O le Loia o Silipa Uelese sa fai ma sui o le Ofisa o Moliaga a le Malo, lea na ia faailoa atu i le Faamasinoga e faapea e lua moliaga o ia i latou e faasaa i le itu tete’e.  O le tasi o ia moliaga o le fasi tagata ma o le isi o se moliaga lea ona o upu tau faamata’u. 

I le faagasologa o lea osofaiga, sa faafofogaina e le Faamasinoga e faapea na faamata’u e Vailopa-na te fasiotia Aokusitino pe a la toe taliu atu i Tafaigata. O le moliaga tau le tau faamata’u na te fasiotia-na toe faaui i tua. 

By Pai Mulitalo Ale 23 July 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>