Folasaga Minisita fa’atatau Tulafono Taufa’aofi

60 Hits

MINISITA MO LE OFISA O LE KOMESINA O FAIGA PALOTA : Fa'aolesa Katopau T. Ainuu.

MINISITA MO LE OFISA O LE KOMESINA O FAIGA PALOTA : Fa'aolesa Katopau T. Ainuu.

Ole folasaga lenei ale Minisita o Faamasinoga ma Faigapalota, le Afioga Faaolesa Katopau Ainu’u ile Fono Faitulafono Aoao e auiliili ai le Tulafono Taufaaofi o Faiga Palota 2018. O lenei tulafono na faauluina ele Afioga ale Minisita ile fonotaga ale Palemene ile vaiaso nei.

 

TULAFONO TAU FAAOFI O FAIGA PALOTA 2018 

Faamatalaga e Faamalamalama ai 

 1.0 Sini ma mafuaaga: 1.1 Ua taumafai le Tulafono Tau Faaofi e suia le Tulafono o Faiga Palota 1963. O le Tulafono Tau Faaofi o le toe tusiga lea o le Tulafono i le gagana e sili ona faigofie. O lo o aofia ai aiaiga o le Tulafono ae faapea foi ma tulafono faafoe fou o le a faapea ona faaaogā e limataitaiina ai ma faatonutonu faaletulafono taualumaga mo faiga palota i totonu o Samoa.  

 1.2 O le sini autu o le Tulafono Tau Faaofi o le tuuina atu lea o se faagasologa e sili atu ona manino lelei mo le faatinoga o faiga palota i Samoa. 

VAEGA 1 - FAATOMUAGA 

 Fuaiupu 1: - ua aiaia ai mo le igoa puupuu ma le amataga. Fuaiupu 2: - ua aiaia ai mo le faamatalaina o uiga o fuaitau o lo o faaaogā i totonu o le Tulafono Tau Faaofi. 

 VAEGA 2 - VAEGA FAAUPUFAI 

 Fuaiupu 3: - ua aiaia ai le Komesina o Faiga Palota ina ia teuina ma tausia se ‘tusi resitala o vaega faaupufai’. 

Fuaiupu 4: - ua aiaia ai manaoga o le talosaga mo le faamauina o se Vaega Faaupufai.

Fuaiupu 5: - ua aiaia ai mo le faagasologa o le faamauina o se vaega faaupufai. 

Fuaiupu 6: - ua aiaia ai le faagasologa mo le faalēaogāina o le faamauina. 

Fuaiupu 7: - ua aiaia ai e faapea e ao i sui o tagata lautele ona maua avanoa e aunoa ma se tupe totogi, i le tusi resitala o vaega faaupufai.  

  VAEGA 3 - TULAGA AGAVAA E AVEA AI MA SUI TAUVA I FAIGA PALOTA 

Fuaiupu 8: - ua aiaia ai mo agavaa manaomia e avea ai ma sui tauva i faiga palota. 

Fuaiupu 9: - ua aiaia ai e faapea, e mafai e se sui tauva ona finauina i totonu o le Faamasinoga le tulaga agavaa o le isi sui tauva e avea ai ma sui tauva.  

Fuaiupu 10: - ua aiaia ai e faapea, e lē avea se mea sese o se lisi o le faasologa o igoa o tagata palota ma mafuaaga o le faalēaogāina ai o le tulaga agavaa o se tagata e avea ma sui tauva. Fuaiupu 11: - ua aiaia ai mo manaoga o le faamavae mai le tofi o tagata faigaluega a le Malo ua faamoemoe e avea ma sui tauva. 

Fuaiupu 12: - ua aiaia ai mo manaoga o le faamavae mai le tofi o isi Tagata Ofisa o le Malo ua faamoemoe e avea ma sui tauva. 

VAEGA 4 - FAAMAUINA MA LE FAALILIUINA ATU O TAGATA PALOTA 

 Vaevaega 1 - Faamauina ma le Faaliliuina Atu 

Fuaiupu 13: - ua aiaia ai e faapea, ua faamalosia faaletulafono so o se tagata, o ia lea ua agavaa ona faamauina e avea ma tagata palota.  

Fuaiupu 14: - ua aiaia ai mo tulaga agavaa o se tagata palota.

Fuaiupu 15: - ua aiaia ai e faapea, e mafai ona faamauina se tagata i le na o le itumalo palota e tasi lea o lo o nofomau ai. 

Fuaiupu 16: - ua aiaia ai le tuusaunoaga e faamauina ai i totonu o se itumalo palota se tagata o nofomau ai. E faaaogā le tuusaunoaga i se tagata o ia lea e filifili e faamauina lona igoa i se itumalo o lo o avea ai o ia ma matai, ae lē ona e faapea o lo o nofomau ai i lea Itumalo. E faaaogā foi le tuusaunoaga i fanau a se sui tauva, o i latou ia ua filifili e faamauina igoa i le Itumalo o lo o faamauina ai le matua. E faaaogā foi le tuusaunoaga i le toalua o se sui tauva o ia lea ua manao e faamauina lona igoa i le Itumalo o lo o faamauina ai lona toalua o avea ma sui tauva. Fuaiupu 17: - ua aiaia ai mo mafuaaga e tauleagavaaina ai se tagata mai le faamauina e avea ma tagata palota.  

Fuaiupu 18: - ua aiaia ai e faapea e mafai e se tagata palota ona faaliliuina atu mai le tasi itumalo i le isi, i le tuanai ai o le 10 tausaga, mai le aso na faamauina muamua ai po o, mai le aso aupito lata mai na faaliliuina atu ai, po o mai le aso na toe faamauina ai.  

Fuaiupu 19: - ua aiaia ai mo le Komesina e iloiloina talosaga mo le faamauina. 

Fuaiupu 20: - ua aiaia ai mo le sainiga ma le faamaoniga o talosaga mo le faamauina e avea ma tagata palota.  

 Vaevaega 2 - Nofoaga e nofomau ai 

 Fuaiupu 21: - ua aiaia ai le tulaga ua fuafuaina ai le nofoaga o nofomau ai se tagata.  

 

 VAEGA 5 - LISI O LE FAASOLOGA O IGOA O TAGATA PALOTA 

 Vaevaega 1 - Tuufaatasiga ma le Tausiga

Fuaiupu 22: - ua aiaia ai mo faamatalaga o ituaiga lisi eseese o faasologa o igoa. 

Fuaiupu 23: - ua aiaia ai le tiute tauave o le Komesina e tuufaatasia ai ma tausia lisi o le faasologa o igoa o tagata palota. 

Fuaiupu 24: - ua aiaia ai mo le aveeseina o igoa mai se lisi o le faasologa o igoa e le Komesina. Fuaiupu 25: - ua aiaia ai e faapea e ao ona tausia se lisi faaeletoroni o le faasologa o igoa. Fuaiupu 26: - ua aiaia ai mo le Komesina e saunia ma lolomiina lisi faaopoopo o le faasologa o igoa.  

Fuaiupu 27: - ua aiaia ai e faapea, e mafai e le Komesina ona lolomiina se lisi o le faasologa o igoa mo faamoemoega eseese i tulaga o lo o faapea ona manaomia ai sea lisi. 

 Vaevaega 2 – Tete’e 

 Fuaiupu 28: - ua aiaia ai mo tetee a tagata palota ma mafuaaga e mafai ai ona faia tetee.  Fuaiupu 29: - ua aiaia ai mo tetee a le Komesina.  

Fuaiupu 30: - ua aiaia ai mo le taualumaga e faafoeina ai le iloiloga a le faamasinoga o se tetee.  Fuaiupu 31: - ua aiaia ai mo taimi faatapulaaina o iloiloga o tetee e le faamasinoga.  

 Vaevaega 3 - Iloiloga o lisi o le faasologa o igoa 

 Fuaiupu 32: - ua aiaia ai e faapea e mafai e le Komesina ona faaaogā se lisi o le faasologa o igoa o lo o aofia ai ata pue o tagata palota e toe iloiloina ai lisi o le faasologa o igoa.  

 Vaevaega 4 - Tapunia ma le Lolomiina 

 Fuaiupu 33: - ua aiaia ai le tapunia o lisi o le faasologa o igoa i se aso ua faatulagaina e le Komesina, lea e tatau ona ono (6) masina a o lumanai ai le aso mulimuli e ono faia ai faiga palota.  

Fuaiupu 34: - ua aiaia ai mo le Komesina ina ia lolomiina lisi autu o le faasologa o igoa mo itumalo palota.  Fuaiupu 35: - ua aiaia ai e faapea o le manaoga mo le lolomiina o lisi o le faasologa o igoa e faalēaogāina pe afai ua toe faia se ata o lisi o le faasologa o igoa ua taina faa-lomitusi. 

 Vaevaega 5 - Faaaogāina o Lisi o Faasologa o Igoa 

 Fuaiupu 36: - ua aiaia ai e faapea e avanoa lisi o le faasologa o igoa i asiasiga po o le silasila i ai o sui o le atunuu lautele i le Ofisa o le Komesina po o so o se isi lava nofoaga ua atofaina e le Komesina.  

Fuaiupu 37: - ua aiaia ai e faapea o le faaaogāina o ata o lisi o le faasologa o igoa (ia ua faamaonia e le Komesina) e ao ona faaoo atu e le Komesina mo le faamoemoe o le faatautaiga o se faiga palota.  

 

Vaevaega 6 - Lisi Moenoa o le Faasologa o Igoa 

 Fuaiupu 38: - ua aiaia ai e faapea e mafai e le Komesina ona saunia ma tausia se lisi moenoa o le faasologa o igoa. 

 Fuaiupu 39: - ua aiaia ai mo le aveesea o se igoa o se tagata ua maliu mai le lisi moenoa o le faasologa o igoa.  

Fuaiupu 40: - ua aiaia ai mo manaoga o le lolomiina ma le teuina o le lisi moenoa o le faasologa o igoa. 

 Fuaiupu 41: - ua aiaia ai e faapea e mafai ona asiasia e tagata lautele o le atunuu le faila moenoa.  

 VAEGA 6 - FAIGA FAATOSINA 

 Fuaiupu 42: - ua aiaia ai mo faiga ua faamaonia mo faatosina.  

Fuaiupu 43: - ua aiaia ai mo le vaitaimi o le a faasaina ai faiga faatosina.  

Fuaiupu 44: - ua aiaia ai mo soligatulafono o faiga faatosina. 

VAEGA 7 - TUUIN ATU O FAASALALAUGA O FAIGA PALOTA MA FILIFILIGA 

Vaevaega 1 - Faasalalauga o Faiga Palota 

Fuaiupu 45: - ua aiaia ai mo faasalalauga o faiga palota e le O Le Ao o le Malo. 

Fuaiupu 46: - ua aiaia ai e faapea e ao i le Komesina ona tuuina atu se faasilasilaga faalauaitele o le faasalalauga o faiga palota. 

Vaevaega 2 - Filifiliga 

Fuaiupu 47: - ua aiaia ai mo le filifiliga o se Sui Tauva.  

Fuaiupu 48: - ua aiaia ai e faapea e mafai e le Komesina ona taliaina le filifiliga o se sui tauva pe afai ua faamalieina manaoga talafeagai uma.  

Fuaiupu 49: - ua aiaia ai mo le toe faauiina i tua o filifiliga.  

Fuaiupu 50: - ua aiaia ai mo le faasalalauina o filifiliga ia e ao ona lomia faasalalau e le Komesina.  

Fuaiupu 51: - ua aiaia ai mo le faiga e tagofia ai se igoa o se sui tauva, o ia lea ua maliu, a o le i tapunia le taimi o filifiliga. 

 Fuaiupu 52: - ua aiaia ai mo le faiga e tagofia ai se igoa o se sui tauva, o ia lea ua maliu, i le maea ai ona tapunia le taimi o filifiliga.  

Fuaiupu 53: - ua aiaia ai mo le taualumaga pe afai e le o i ai se filifiliga mo se Itumalo Palota. 

 VAEGA 8 - MEA E MANAOMIA A O LUMANAI AI LE ASO O FAIGA PALOTA 

 Fuaiupu 54: - ua aiaia ai e faapea o le Komesina na te tuuina atu se faasilasilaga faalauaitele o fale palota, lea e manaomia ai e faapea o fale palota mo se Itumalo Palota, e filifilia lava i totonu o lea lava Itumalo.

Fuaiupu 55: - ua aiaia ai e faapea o le Komesina e fitoitonu iai le saunia o meafaigaluega talafeagai mo le faatotogaina o fale palota.  

Fuaiupu 56: - ua aiaia ai mo le tofiaina o tagata ofisa e faafoeina faiga palota.  

Fuaiupu 57: - ua aiaia e faapea o le Komesina e tofiaina tagata ofisa i Itumalo Palota e faatautaia se faiga palota.  

Fuaiupu 58: - ua aiaia ai le pepa faatumu mo pepa palota e faatonutonuina e tulafono faatonutonu ma taimi o le a lolomiina ai e le Komesina.  

Fuaiupu 59: - ua aiaia ai e faapea o le Komesina na te faaalia manino le filifiliga o se sui tauva e aunoa ma se faiga palota.  

 VAEGA 9 - FAIGA PALOTA AOAO 

 Vaevaega 1 - Palota e faia a o le i oo i le aso o faiga palota 

Fuaiupu 60: - ua aiaia ai e faapea e mafai ona faatino palota a o le i oo i le aso o faiga palota.  Fuaiupu 61: - ina ia mafai ona agavaa e avea ma tagata palota e mafai ona faia sana palota e ala i le palota a o le i oo i le aso o faiga palota, e ao i se tagata ona faamaonia lona malaga i fafo atu o Samoa i so o se aso, a o faagasolo le vaiaso i luma mai o le aso o faiga palota.  

 Vaevaega 2 - Palota 

 Fuaiupu 62: - ua aiaia ai e faapea e agavaa tagata ua faamauina i luga o se lisi o le faasologa o igoa e palota. 

Fuaiupu 63: - ua aiaia ai e faapea e faamalosia tagata uma taitoatasi ua faamauina ina ia faia a latou palota. O le lē mafaia ona faia faapea o le a faatulai mai ai se faasalaga tupe e $100.00 seia vagana ai ua tuuina atu i le Komesina ni mafuaaga aloaia po o ua lava atoatoa, ua ala ai ona lē palota.

Fuaiupu 64: - ua aiaia ai e faapea, e mafai e se vaega faapitoa o tagata ona agavaa e avea ma tagata palota faapitoa, o i latou ia e mafai ona faia a latou palota i fafo atu o le Itumalo o lo o faamauina ai. O lenei Vaega faapitoa e aofia ai tagata ofisa fai palota, o se tagata o faafaigaluegaina e auaunaga moomia o lisiina atu i lalo o le Tulafono o Aso Malolo mo Tagata Uma 2008 (e pei o falemai, galuega tau leoleo ma isi faapena) o se gasegase o taofia i so o se falemai ma se tausi ma’i a le gasegase, o se tagata o faafaigaluegaina i se nofoaga o tausia ai tagata matutua, e aofia ai tagata faigaluega, o se tagata o soifua i se apitaga o maua ai le puipuiga ma e aofia ai tagata faigaluega. Fuaiupu 65: - ua aiaia ai mo tagata e ona galuega ina ia tuu atu avanoa i tagata faigaluega o faafaigaluegaina i auaunaga ua lisiina atu i le fuaiupu 64, e tuua ai galuega e palota a o faagasolo itula faigaluega.  

 Vaevaega 3 - Aso o Faiga Palota 

 Fuaiupu 66: - ua aiaia ai mo itula o faiga palota lea e amata i le itula e 8.00 i le taeao ma tapunia i le itula e 3.00 i le afiafi o lea lava aso po o le tapunia i le itula e 7 i le afiafi pe afai o le aso o faiga palota e pa’ū i se Aso Toonai.  

Fuaiupu 67: - ua aiaia ai e faapea o le Ofisa Taitai Fai Palota na te faamautinoaina le lokaina o le pusa palota i taimi uma po o le faamauina lelei pe afai ua faaleagaina le loka. 

Fuaiupu 68: - ua aiaia ai le faiga e tuuina atu ai pepa palota i tagata palota e le Ofisa Fai Palota.  Fuaiupu 69: - ua aiaia ai e faapea, e mafai e se tagata palota o ia lea e tauaso po o e fai lona sulu, po o le lē iloa ona faitau tusi pe tusitusi, ona talosagaina se fesoasoani mai le Ofisa Taitai mo le faia o lana palota. 

Fuaiupu 70: - ua aiaia ai e faapea, e mafai ona tuuina atu se pepa palota fou i se tagata palota, mo se pepa palota ua ia faaleagaina. 

Fuaiupu 71: - ua aiaia ai le faiga e mafai ai ona faia o se palota.  

 Fuaiupu 72: - ua aiaia ai mo le taualumaga e faaaogā pe afai ua sili atu i le tasi le pepa palota ua tuuina atu mo le igoa lava lea e tasi.

 Fuaiupu 73: - ua aiaia ai tulaga faasaina e faaaogā i se tagata pe afai e faaaogā e lea tagata se fale palota. 

Fuaiupu 74: - ua aiaia ai e faapea e lē faatagaina ona talanoa i se tagata i totonu o se fale palota seia vagana ai o nisi tulaga e aliae mai ma e na o le Ofisa Taitai po o se failautusi o faiga palota e faatagaina. 

Fuaiupu 75: - ua aiaia ai e faapea e mafai e le Ofisa Taitai ona faia nisi o fesili i totonu o se fale palota ma le auala e taliina ai ia fesili.  Fuaiupu 76: - ua aiaia ai e faapea, ia tausia e le ofisa taitai le faatumauina o le toafilemu i le fale palota ma e mafai ona ia tapa le pueina faapagota o se tagata e aunoa ma se tusi samania i lalo o tulaga ua tuuina atu.  

 

Vaevaega 4 - Faitauga muamua o palota 

 Fuaiupu 77: - ua aiaia ai mo le faiga e faatino ai le faitauga muamua o palota. 

 Vaevaega 5 - Faavasegaina o palota 

 Fuaiupu 78: - ua aiaia ai mo le faiga e faavasegaina ai palota e le Komesina.  

 Vaevaega 6 - Tausiga o pepa palota 

 Fuaiupu 79: - ua aiaia ai mo le taualumaga e ao ona faatino ina ia mafai ai ona faataunuuina atoatoa tiute e puipuia ai le tulaga faaletonu o pepa palota. 

 VAEGA 10 - TAUNUUGA ALOAIA O LE FAIGA PALOTA AOAO 

Vaevaega 1 - Iloiloga o lisi o le faasologa o igoa 

 Fuaiupu 80: - ua aiaia ai mo le faamatalaina o le uiga o se ‚tagata faatagaina‛ mo le faamoemoe o lenei Vaega.  

Fuaiupu 81: - ua aiaia ai le taualumaga e ao ona faatino mo le iloiloga o lisi o le faasologa o igoa.  Fuaiupu 82: - ua aiaia ai mo le faiga e faatusatusaina ai ata o lisi o le faasologa o igoa ua maea ona faailogaina.  

Vaevaega 2 - Faitauga Aloaia 

 Fuaiupu 83: - ua aiaia ai le taualumaga lea o le a faafoeina ai le faitauga aloaia o palota.  

 Vaevaega 3 - Faaaliga Manino o Taunuuga o Faiga Palota Aoao 

 Fuaiupu 84: - ua aiaia ai le faiga o le a faatino ai le faalauiloaina aloaia o taunuuga o le palota.  

 Vaevaega 4 - Toe faitauga 

 Fuaiupu 85: - ua aiaia ai le taualumaga lea e mafai ona faaaogā e se sui tauva pe afai na te talosagaina le toe faitauga o palota.  

Fuaiupu 86: - ua aiaia ai e faapea e ao i le Komesina ona tuuina atu pepa palota ma tusi faamaonia o le aofaiga atoa o palota, i se Faamasino o le Faamasinoga Faaitumalo mo le faamoemoe o le toe faitauga o palota. 

VAEGA 11 - TUUESEINA ATU O PEPA PALOTA 

Fuaiupu 87: - ua aiaia ai mo le tuueseina atu o pepa palota ma isi tusi ma pepa talafeagai sa faaaogā mo le palota.  

Fuaiupu 88: - ua aiaia ai le taualumaga e manaomia mo le tuueseina atu o taui ma afifi.  

 VAEGA 12 - SOLIGATULAFONO I FAIGA PALOTA 

 Fuaiupu 89: - ua aiaia ai mo le soligatulafono o le aiaina po o le faatosinaina o tagata palota. Fuaiupu 90: - ua aiaia ai mo le soligatulafono o le lomia faasalalau o mataupu tau faaleaga a o faagasolo faiga palota. 

Fuaiupu 91: - ua aiaia ai mo le soligatulafono o le tapeina po o le suia o se faailoga aloaia i luga o se pepa palota.  

Fuaiupu 92: - ua aiaia ai mo soligatulafono e fesootai i uiga tau faasese, e faatatau i pepa palota ma pusa palota.  Fuaiupu 93: - ua aiaia ai mo le soligatulafono o le soliga o uiga faalilolilo. 

 VAEGA 13 - FAIGA TAUVALEA  E LĒ TUSA AI MA LE TULAFONO 

 Vaevaega 1 - Faiga Tauvalea 

 Fuaiupu 94: - ua aiaia ai mo itu e oo atu ai i faiga tauvalea. 

Fuaiupu 95: - ua aiaia ai mo le soligatulafono o le faafoliga i se isi tagata.  

Fuaiupu 96: - ua aiaia ai mo le soligatulafono o faiga faaoloataua. 

Fuaiupu 97: - ua aiaia ai mo le soligatulafono o faiga sese e faatosina ai. 

Fuaiupu 98: - ua aiaia ai mo le soligatulafono o le faatosina i ala e lē tatau ai. 

 Vaevaega 2 - Faiga e lē tusa ai ma le Tulafono 

Fuaiupu 99: - ua aiaia ai e faapea o le sailia ina ia maua ni palota a tagata palota e lē agavaa, e oo atu ai i faiga e lē tusa ai ma le tulafono.  

Fuaiupu 100: - ua aiaia ai mo tulaga e oo atu ai i faiga e lē tusa ai ma le tulafono a o faagasolo le vaitaimi o faiga palota. 

Vaevaega 3 - Aiaiga lautele e faasino i lenei Vaega 

 Fuaiupu 101: - ua aiaia ai e faapea o ‚O’o ma Momoli‛ e lē faatatauina o ni faiga tauvalea po o ni faiga e lē tusa ai ma le tulafono, pau lava o lea, ia faatino i le 12 masina i le tuanai ai o le faiga palota aoao. 

Fuaiupu 102: - ua aiaia ai e faapea o le ‚tautua fa’aauau‛ e le o faatatauina o se soligatulafono i lalo o lenei Vaega, ma ua aiaia itu mo le ‚tautua fa’aauau‛. 

Fuaiupu 103: - ua aiaia ai le faasalaga mo faiga tauvalea po o faiga e lē tusa ai ma le tulafono.  Fuaiupu 104: - ua aiaia ai e faapea, o se tagata ua molia i se faiga tauvalea e mafai ona faamaonia le nofosala i faiga e lē tusa ai ma le tulafono. 

Fuaiupu 105: - ua aiaia ai le vaitaimi faatapulaaina e ao ai ona faia se moliaga. 

Fuaiupu 106: - ua aiaia ai e faapea e mafai ona faaaogāina pepa ua aveeseina mai afifi e avea ma faamatalaga molimau i nisi mataupu. 

 VAEGA 14 - TALOSAGA O FAIGA PALOTA 

 Vaevaega 1 - Tuuina atu o Talosaga o Faiga Palota 

 Fuaiupu 107: - ua aiaia ai le auala e mafai ai ona fesiligia se faiga palota lea e tatau ona faia e ala i se talosaga i le Faamasinoga Sili, o faasea ai i se faiga palota ua lē tusa ai ma le tulafono po o se tautinoga po o se lipoti ua lē tusa ai ma le tulafono.  

Fuaiupu 108: - ua aiaia ai mo manaoga e ao ona faamalieina e se tagata ina ia mafai ai ona tuuina atu e lea tagata se talosaga e uiga i faiga palota i le Faamasinoga Sili. 

Fuaiupu 109: - ua aiaia ai mo le vaitaimi faatapulaaina e tuuina atu ai talosaga o faiga palota i le Faamasinoga Sili, lea ua faatulagaina i totonu o le 10 aso faigaluega, i le tuanai ai o le aso na faasilasila faalauaitele ai e le Komesina le taunuuga o le faiga palota.  

Fuaiupu 110: - ua aiaia ai manaoga e faatatau i le puipuigamalu o tupe totogi e ao ona saunia pe a tuuina atu se talosaga o faiga palota.  

Fuaiupu 111: - ua aiaia ai le manaoga o le itu tetee e tuuina atu ai se tautinoga faaletulafono e faapea, e le i auai o ia i ni faiga tauvalea po o ni faiga e lē tusa ai ma le tulafono, ma le manaoga mo tagata molimau a le itu tetee ina ia tuuina atu ni tautinoga faaletulafono e faapea, e le i faia e le itu tetee se faiga tauvalea po o se faiga e lē tusa ai ma le tulafono, e tusa ma le silafia o le tagata molimau.  

Fuaiupu 112: - ua aiaia ai e faapea, afai e sili atu i le tasi le talosaga e faasino i le faiga palota po o taunuuga o le palota lava lea, o le a tagofia ia talosaga e avea ma talosaga e tasi o faiga palota.  Fuaiupu 113: - ua aiaia ai le faiga o le a faapea ona faia ai tulafono faafoe o le Faamasinoga.  

 Vaevaega 2 - Suesueina o talosaga e uiga i faiga palota 

 Fuaiupu 114: - ua aiaia ai e faapea o talosaga uma o faiga palota o le a suesueina e Faamasino o le Faamasinoga Sili.  

Fuaiupu 115: - ua aiaia ai le faiga e ao ona faatautaia ai se suesuega o se talosaga o faiga palota.  Fuaiupu 116: - ua aiaia ai e faapea ua faalēaogāina le filifiliga o se sui tauva ua faamaonia i se moliaga o faiga tauvalea i se faamasinoga, mo se talosaga o faiga palota. 

Fuaiupu 117: - ua aiaia ai e faapea e faalēaogāina le filifiliga o se sui tauva ua filifilia mai faiga tauvalea ua faatulai mai po o faiga e lē tusa ai ma le tulafono.  

Fuaiupu 118: - ua aiaia ai e faapea, a o faagasolo le suesueina o se talosaga o faiga palota, e ao lava ona tausisia le faia o le amiotonu moni.  

Fuaiupu 119: - ua aiaia ai e faapea ia soloi ese palota e afua mai i se suesuega pe afai ua lipotia mai e le Faamasinoga Sili se sui tauva ua faamaonia lona nofosala i faiga faaoloataua, faiga sese e faatosina ai po o se uiga faatosina e lē tatau ai. E tasi le palota mo tagata taitasi uma ua faamaonia e faapea na faaoloataua, faatosina i ni auala sese, pe na faatosina i ni ala e lē tatau ai.  Fuaiupu 120: - ua aiaia ai e faapea, e lē avea nisi tulaga faaletonu ma ala e faalēaogāina ai se faiga palota.  

Fuaiupu 121: - ua aiaia ai e faapea, o faaiuga a le Faamasinoga Sili i lalo o lenei Vaega e mausali ma e lē noatia i ni talosaga tetee.  

Fuaiupu 122: - ua aiaia ai e faapea e mafai e le Faamasinoga Sili, e faaopoopo i le faaooina atu o se tusi faamaonia, ona lipoti atu i le Fofoga Fetalai mea moni ua taua e uiga i faiga tauvalea po o faiga e lē tusa ai ma le tulafono.  

Fuaiupu 123: - ua aiaia ai e faapea, e mafai e le Faamasinoga Sili ona faia se Lipoti Faapitoa i le Fofoga Fetalai. 

Fuaiupu 124: - ua aiaia ai mo le sainia ma le aloaia o tusi faamaonia ma lipoti a le Faamasinoga Sili. Fuaiupu 125: - ua aiaia ai e faapea, e ao ona tuuina atu se lipoti i le Loia Sili pe afai ua lipotia mai e le Faamasinoga Sili se tagata ua faamaonia i se suesuega o se talosaga o faiga palota, e faapea ua nofosala i se faiga tauvalea po o se faiga e lē tusa ai ma le tulafono.  

Vaevaega 3 - Tagata molimau 

 Fuaiupu 126: - ua aiaia ai mo le valaauina ma le suesueina o tagata molimau.  

Fuaiupu 127: - ua aiaia ai e faapea e mafai ona tuuina atu se tusi faamaonia o le puipuiga i se tagata molimau ma o le aloaia o sea tusi faamaonia e faapea, e lē mafai ona molia lea tagata molimau, mo faamatalaga na tuuina mai e lena molimau, lea e ono molia ai o ia i se isi faiga e ese ai.  

Vaevaega 4 - Tupe totogi 

Fuaiupu 128: - ua aiaia mo tupe alu a tagata molimau, o le faiga o le a fuafuaina ai ma o le a faatatauina e avea ma vaega o tupe alu a le Faamasinoga po o tupe totogi o le talosaga.  

Fuaiupu 129: - ua aiaia ai mo tupe totogi e totogiina e tagata ua faamaonia le nofosala i faiga tauvalea po o faiga e lē tusa ai ma le tulafono.  

Fuaiupu 130: - ua aiaia ai mo totogi o talosaga ma tagata o le a feagai ma le totogiina o ia tupe totogi. 

 Vaevaega 5 - Toe faaui i tua ma le faamutaina o talosaga 

 Fuaiupu 131: - ua aiaia ai le faiga e toe faaui ai i tua se talosaga o faiga palota.  

Fuaiupu 132: - ua aiaia ai le faiga o le a suia ai i se tagata talosaga e fou. 

Fuaiupu 133: - ua aiaia ai e faapea, e ao i le Faamasinoga Sili ona faia se lipoti i le Fofoga Fetalai, pe afai i le manatu o le Faamasinoga Sili, o le toe faaui i tua o le talosaga o se taunuuga lea o se faatulagaga tauvalea ma tulaga na aliae mai e faatatau i le toe faaui i tua o sea talosaga. 

Fuaiupu 134: - ua aiaia ai mo tulaga aliae mai ia e mafai ai ona faamutaina se talosaga.  

Fuaiupu 135: - ua aiaia ai e faapea, o se soligatulafono le totogi o tupe e taofia ai po o le faaui i tua o se talosaga o faiga palota. 

Fuaiupu 136: - ua aiaia ai mo le faaooina atu o faaaliga.  

Fuaiupu 137: - ua aiaia ai e faapea e tuusaunoa le Komesina mai totogifuapauina a le Faamasinoga.  Fuaiupu 138: - ua aiaia ai mo le aloaia faaletulafono o ni tulaga faaletonu.  

VAEGA 15 - LISI O TAGATA UA FAAMAONIA I FAIGA TAUVALEA 

 Fuaiupu 139: - ua aiaia ai mo le Faavaeina ma le Tausiga o se Lisi o Tagata ua Faamaonia i Faiga Tauvalea. 

 VAEGA 16 - TULAGA FAA-SUI O SE VAEGA FAAUPUFAI I TOTONU O LE FONO AOAO FAITULAFONO MA AVANOA 

 Vaevaega 1 - Tulaga Faa-Sui o se Vaega Faaupufai i totonu o le Fono Aoao Faitulafono 

 Fuaiupu 140: - ua aiaia e faapea, a o le i faia le tautoga o le loto faamaoni a se Sui Usufono tutoatasi, e mafai ona auai atu o ia i se vaega faaupufai po o le tumau pea ona avea ma Sui Usufono Tutoatasi, po o se Sui Usufono o se vaega e le o atoa le fuainumera o sui e avea ai ma vaega faaupufai, e mafai ona ia auai atu i se isi vaega faaupufai po o le avea ma Sui Usufono tutoatasi.  

 Vaevaega 2 - Avanoa 

 Fuaiupu 141: - ua aiaia ai mo tulaga e mafai ai ona avanoa se nofoa o se Sui Usufono.  

Fuaiupu 142: - ua aiaia ai mo le faiga, lea e mafai ona molia ai se Sui Usufono na te faaavanoaina lona nofoa.  

Fuaiupu 143: - ua aiaia ai mo tulaga e oo atu ai i le faamaoniga o le avanoa ai o le nofoa o se Sui Usufono.  

Fuaiupu 144: - ua aiaia ai le tiute o le Resitara o le Faamasinoga e tuuina atu ai se faaaliga i le Fofoga Fetalai po o le Sui Fofoga Fetalai e faapea ua i ai se avanoa ua tulai mai ona o le taunuuga o se taualumaga faa-Faamasinoga.  

Fuaiupu 145: - ua aiaia ai e faapea, o se soligatulafono mo se Sui Usufono, le seei ai e avea o se Sui Usufono ae ua faamaonia le avanoa o lona nofoa. 

Fuaiupu 146: - ua aiaia ai tulaga ia e mafai ai e le Fofoga Fetalai ona talia se faaaliga o le maliu o se Sui Usufono mo le faamoemoe o lenei Vaega.  

 VAEGA 17 - FAIGA PALOTA LAITI 

 Fuaiupu 147: - ua aiaia ai e faapea, mo le faamoemoe o se faiga palota laitiiti, e lē mafai ona tuuina atu se faasalalauga o faiga palota, pe afai o lo o i ai se talosaga o faiga palota o lo o talia i le Faamasinoga.  

Fuaiupu 148: - ua aiaia ai mo tulaga e mafai ai e le Fofoga Fetalai ona tuuina atu se Tusi Faapoloaiga mo faasalalauga o faiga palota mo palota laiti, e faatumu ai le avanoa.  

Fuaiupu 149: - ua aiaia le taimi e tuuina atu ai e le Fofoga Fetalai se Tusi Faapoloaiga, e tuuina atu ai e le Komesina se faasalalauga o le faiga palota laitiiti.  

Fuaiupu 150: - ua aiaia ai mo lisi o faasologa o igoa o le a faaaogā i se faiga palota laitiiti, i le taimi e faailoa manino ai le faalēaogāina o le faiga palota e le Faamasinoga Sili.  

Fuaiupu 151: - ua aiaia ai le faiga e tapunia ai lisi o le faasologa o igoa o tagata palota. 

Fuaiupu 152: - ua aiaia ai e faapea, ia faaaogā le fuaiupu 47 e oo i le 138 o le Tulafono i lenei Vaega, faatasi ai ma suiga talafeagai i faiga palota laiti, ae le o le faiga palota aoao. 

 VAEGA 18 - AIAIGA ESEESE 

 Fuaiupu 153: - ua aiaia ai e faapea, e mafai e le O Le Ao o le Malo ona faia tulafono faatonutonu mo le faamoemoe o le faamamaluina atoatoa o le Tulafono.  

Fuaiupu 154: - ua aiaia ai mo teuteuga faatupulaia i le Tulafono o Fanua ma Suafa 1981 e faasaina ai le toe aveesea o le faamauina o suafa matai mo le faamoemoe o faiga palota.  Fuaiupu 155: - ua aiaia ai mo le soloia o le Tulafono o Faiga Palota 1963.  

Fuaiupu 156: - ua aiaia ai mo aiaiga tau soloaiga ma aiaiga faasaoina. 

  Hon FA’AOLESA Katopau T. Ainuu

MINISITA MO LE OFISA O LE KOMESINA O FAIGA PALOTA

© Samoa Observer 2016

Developed by Samoa Observer in Apia