Aga’i i luma le olaga e fa’apena foi le tau le soifuaga

By Fetalai Tuilulu’u 23 April 2017, 12:00AM

O e tausiga o aiga ma fanau e le’o se mea faigofie e moomia ai le galue malosi ma ia maua le lototele aua e le’o se itu faigofie le tautua aiga.

O le manatu lea o le tama ia Faate’a Tupuola, 62-tausaga le matua mai le afioga o Siumu ma Faleula.

O lana faamuamua e ave lea mo lona aiga ma lana fanau.

“A le aunoa ma le fa’amaoni le tausiga o le fanau e le mafai ona maua se mea lelei ma le i’u lelei o latou ola. 

“E leai lava seisi mea e sili ae o lou galue malosi lava o oe ia mo lou aiga ma lau fanau” o lana tala lea I le Fofoga o Samoa.

“O le ave lava o e faamuamua I aiga aemaise o le tausiga o fanau mo se latou lumanai manuia.

O le talitonuga o le tama i lenei vaitau ua tele ai lava suiga tetele o le tau o le soifuaga ma tele ai lava suiga o le atunuu ua iai nei pe a faatusatusa atu i aso ua mavae.

“Ua taugata lava le soifuaga pe a iloa atu ai i aso ua mavae tele suiga mai fafo ua lofia ai le atunuu

“O laki lava si a’u fanau to’alua o lo’o i Niu Sila o lo’o mafai ona maua mai se fesoasoani, ia ae mo’i lava e leai se le fa’alagolago tele i le fanua aua o lo’o totogi foi a latou pili ma mea fa’apena. 

“E laki tatou e maua lava le saka talo ma le ti ua uma le aso ae o nai fanau ma aiga i fafao o lo’o amoina le mamafa o le tele o mea fai. 

Sa taua e le tama e lana fa’amuamua lava e ave lana fanau. 

“Ia o a’u e ave lava la’u fa’amuamua la’u fanau ma ia manuia o latou olaga. 

“O le mea foi le na sa fai nisi foi o le fanau ua manuia ma o’o atu i Niu Sila, o le galue ia maua ni o latou lumana’i manuia. 

“O le vaitau nei o le tatalo lava ma galue, a tatalo ae le aunoa ma le galue e maimau le taimi. 

“O aso nei ua le’o toe faigofie o le tagata lava ia ma lana fanau, a manuia fanau e manuia foi aiga. 

“Ou te ta’utino atu ia iloa e le matua fai le fa’atatau ma ia iloa le tausi aiga ma le taua o le ola o le fanau.

By Fetalai Tuilulu’u 23 April 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>