E mana’omia le fa’aleleia o auala ma le suavai maua

Tusia Fetalai Tuilulu’u ma Aruna Lolani ,

73 Hits

Mesepa o le afio’aga o Manunu.

Mesepa o le afio’aga o Manunu.

O le tele o suiga o lo’o ua i ai nei i Samoa na fa’ailoa e le tinā i a Mesepa Seiuli o se tulaga lea o lo’o fa’apea ona tu’ufesilisili ai pea ona e le’o mafai ona ia mautauina vaega nei i totonu o lona afio’aga o Manunu.

O le aso ananafi na maua ai le fa’atalatalanoaga a le Fofoga o Samoa ma Seiuli ma na ia fa’ailoa ai le tulaga lelei tele o lo’o ua ua i ai le tele o vaega aepeita’i o lo’o i ai lava fa’afitauli e pei ona ua maitauina ai le tele o vaega o leatunu’u.

 “Ia e pei o le tele o vaega o lo’o ua i ai nei le tele na fa’aleagaina e i ai auala ma le suavai, ia ua matua lava le soifua i lenei taimi aepeita’i o lo’o ua maitauina pea le fa’aleagaina o vaega uma nei.

 “O si o matou nei nu’u o se tasi o afio’aga o lo’o feagai pea ma le leai o se suavai aemaise o auala, o lo’o i ai le tanevai o lo’o fa’amoemoe i ai, ae pei o le tulaga o lo’o ua feagai ai nei, ia o lo’o taumafai lava ina ia vave maua ai se tali.

‘O lo’u iloa i ai e leai lava se aiga e le’o feagai ma lenei fa’afitauli i le taimi lenei, ona o le tele fo’i o nai afio’aga o lo’o feagai ma nei mafatiaga i letaimi lenei, ma o se itu e ao pea lava ona va’ava’ai i ai mo se fesoasoani.

 “Ia e pei o lea lava le mafua’aga na mafua ai lava ona o matou  naunau ai lava i se tanevai ona o le manatu lava lea i le tulaga o le suavai, ona e fai ma le ola mai le tele o taimi o lo’o matou i ai nei.

 “O nisi aso ua lelei mai ae o nisi aso ua fa’aletonu fo’i lea le tulaga o vaega nei e pei ona ua ta’ua i luga.

 “O le itu o lo’o ua matua’i mana’omia lava itu nei, ona o le mana’omia ai o se fesoasoani, ae talosia o lo’o sologa lelei mea uma.

 “Ia e pei ona i ai auala o se itu e le tau fesiligia lea tulaga i totonu o manunu nei, ae o le tulaga lautele lava o lo’o sologa lelei mea uma i totonu o Manunu nei.

E mafai ona fa’afeso’ota’I Seiuli i le 7225337.

© Samoa Observer 2016

Developed by Samoa Observer in Apia