Manatu O Le Fa’atonu - E uiga i mataupu tau le gaoi ma solitulafono laiti i le Parataiso

By Mata'afa Keni Lesa 23 June 2016, 12:00AM

O le mea moni e le mafai lava ona ‘alofia.l E ui lava ina ua uma ona matou faailoa atu muamua lenei tulaga, ae tusa ai ma mea ua tutupu mai i aso nei, o lea e tatau ai ona toe faamanatu atu. Ua outou silsila la; ia faigata lava ona fulitua i le lagona e faapea e i ai lava se mea e le o sa’o i se nofoaga.

O lea ua toe aumaia ai matou i le mau e faapea e leai se mea leaga i lo se tagata o ia lea ua manatu o loo latou faagasolo i luma ae o le mea moni-o loo latou faagasolo i tua. I nisi taimi, e te lagona e peiseai e faapena le tulaga o loo i totonu o lenei atunuu i aso nei.

O lea la o le a ‘ou faamatala atu. E talanoa so’o tagata e uiga i le faagasolo i luma, i fale tetele i totonu o Apia ma soo se mea o ia te oe. O aso uma lava matou te faalogoina ai faaupuga e pei o le ‘folafolaga mo se lumana’i matui,’ se faafanua o le ala i le manuia, fuafuaga tau le toe fesuiaiga o mea e ese ai ma isi o loo fetogia’i solo.

O le faalogo i ai e peiseai e manaia ma o le mea moni ua latou faasa’oina pusa um ape afai e te sailia upu sa’o uma e faailoa i lenei aso ma lenei vaitau. O le mea moni o i latou o ni sini lelei ma le taua, talafeagai e tatau ona faaosofia ai tatou ina ia ‘ausia. 

O le uiga o la’u upu o ai le vale na te le manaomia ia mea? O le Manuia, fesuiaiga, lumana’i manuia ma mea uma lava e faasino e faasino i ai nei faaupuga o loo aafia ai se mea e manaomia e tagata uma lava-ma ia matua anoanoa’i lava.  E mafua ona o le manuia o se mea lelei tele ma e toatele tagata ta’ito’atasi o lenei atunuu e mafai ona latou molimau i le pogai o lea tulaga. Ma a e tago e ‘eli teisi ia loloto, o le mea e te maua-e ona faate’ia ai oe. 

O le loloto i lalo ifo o le fale o loo i ai se lagona o le faanoanoa, faatiga. O se mea lea e leai se aoga, e le fetaui ma le mafaufau. O le a le mea tonu e faigata o le tuu atu lea o le tamatama’ila i ona luga. Ae o faailoilo o loo i ai lava. 

O lea matou te talanoa atu e uiga i le tulaga maoa’e o soligatulafono laiti, le tulaga mativa o le soifuaga o nisi o tagata, le tulaga faaleagaina atili o tatou talitonuga, mea e faatauaina ma le tatou aganuu, o vaega ia e faamanino ai poo ai moni lava tatou. O loo faifai malie ae mautinoa lava ua tafea.

Fai la ma faata’ita’iga le faiga ua faata’oto tau le faamaoni. A fua i le tele o mataupu tau le gaoi i totonu o lenei atunuu i aso nei, matou te talitonu ua ia i tatou se faafitauli mata’utia e tatau ona fo’ia. Silasila i lipoti a Faamasinoga ma  Leoleo, e matua uiga ese.

E aliali mai e faapea o le gaoi ua avea ma vaega uma o le soifuaga i totonu o lenei atunuu. O le vaiaso talu ai mo se faata’ita’iga, na falepuipui ai se tama’ita’i sa galuega e avea ma Failautusi Faale-Tulafono mo se Kamupani Loia lauiloa i totonu o Samoa –ona o le gaoi mai le nofoaga sa galue ai.

Ua manino mai na fai e lea tamaitai ni fuafuaga e feiloa’i ai ma paaga a le Kamupani  ma ao mai tupe ia i latou –ma e ese ai ma lona tuuina atu o ia tupe i le Vaega Tau Tupe a le Kamupani , sa na faia ni upu e ‘alo i ai e tusa ai ma lona le mafai ona tuuina atu lisiti –ae mulimuli ane ona faaaoga tupe.

E tusa ai ma le otootoga o mea moni a Leoleo, o lea Failautusi Faale-Tulafono- e le itiiti ifo i le faa-18-ona ia faia lea lea solitulafono i se vaitaimi e iva masina. I totonu o le Faamasinoga, na faaalia e le Faamasino o Vui se manatu uiga ese: “E tusa ai ma lona poto masani, o lenei solitulafono-ua matua taatele i totonu o Samoa-ae o le itu e faanoanoa ai- ua aafia ai tina talavou<” o le saunoaga lea a le Faamasino o Vui.

“Ona o le mata’utia ma le matuiā o lenei solitulafono, o se faasalaga o le nofo i le falepuipui e tatau ona tuuina atu e le Faamasinoga-ina ia mafai ai ona auina atu le fe’au i ai latou o loo faia lenei solitulafono-e faapea o lona taunuuga o Tafa’igata.” E matua momomo le loto i le faailoa atu o lenei tulaga. I totonu o se atunuu lea tatou te mitamita ai ona o la tatou aganuu ma talitonuga faale-lotu, o se tagi faalumaluma lea.

O le fesili la: Ua avea ‘ea le gaoi e avea ma vaega ua aloa’ia o le olaga i totonu o Samoa? Ua tatou masani tele ‘ea it ala tau gaoiga ia e faailoa mai ia i tatou mai le itu tauagavale, itu taumatau ma le ogatotonu i aso uma –ma ua tatou le toe popole i ai? 

Ua matou faailoa atu lenei itu ona – e tusa ai ma se vaega o tagata faipisinisi sa talanoa mai e uiga i lenei tusitusiga, o gaoiga iti ua avea ma latou faafitauli aupito i maoa’e. Fai mai latou o nisi o tagata faigaluega e gaoia mea uma ma soo se mea, ma itotonu o nisi nofoaga faigaluega, a mafai ona latou gaoia le ipu o le fale’ese, latou te gaoia lava.

E le o se faaaliga faanoanoa  ‘ea lena o le tulaga maulalo o le talitonuga o le tagata ma le tulaga o le soifuaga mo le toatele o tagata? Ua tatou le toe popona ‘ea i le Tusi Paia ma ana a’oa’oga?  Ua galo ‘ea ia i tatou o loo silafila mai le Atua tusa lava pe o le a? 

.Ua avea ‘ea i tatou ma malo e le o toe mata’u i le Atua? Matou te ioe e faapea o ni fesili faigata nei ma faatupu faalavelave-ae tatau lava ona matou fesili ia i tatou. I nisi o itu, toetoe lava a faapea o nisi tagata latou te le popona i le mea moni. Pau lava le mea o lo latou popole i ai pe o le le mea sa’o e tusa ai ma polokiki ma le manatu o isi tagata e uiga ia i latou. O se tulaga lenei e matua faanoanoa ai. 

O le mea moni e faapea afai o le faatupula’ia pea o le aofai o mataupu tau gaoiga-o se tasi lea o faata’ita’iga o le tele o faafitauli-o se mea lea e faamasinoina ai, o lenei atunu o le mea moni lava ua aga’i atu mo se lumana’i tatou te le mana’omia. Matou te talitonu o le faamaoni o le tagata manu’a muamua lea o le gaoi. Ua outou silasila la, o le taimi lava e tonu ai i se tasi e gaoi, o le taimi lava lena e moue se atu ai le faamaonia mai le telefoni feavea’i a se tasi.

They are all the same. E leai se mea e igoa o se solitulafono uliuli ma le solitulafono pa’epa’e. Ae peitai-e le ona pau lena o mea o loo faapopoleoma ao i tatou e uiga i lenei atunuu i aso nei. Tatou talanoa la i fualaau faasaina, faaaogaina o tupe leaga ma le faaaoga sese o le ‘ava malosi.

O le mea moni lava e faapea-afai o ia te oe ni tupe se tele ma afai e te iloa tagata sa’o, o le a e maua ai fualaau faasaina i o latou nuu. Ua uma ona faaalia e Faamasinoga  ia i tatou i le tele o taimi e faapea o le ‘aisa’-e faigofie ona maua.

A’o e faitauina la lenei tusitusiga, ua uma ona faailoa mai e Leoleo se taua  e faasino i le ais i totonu o Samoa ma ua leva ona latou maua atu ni tagata se toatele i le itu i lenei faafitauli. Ae faapefea le faaaoga o tupe leaga? E mafai ona tupu i totonu o Samoa? 

Ioe, ua leva ona tupu. 

E tutusa lelei lona uiga ese ma lou mafaufau i le maua gofie o laau malosi e le faatagaina, le faatupula’ia o faamasinoga tau  le faaaoga sese o le ‘ava malosi  ma le tulai mai o soligatulafono tau feusuaiga.

I le taimi nei la, ua na o ni nai tausaga lava ua mavae atu na feagai ai lenei atunuu ma le mataupu muamua tau gaoiga e faaaoga ai auupega  malosi. Talu mai lena taimi, ua tatou vaaia le tele o mataupu tau gaoiga e faaaoga ai laau malosi e aofia ai le motu tele o Savaii i se taimi ua mavae atu.

I le taimi nei la, mafaufau i le mativa. Mafaufau i faiga pi’opi’o. I Samoa nei, o le toatele lava o tatou ta’ita’i-aemaise ai lava le malo-e le talitonu o loo tutupu ia mea e lua. E ui lava ina o le mativa o se mea lea tau Aferika, ae o le a latou ta’u atu ia te outou-e faapea o faiga pi’opi’o i totonu o Samoa ua na o ni pinati pe a faatusatusa i isi atunuu. 

 O le itu lea e tau faailoa atu e faapea-afai tatou te manaomia se lumana’i lelei, e le tatau ona tatou faaauau pea ona tuu atu le mata tauaso i le mea monia e faapea o le faimea pi’opi’o e mafua ai le mativa i totonu o lenei atunuu.

Ma o le mativa e noatia mo se vasega o sitiseni ia ua matua matitiva lava-ma latou te faia soo se mea ma mea uma lava-e aofia ai le gaoi le mafaufau  o mea e pei o le ipu o le faleui-ina ia mafai ai ona ola. . O le a la sou manatu? Tusi mai e faasoa mai ou manatu ia i matou!

By Mata'afa Keni Lesa 23 June 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>