Se Aiga uluola ma soifua fiafia

Tusia Lanuola Tusani Tupufia ,

237 Hits

MAFUTAGA FA’ALE-AIGA: Suli o Lefauaitu Afoa Pe’ape’a ma Motuomanono o Pata Falelatai o lo’o potopoto mai i Samoa nei mo le ulua’i fa’atasiga fa’aleAigaaia.

MAFUTAGA FA’ALE-AIGA: Suli o Lefauaitu Afoa Pe’ape’a ma Motuomanono o Pata Falelatai o lo’o potopoto mai i Samoa nei mo le ulua’i fa’atasiga fa’aleAigaaia.

E silia i le toluselau suli o Lefauaitu Afoa Pe’ape’a ma Motuomanono o Pata Falelatai, na potopoto i le Faletalimalo o Wesley Motel i le Aso Faraile e fa’amanatu fiafia le fa’atasiga ma le mafutaga a le Aiga atoa. 

Ua leva ona fai-i-lagi le folauga a Lefau ma Motu, e to’asefulu-lua o la alo ma le faitau-salau o  fanau-a-fanau ma a latou fo’i fanau o lo’o soifua nei.

Na ta’ua e Pao Misa Lefauaitu – o le atali’i-o le-atali’i o le toea’ina – o le fa’atasiga lea, o le fa’amautuina lava o so’otaga va-va-lalata a tupulaga ‘ese’ese o le aiga.

O le ulua’i fa’atasiga lenei mo lea aiga to’atele.  

 “O le to’atele e le-iloa e aiga le isi i le isi,” o le fa’aaliga lea a Pao. 

“Ae taua tele le ola-a’e a ua latou iloa le mea e tutupu atu ai, o o latou matua ma le auga-tupulaga i luma atu ma le aga’i fo’i i luma o le olaga.” 

E to’atele sa malaga mamao mai Ausetalia, o Niu Sila, Amerika Samoa ma Amerika fa’apea i latou o lo’o nonofo i Samoa nei. 

E tolu aso o lenei mafutaga ma o le a maua ai le avanoa e fa’ailoa ai vaega ‘ese’ese o le aiga, o le aso mo ta’aloga ma le po mo fa’afiafiaga.  

O le a fa’alauiloa aloa’ia ai fo’i se tusi ua fa’aulutalaina, o le Sa’ili Malo sa tusia lava e le tama-fanau a le aiga, le Susuga a le Faife’au Foma’i o Ioane Afoa, o le tala-fa’asolopito o le Ekalesia Kerisiano i Samoa nei.

© Samoa Observer 2016

Developed by Samoa Observer in Apia