Fa’asala pe ā le palota

By Ilia L Likou 23 March 2018, 12:00AM

(OFISA OLE SOOPU); Ole a mafai ona molia soo se tasi ua maea on lesitala e palota ae le faataunuuina lea aia tatau ile taimi o sailiga tofi ale atunuu.

Ose tasi lenei o teuteuga ole Tulafono Taufaaofi Faigapalota 2018 lea ua folasia nei I luma ole laulaufono ale Fono Faitulafono a le Palemene a Samoa mo se iloiloga.

Oloo faamanino mai ile Tulafono Taufaaofi ile Fuaiupu 63 e faapea: -- ua aiaia ai e faapea e faamalosia tagata uma taitoatasi ua faamauina ina ia faia a latou palota. O le lē mafaia ona faia faapea o le a faatulai mai ai se faasalaga tupe e $100.00 seia vagana ai ua tuuina atu i le Komesina ni mafuaaga aloaia po o ua lava atoatoa, ua ala ai ona lē palota.

Mo le silafia, ile taimi e mafai ona molia ile faamasinoga soo se tasi ua lesitala ae lei palota.  Peitai ole teuteuga ole tulafono ua iai nei pe’a pasia ele Palemene ole a mafai ai faaletulafono ona molia se sui palota ua lesitala ae lei palota.

Olenei tulafono pea faamaonia ele Palemene ole a soloia ai le Tulafono o Faigapalota 1963 lea ua 55 tausaga talu ona pasia.  Ma ole faamoemoe ina ia faamamaluina ile Palota Tele ole tausaga e 2021.

Ose tasi foi o teuteuga ole siitia lea ile 10 tausaga le taimi e toe faatagaina ai ona sui le itumalo e lesitala ai sui palota.

Ile taimi nei e lima tausaga le taimi mo le sui o lesitala mai lea itumalo I lea itumalo a sui palota.

Olenei tulafono ole a faaitauina o lona faitauga muamua ile fonotaga ale Palemene oloo faagasolo ile vaiaso nei.

Mo le silafia e oo atu ile 160 ni teuteuga ole tulafono ua I luma ole laulaufono ale Palemene e pei ona faauluina ele Minisita o Faamasinoga ma Faiga Palota, le Afioga Faaolasa Katopau Ainu’u.

E tusa ai ma  ripoti talu ai, O le faatalatalanoaga lenei ma le Komesina o Faiga Palota ia Faimalomatumua Mathew Lemisio ma le Ofisa So’oupu a le Malo  i le auala fou lea o le a faatino ai le auaunaga a le Ofisa o Faiga Palota i le faiga filifiliga a le Samoa, tausaga e 2021, faatasi ai ma le faaopopo a le Palemia, Afioga Tuilaepa Dr. Sailele Malielegaoi i le tulaga maoa’e o lenei auaunaga na pueina i le polokalame Taimi ma le Palemia.

Faimalomatumua:   Ni taiala, poo static plan mo le isi lima tausaga e tapenapena mo le palota o le 2021. I le ma’ea o le faatalatalanoaina foi isi paaga a le Ofisa Faigapalota, ia faaogaina foi le experience foi lea na maua mai le palota lea na mae’a nei, ia na fausia ai la ia o le matou short plan lea, lea foi na invite ai le tou ofisa e o atu e silasila foi i le aso na launch ai.

O lea la o galuega uma la ia e faatino e le matou Ofisa e fua i luga o le taiala lea. A o le taiala lea o loo faataatitia ai ni faiga mo ni matati’a foi lea se lima e tatau ona taumafai le Ofisa ausia i le isi lima tausaga.

O vaega la ia e aofia ai le faamalosia pea o le galuega o le resitalaina o tagata, ia ma le taumafai lea ia fua le alafua faatatau le faaogaina faatekonolosi i le tatou faiga faa… o loo faogaina e fai ai le faigapalota i tekonolosi fou ia ma faiga fou o loo faaogaina foi e isi atunuu.

Lea la e galulue ai le Ofisa, lea la ua mae’a le, ia auā o le 2016 lea na launch ai le vaega lea, lea na amata a na sau le faatinoina o galuega lea, lea na i ai le faatalatalanoaga foi mo ni technology lea e i ai nei.

O lea ua mae’a ona taliaina le tatou faatalanoaina atu i se tasi o faalapotopotoga foi i o i Korea, lea la e maua mai ai le fesoasoani lea i tatou system fou lea ua mafai ona faatinoina ai le faigapalota i se auala faaona po nei.

Auā o le mea lea e i ai nei tatou, o le tulaga foi lele a o atu e fai lau palota, ona matou sailiili ia lou suafa ma faamaumauga ma mea faapena. 

O le faiga fou lea e tau aga’i i ai tatou, o le tulaga foi lele…. Ia o le faataitaiga a ia o le resitala, auā na’o le Ofisa lenei lea e i ai faiga faatekonolosi lea e faaogaina i le resitala, e le o se mea fou, ua leva ona faaoga e tatou mai le 2006.

So, o le tulaga la lena lea e faaoga ai ia le lolomiina o lou tama’itama’i lima e faamauina ai ia ou faamaumauga.

O le vaega fou la lea e sau nei pe a mae’a ona faatinoina le poloketi lea o le… e more advance atu ia le masini ia laa aumai e faaogaina. O le masini foi le na e le gata ina faaoga la i le resitala e faaogaina foi i le taimi e faatino ai le palota.

O lona uiga a oo i le aso o le palota, e te alu atu faaoga e scan ai lou lima, ia auā o le mea lea e i ai e te alu atu sailiili lou suafa i le tele o taimi e tuai ai, ia o le tele foi o taimi e le maua ai le tagata.

Ae a latu a oe faaoga lou finger print e saili ai lou suafa, ia na faigofie foi lea na faaalu le tatou galuega. E oo foi la i le taimi e mae’a ai ona fai lau palota, o le masini foi la lea e mafai pick up ina le tagata foi lea e taumafai e palota faalua, pe te sau i i fai ai lau palota na e toe susu lea i le isi fale palota e maua uma a la i luga o le system fou lenei pe a mae’a ona faatino.

A o le faitauina foi o tatou palota i le taimi lena, mo le silafia tausaga uma e uma atu le palota toeitiiti a alu se aso o faatalitali ia tatou falepalota ia mo faaiuga muamua, poo preliminary results foi ia mai tua i isi fale palota i nuu i tua, lea toeitiiti a aoina o faatalitali.

A’o le mea lea ua i ai nei tatou lea ua taumafai i masini ia auā o le taimi a e tuu ai totonu lau pepa palota, taimi foi na e faitau e le pusa palota lea ia le tagata o lea e alu i ai lau palota ma mea faapena.

A mae’a loa la ua tapuni le fale palota, ia na ona print mai fafo result e sau la lea ua i ai uma a results ia, ia at the same time ua send mai e le masini lenei ia faamaumauga nei i inei i le ofisa, ia ma vave ai lea ona maua tatou result, e le pei o aso ia leiloa pe uma ifo itula lua pe itula foi ua maua mai ia tatou provisional result ia e muamua maua ao le’i fai na o le final count.

Pei o le aotelega na o le tatou Electronic Voting lea e i ai nei.

Ofisa Sooupu:    O le a se tau aofai o le atina’e?

Faimalomatumua:   E le’i alu ai se tupe a le tatou atunuu, o lea o le grant, o lona uiga o le tupe o la e faatupe mai fafo le vaega lea, ma e latalata i le….ou te lagona e oo atu i le 5 miliona tala le aofaiga.

O nei ia Mati lea ua mae’a ona fetusia’i ma si au vaega lea, lea e amata ai loa ona o mai i nei e amata ona faatalatalanoa le implementation o le ploketi lea e tolu tausaga e implement ai.

O lona uiga e tele foi, e le gata i masini ia e aumai e faaoga, ia a o tatou mea foi lea o a’oa’oga mo tatou staff members. O lona uiga e o tatou tagata e faigaluega i inei, e o i Korea e ao’oga mai ai.

Manatua foi Korea o se tasi lea atunuu, e lelei ma maualuga le technology la e i ai. 

So, e lagona foi la le fiafia ona o lea ua mafai ona tali mai le talosaga na tuuina atu i ai.

Taimi & Palemia:   Lau Afioga, o le 2021 le isi faigapalota a Samoa, a o lea ua fuafua le Ofisa o Faigapalota e faia se isi ituaiga faiga fou, faaogaina ai tomai faaona po nei, ina ia faafaigofie le faiga o palota aemaise o le aveseea ai o le le faamaoni ma le tele o le autaufaavalea lea sa i ai le faigapalota talu ai. Faapea o lea ua talia e le Kapeneta ia le latou talosaga lea?

Tuilaepa:    O le tulaga o le faiga fou lea e galulue i ai ia tatou Komesina o Palota, o nei sa matou talatalanoa ai ma,,,,,i le fonotaga lea i le masina talu ai sa matou auai i Korea i Saute.

O le mea la e mata’utia ai le faiga fou lea le vave, o le vave na maua ia faaiuga o faigapalota, ma e faaoga ai foi le computer e te alu atu pu’e ia lou tama’itama’i lima, ia na oomi lea e le masini, ta’u mai i na e le masini ia faamatalaga foi lele o mea ua tutupu i le aso lea, taipei na pen a e palota faalua, ia ma isi a mea e faigofie ai ona faatino le galuega.

Ae o le isi mea faigofie, e na’o nai itula pu’upu’u a ae maua le iuga o faigapalota, o le faiga fou lea o le matuā lele a. Lea foi la ua fesoasoani mai ai ia le Malo Korea i Saute i le faatupega.

Faafetai ai foi i le alii pule o le vaega lea e nafa ma faiga palota i le ma’ema’e, ia o lea ua taoto mai ai ia se faiga lelei, o le a faatino ai a tatou faiga palota.

By Ilia L Likou 23 March 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>