‘Au-to’alua le Digicel ma le N.R.L.

Tusia Fa’aliliu e Maiava ,

112 Hits

Ua fa’alauiloa mai e le Ta’amilosaga o le Lakapi Liki a Ausetalia (NRL) ma le kamupani mo feso’ota’iga fa’ava-o-malo, le Digicel, se faiga-fa’aPa’aga mo le tolu tausaga, e lagolagoina ai ma fa’amasani le ‘au-matamata i le Lakapi Liki i le Pasefika aoao.

Ua fa’alauiloa mai e le Ta’amilosaga o le Lakapi Liki a Ausetalia (NRL) ma le kamupani mo feso’ota’iga fa’ava-o-malo, le Digicel, se faiga-fa’aPa’aga mo le tolu tausaga, e lagolagoina ai ma fa’amasani le ‘au-matamata i le Lakapi Liki i le Pasefika aoao.

Ua fa’alauiloa mai e le Ta’amilosaga o le Lakapi Liki a Ausetalia (NRL) ma le kamupani mo feso’ota’iga fa’ava-o-malo, le Digicel, se faiga-fa’aPa’aga mo le tolu tausaga, e lagolagoina ai ma fa’amasani le ‘au-matamata i le Lakapi Liki i le Pasefika aoao. E tolu vaega ua ‘ave iai le fa’amuamua a le faiga-fa’aPa’aga:

• Polokalame a le NRL mo le Pasefika: e a’oa’oina ai tupulaga ma tina i atunu’u o le Pasefika, ma le fa’amoemoe e maua ai ni suiga lelei ma a’oga o o latou soifuaga

• O le Lagolagoina o le malaga-ta’amilo a le XIII Filifilia a le Palemia o Ausetalia, ma le 

• Amataina o se polokalame e ta’ua o le “Toa o le Pasefika” e fa’alauiloa ai le anoanoa’i o taleni o le Lakapi Liki, i totonu o le Pasefika.

E silia i le luaselau afe (200,000) fanau-a’o’oga ma afe (1000) o faia’oga i a’oga e 100 i totonu o Papua Niu Kini, Fiti, Samoa ma Tonga o le a manuia ai mai lea faiga-fa’aPa’aga, o le a fa’atinoina ai e le NRL nisi o polokalame  aua fa’atinoga o a’oa’oga, polokalame mo le soifua maloloina ma fa’alauiloa atu ai le Lakapi liki. O le a fa’aauau ai pea ia polokalame e soso’o ai le aga’i i luma ma taumafaiga sa faia muamua fo’i, i faiga-fa’aPa’aga a le malo o ‘Ausetalia ma le malo o Papua Niu Kini.  

Na fa’aalia e le Ofisa Sili o Vaega o Alamanuia a le NRL, o Michael Brown, o lea faiga-fa’aPa’aga, e mautinoa lava, o le a atili lauiloa ai ma ola-ola le lakapi-liki i le Pasefika.

“E matua fiafia ma lauiloa le Liki i totonu o le Pasefika ma ua fiafia ai lava le NRL ona ua manuia ai mai le tele o tama-ta’a’alo talenia mai le itulagi nei, i le tele o tausaga ua mavae,” o le fa’aaliga lea a Michael.

“O le faiga-fa’aPa’aga lea, e le gata o le a atili to’atele ai tagata e fiafia i le liki i totonu o le Pasefika, ae silisili ai, le fa’ato’ateleina o fanau-a’o’oga ma le itupa o tama’ita’i ua a’oa’ina lelei i tulaga mo’omia ma talafeagai lelei mo le soifua maloloina ma ola manuia.”

 “Ua leva lava ona lauiloa i Samoa nei le Lakapi-liki ma o le fa’amaoniga, o le matua to’atele lea o tama o le Toa Samoa o lo’o ta’a’alo fa’aPorofesa nei i le ta’amilosaga Liki i Ausetalia (NRL),” 

“Ua fa’afiafiaina ai lava e fai-pa’aga ma le NRL, e saga fa’amautuina ai pea, le maua e tupulaga talavou a Samoa, o avanoa e fa’aleleia atili ai ma si’itia le iloa ma le malamalama e fa’atino ai le ta’aloga, ma maua ai fo’i isi tulaga taua e pei o le galulue ma fai-fai-mea fa’atasi ma uo,” o le saunoaga lea a Rory Condon. 

 “O polokalame mo nu’u i tua, e pei o polokalame a le NRL mo Nu’u i Tua o le Atu Pasefika, e maua ai avanoa e fa’amalosia ai fanau laiti e tuli’aupu a latou miti, ma iloa ai fo’i o latou tomai ma agava’a, e mafai ona manuia ai o latou aiga i aso o muamua.” 

O le aso e fa’atasi atu ai le Kapeteni o le ‘Au a le Jillaroos a Harvey Norman, e to’alua ma Stanton Albert o le ‘Au a Panthers mai Penrith mo le amataga aloa’ia o lea faiga-Pa’aga, i le Malae Soka i Papua Niu Kini.

O lea lava maliega, o le a va’aia ai nisi o fa’ailoilo a le Digicel, i lima o ‘ofu o le XIII a le Palemia o Ausetalia, pe a o’o i le ta’aloga e feto’ai ai ma le XIII a le Palemia Papua, i lea lava Malae ia Setema.

© Samoa Observer 2016

Developed by Samoa Observer in Apia